2011年1月13日 星期四

冬日好伴侶 - OLECULE鎖水孖寶


  今年o既冬天真係唔講得笑~!! 
  乾怪ArMui經已被抽得乾無可乾, 再加上做o左upperlip脫毛後, 皮膚顯得份外脆弱...

   真係好多好多年無試過乾到人中位甩皮~!! 連同咀角都係一塊塊皮凸起~!! 肉酸得來, 乾到帶刺痛感... 化唔化妝都係勁勁勁明顯!! 

  一連幾日用盡方法都無改善... 真係令下定決心要努力變靚落力打扮o既我好沮喪~!! 响極後悔咁凍join upperlip脫毛o既同時又慶幸無join到全面脫毛, 全面咁脫法我一定會顛曬... 

  真係好好彩~!! 得到呢對孖寶, 打救响水深火熱中o既甩皮怪Mui... 



Olecule B5 Moist+ 水潤精華 $575/15mL






傳統o既透明質酸一般粒子較大, 而Olecule推出革命性透明質酸大小復成粒子, 以收強效鎖水補濕o既功效。以小粒子注入真皮層, 承托細胞組織架構, 刺激膠原增生並防止水分流失, 改善肌膚老化鬆弛現象; 再以大粒子於表皮層吸收空氣中的水份, 即時令肌膚濕潤度上升。


- 透明gel狀o既佢, 流動性唔錯架~!! 
- 無香味, 我鍾意~!!
- 易推開且快速被吸收, 塗勻後初部吸收後仍會feel到小小黏手; 幾秒後充份吸收o左, 就唔會feel到有任何東東响面, 只會feel到塊面好滑同feel到飲飽水, 皮膚脹卜卜o既feel呢~! 鍾意呢種感覺喲~!! >///<
- 初時諗5百幾蚊得15mL, 咪好快用曬貴貴囉~!? 原來只要2-3滴就夠全面用喇~!! 所以都唔算太貴呢~! 嘻嘻... 


Barrier Repair 鎖水修護精華 (15ml / 30ml)
BRC $565/ 15mL 





  點解我叫佢地做孖寶呢~!? 係因為用完B5 Moist+ 保o左水之後, 要用呢支Barrier Repair o黎幫手鎖住d水至得架~!!

  平日我地成日保濕, 但都last得唔耐, 主要係因為我地無鎖緊佢地~!! 咁佢地就會輕易地流走o左, 所以補極都係唔夠濕呢... 

  BRC System以磷脂質, 脂肪酸 同 皮質醇組成三角式修復原素, 係天然保濕因子, 亦為角質層中重要o既油性活膚成份, 建立 + 維持肌膚脂質之屏障。

  佢仲注明係特別arm偏乾, 敏感性同激光前後使用o既皮膚科修復用架~!! 所以我見到個下真係feel到有人打救我咁囉... XD 


初初見到佢有取自橄欖o既角鯊烯, 雖然知佢抗氧化能力同修復DNA, 但, 我有點怕會偏油呢... 不過, 甩皮甩都咁, 為o左好番, 咩都要試架喇~!!!

- 滴出來會見到係令令地o既水, 唔係平時d油咁杰o既~! 
- 未推就好快散開曬同吸收 (* 相中2張相係連住影的, 可見吸得幾快... )
- 無香味, 太好~!! 好怕有油味丫麻 XD
- 我會搓慶對手(我係冰手怪, 所以一定要咁做, 唔係會凍顛自己 >w<), 跟住滴2滴响手心, *再搓幾下, 咁就可以薄薄地咁印上面喇~! 含油份的東東, 我始終唔會厚搽的~!
* 記得要快手~!! 唔係就會响曬手度架喇... 嘻


再同大家分享下我可怕o既甩皮咀... 
希望唔好嚇親大家呢... 

正面可見, 人中上甩呀甩... 
搽o左佢訓醒就見到好o左好多, keep住用佢3日, 我就完全番喇~!! Yeah~!!


慘到咀角都乾爆埋...
又痛又醜, 左邊咀變長o左咁囉望落, 我灰到震呀個幾日...  

呵呵呵, 一連3天, 我好番喇~!! 又可以狠狠地張開口狂食狂笑喇~!! Yo~!


用o左一個星期, 無咁易俾人睇穿我係激乾怪Mui呢~ 哈哈... 


呢幾日無論用咩補水東東都會令甩皮o既位置赤赤痛 & "也母"住痛, 而用Olecule就一d不適感都無~!! 第一次就塗, 信心大增, 就放心曬了~ >v<

呢幾日咁乾, 我都無再加日霜/晚霜, 只係日間出街會加上防曬而已~! 補濕度都足夠丫~!! 如果擔心唔夠補濕的話, 可再加日霜/晚霜架~ 嘻嘻... 

希望新一年, 希望... 我個銀包可以同塊面一樣補水又鎖水啦~ wahaha!! 

多謝theztyle同Olecule送我呢對冬日孖寶呢~!! 啜~!!

2 則留言:

  1. 慘到咀角都乾爆埋.. me too.我搽"煩士林"咋
    [版主回覆02/04/2011 16:05:00]嗚。。。好痛架真係~!! 食野講野都拉住拉住, 唔小心大笑大叫就大件事…  我個次聽到啪一聲, 結焦的地方開口... orz

    回覆刪除
  2. 好誇張呀
    [版主回覆02/05/2011 23:31:00]嗚... 係喔...   個幾日酸得好交關...  個人勁灰…

    回覆刪除