2010年6月27日星期日

單單10秒就掂曬，實行一支走天涯。

比起「臨渴掘井」更壞既係咩!? 就係呀吱san佢「渴都唔掘井」嘞!!!!!!

一直都渴望呀吱san可以保持清爽不黏膩的狀態... 但一直以來都只係可以渴望...

點解呢!? 話說呀吱san係一個好「男子漢」既「男子漢」,不羈既佢... 總係話“搽呢搽路”係女仔至會... 佢係男人, 係唔“姿整”的... 真係俾佢激死呀~!!

用盡好多方法, 都唔能夠令佢乖乖地使用(其實無論B字頭呀C字頭同埋S字頭既男士系列都唔多步驟架喇我認為!!!)... Summer見佢塊面爆“令”; Winter見住佢甩曬皮咁... 真係唔知點好囉... (佢好把炮呀佢真係~! 甩到一塊皮吊住未甩曬個陣... 佢都係堅持唔肯用任何skin care個度好野囉... 如果hou佢唔為意偷/夾硬塗d, 佢會報以一個委屈而厭惡既眼神... 再匈啤我一下... orz)

見到有e支一step過既正野... 我真係好似發現新大陸咁呀!!!!! 呀支san見到我閃亮既眼神, 加上一step唔用得多佢既寶貴時間~ 佢就(其實求左佢幾日XD)答應左我試用嘞~ 嘻嘻~!!

Uno極速修護保濕液（清爽型）

$89 /160mL

佢既賣點如下:

爽膚水、乳液及鬚後水3合1, 以10秒修護肌膚
蘊含吸油粉末，吸走導致油光的源頭
蘊含三重胺基酸複合體及甘草酸，有效預防痘痘、改善油光及平滑粗糙肌
質感厚而不易從手上滴流，極速滲透皮膚，平衡肌膚水分

望到佢既外型已經夠fresh~ 仲發現佢係SHISEIDO出品, made in Japan架~!!!!!!!!

單手打開無難度(連無力既我都ok~! 吱san就可以好「男子漢」咁用啦~嘻嘻)

保濕液既質地比平時既toner厚既~ 有d似半jelly既水狀~ 支5滴(約一次量)响盒上, 可以脹起而唔流走架~

用左除左見到無咁乾同有光澤之外, 仲可以搽到滑左d架~ (唔黏手的~! 好~!)

呀吱san自從支Tank到手後, 就早晚自動自覺唔使我提... 嘻嘻... 咁姐係佢今次唔使嬲我~ 同方便得來有效啦~ 呵呵呵

使用次數

7天 (早晚各一次)

回購度

勁高啊~!! 難得吱san肯乖乖咁用, 點都要買過佢用啦~!!! (日本野得來... 個價錢真係好錫住我既姐～～～嘿嘿嘿~!)

為左影呢張至型至Cool至Fresh既相... 我狂開住個水喉 (XD 做壞事添)~

勁影幾十張至得出呢張叫做有d feel既相咋(我用用了多年的傻瓜機... 無法...)...

無tune過任何野~ 只係加左個名而己~ :)

希望大家鍾意呢~~~~

响尼度, 真係好多謝theztyle和UNO呢~!

2010年6月26日星期六

樂在「SOFINA 夏季美白防曬工作坊」

今天下午有幸出席了「SOFINA 夏季美白防曬工作坊」~ 感覺好得來又學到野~ 好開心呢~!

由於遲離開公司再等唔到巴士… 令到4位sis等我… 真係好對唔住呢!! -3-錫番地先~ 啜卜~!! 順利到達會場, 我地就就個靚位同影下相先~ 跟住就做個簡單既皮膚分析再試用活氧碳酸潔面泡沬來潔膚(化左妝既sis就可以同深層潤澤缷妝油缷妝)…

懶到爆既我, 唔理唔夠訓既殘樣~ 素顏趁會… 所以無試到個缷妝油呢~ 試左個潔面泡沬, 真係好得意(早前睇其他sis的分享, 已經心動… 今次仲有機會俾我試!! 好開心!!)~ Sofina既同事仲教我塗上待1分鐘後, 進行簡單的潔面手法(打圈按摩和用手指第二關節輕推壓顴骨以下的地方)來促進血液循環呢~ um… 個皮膚分析呢… 係灰到爆架!! 全部都係至唔得既一粒星呢… 我真係呆掉呢… 睇黎要努力d打救我既皮膚至得喇~!! (近期都叫好左d既皮膚, 得出來既result都咁可怕… 如果早期去做的話, 我真係怕佢會出負星呀陰公… 嗚)

經Fran(如串錯了… 請見諒)介紹後, 便由關根小姐講解產品既使用方法同埋護膚技巧(仲有同事CoCo幫忙示範)~ 我真係幾鐘意呀智子小姐!! 佢真係好留意大家同想幫大家, 令大家學到野~ 佢每逢見到有sis做得arm, 佢就會埋去用, 以欣賞既樣子話sis知做得好; 若佢見到sis方法/塗抺方向/ 塗抺力度未夠完美, 佢就會埋去幫手~ (我以輕印的方式把抗老美白活膚露上面時, 智子小姐趕過來, 除左講之外, 更親手幫我抺上… 真係令我太感動!! 之後試用淨白重點去斑筆既時候, 智子小姐見我們在輪候,
便立刻轉身, 把她台上的示範品遞給我…
妳真係貼心呢~! 多謝妳喔~!)

跟住就Josephine小姐講解有關皮膚知識同埋新產品介紹~ 好詳細呢~! 我都聽得& 影得(無記性既我, 唔影底係記唔住 orz)勁入神~ 嘻嘻

到左Q&A環節,
係有奬問答呢~! 由於勁度留心既關係, 我又懷小學時代的輕奮心情+努力舉手… 共問3題, 最後一題時… 竟然輪到我啊~!!! 奬品仲要係我剛好(其實都唔剛好… 係我夾硬用住乾了的MJ姐… ytd更令左眼“un”了大半天…
忍不住在吃餐廳晚飯時把con脫掉…嗚… 失禮)要換的睫毛膏啊~!!!!

Workshop完結後, 大會體貼地預備了房間和化妝用品給大家扮靚靚~
我當然有入去參觀一番囉 XD, 但爆懶的我… 仍舊保持素顏地步出房間… orz

收到大會給的試用品~

心情靚靚地去做gym的地方等吱san做gym了…

非常多謝theztyle和SOFINA呢~!! 今日好開心啊~!!! 試真products後便會出試用文囉~

-3-

剔透的奇蹟, 我體驗到了~!

一直以來, 也很羡慕天生＿＿質的美人… 她們總有著令人嚮往的剔透美肌…
皮薄又容易敏感的我… 總係治唔掂自己… 用開SK II的缷妝油的我… 其實一早經已想試試口碑極佳既神仙水… 可惜一直提不起勇氣來…

幸好有今次的機會… 讓我在講座中回顧請按對神仙水有更多認識~ 在剛過去的14天,
更親身驗証了這它的神奇功效~

講座中, 主講老師令我發現了我一直也誤會了神仙水的用法和知道更多有助美助的方法呢~

＊ ﹣ 神仙水並非一支爽膚水…
而是應該跟英文譯法的「精華液」… 應該用於潔膚 & 爽膚之後~!!

＊ ﹣ 每次把圓周為一瓶蓋分量的神仙水加在化妝棉上, 輕塗於臉上, 再以該棉花輕拍全臉100次 (聽落好似好多下要好耐咁~ 其實大約只需約1分鐘而已~), 有助吸收~

由- - 由於我既皮膚易過敏感… 輕拍後出現輕微紅的情況,
所以我第三天開始skip了輕拍的過程… 改為塗後用手心輕輕包圍著臉蛋~ 就再沒有任何過於刺激情況出現了~ (為了驗証不輕拍就可低刺激, 我特地請同為敏感肌的家人幫忙試用一次加輕拍..
佢… 15分鐘後…佢塊面開始紅…
跟住凸起粒粒… 隔多一陣變到好似出“風lan”咁… 要即時用凍水敷臉… 半小時過後才回復正常…
隔天, 她沒有輕拍, 沒有前一天的可怕情況了~!
) 高度建議易敏感的sis在剛開始用時, 先不要加入輕拍臉的程序!!! 等皮膚適應了, 有需要, 才慢慢加入~!

誰願放手!?

神仙水當中含超過90% Pitera^®, 一齊睇睇 Pitera^® o既7大奇蹟力量先~

-幫助調節肌膚正常功能, 有助皮彈性的代謝週期

** 用後的確摸到有彈性o左~!

-調節更生週期, 讓肌膚剔透

** 用左幾日後開始見到剔透左, 無咁暗沉… 唔搽粉都唔會唔鍾意自己既面色~!!

-退去枯皮,
有助幼滑肌膚表面, 質膚均勻

** 用棉花抺上個陣, 會抺出灰灰黃黃既枯皮~
keep住用, 質膚係均勻左既~

-平衡肌膚PH值, 肌膚保持柔軟

** PH值我就無check~
但塊面摸落係比平時柔軟d

-增加肌膚保濕, 富滋潤

** 無再乾乾的感受~

-緩和日曬後肌膚, 讓肌膚瑩白

** 無特別去曬過, 所以未知緩和功效如何呢~ J

-控制油脂分泌, 保持清爽

** 真係小左油光既出現~

Skin
Signature… 大會貼心地給我們配合神仙水用的cream~

Wow~! 質地出奇地爽~!
輕易推開推勻,極易被吸收。。。！！！塗後… 水潤得來完全無lup無負擔!!!!! 讚!!!!!

雖然我易敏感既皮膚仍然間中作, 但我真的見証了神仙水的奇蹟呢~ 希望繼續用, 終有一天能令皮膚終極美麗 (做唔到美人... 俾我做到美肌丫... )

* 大會還給了我們各人一片Mask... 我要留待重要時刻才用呢~~~ XD

只用了碎粉 & 睫毛液 & 有色潤唇膏~ 都ok精神丫~ 嘻嘻

到以下網址可了解更多

http://www.sk-ii.com.hk/products/facial_treatment_essence.php

再次謝謝BE和SK-II給我這個好機會~! -3- thx!!!!

2010年6月24日星期四

單手操控, 唔使落手捽既防曬… 你仲點有藉口話怕麻煩而唔用!?

Cyber Colors Whitening UV Protect Spray

--> 我上年用左2支既既S.P.防曬spray係幾好用, 但得25 SPF, 有時唔係太夠咁~佢今年出左支高d SPF既~ 我諗緊買唔買個陣, 就收到email可以試下 Cyber Colors出既防曬Spray~ 仲要有SPF 50 PA+++添~!! 呵呵呵… 謝謝喔 -3-

真係好感動呢~ 由courier送來...仲要有手寫的信同product資料... 真係太貼心了... 謝謝啊~~~~~ -3-

簡潔既外表~ 我鐘意 ^v^

小迪, 連你都鍾意呀!? 唔要熊哥哥要防曬呀~ 嘻嘻...

噴咀設計得好好呢~ 可以噴出好幼細既防曬呢~

Brightense SPF 50 PA+++水漾防曬美白噴霧

高防曬度 (SPF 50 PA+++)
於戶外的防曬效果長達12小時, 室內更長達16小時

含玫瑰／綠茶／薰衣草／蓮花植物花水及深海礦物水成分
為肌膚提供高度保濕作用, 防曬同時保濕

-->用左成個week, 佢既保濕能力真係幾ok呀~!!

-->有植物成份真係幾吸引呢~ 天然d丫麻~~

透薄清爽，極快吸收
含極微細粒子，可均勻噴出防曬噴霧並平均地分佈於皮膚上，不需額外用手塗抹，使用方便，而且感覺透薄清爽，極快吸收，不會為皮膚帶來額外負擔
--> 噴上皮膚後, 極快同極易就被吸收…即刻摸都唔會feel到有野架~

冰涼感覺
特有COOLING冰涼效果，在炎炎夏日為你帶來即時冰涼感覺, 特別適合塗抹於身體肌膚上
--> 冰涼感都幾舒服架~ 令吸住熱氣噴既我
(我要行出門口噴架…因為mama要求咁做… 佢唔鐘意我地用spray呢~),
涼一涼… 有點安慰… XD

矽膠 (Silicone)
高度防水及防汗
--> 都幾防汗… 因為我勁大汗~ 去完迪迪尼暴曬都無事 XD 呵呵呵

不含油份,具有防粉刺配方
不會阻塞毛孔及引起暗瘡粉刺，油性皮膚亦可使用
--> 呢個point對我來講係至緊要架!!!
我勁怕油野… 怕阻塞毛孔… 因為我好易出暗瘡粉刺架~! 用左成個week… 頸，手同腳都仲係咁滑~ 無出到粒粒~ 嘻嘻。。。証明Cyber Colors呢支spray係好爽既~!!
Yeah!!

使用方法:
於戶外活動前２０－３０分鐘使用，把防曬噴霧距離身體５至６吋並慢慢均勻地噴於所須部位，如欲使用於面部，請先把防曬噴霧噴於雙手並均勻地塗抹於面部，　請勿直接噴於面部皮膚，以免傷害眼睛．使用前請先搖勻．如戶外陽光猛烈, 可塗抹多次
原產地 - 韓國
適合膚質 - 任何皮膚

--> 由於噴出來既係有小小珍珠白的~ 令skin
tone均勻左~

·      不過記得要shake勻呢~! 因為我第一下用… 唔記左佢有小小美白的… shake得唔夠認真… 手上一pet好似噴雪咁
XD

·      shake好至用的話,
真係唔雖要用手就好均勻架喇~!! Good!!

噴前

均勻地噴了一層~ 單手操作, 無捽過的~! 均勻呀個skin tone真係

專登噴多d响同一個位, 等大家睇睇佢係點既 :)

用後4小時... 仍然好清爽~ 嘻嘻

今次真係要多謝SaSa facebook page同Cyber Colors呢~ ﹣3﹣