深深感受到, 越緊張o既人/事, 越會令你傷心...
忍無可忍, 俾o左多次會o既呢間酒樓, 今日真係令成群街坊扯曬火呀~!!
正所謂 愛之心 責之切, 真係要講講佢~!!
點解我話愛呢間酒樓呢, 話說領滙一番新好個樂廣場呢, 我地就成日去嘞經已~ 咁一家有老有幼, 咁近近地又食物OK, 所以就成為我屋企親友o既飯堂嘞~
佢係貴其他酒樓小小, 但領滙咁貴租, 我地都體諒o既~
早幾個月屋企裝修, 我地一日三餐都响度食...
咁多選擇, 我地就係因著一份情意結而不作他選...
近日食品質素由不穏變為差, 我地都算喇...
今日安排失當令人感到不被專重之餘, 部長仲要仲要因為自己做得辛苦/心情唔好而多番氣客人受 + 出口駡客...
真係令人難以接受~!!!
枉我仲keep住影唔同日子幫趁佢o既菜式, 想出一篇特集文來介紹...
真係深感浪費心思!!!
今天下午, 家人等位飲茶, 派位同飲茶都勁受氣, 成餐頂住頂住...
幾枱唔識o既人, 齊齊吐苦水, 表明永不會再到這裏付錢買氣受~!!
先講派位:
叫到我地個no#, 收o左我地張no#紙, 竟然唔記得o左俾位我地, 而位一位狠狠地問到佢未o既客人...
提提佢, 佢終於醒起我地, 就叫我地入o左去張4人枱, 我地坐底後, 準備叫茶之時, 竟然過黎話我地: 你地出番去等!! 唔好响度等!!
o下~!? 等咩呀~!? 地唔明, 佢就不斷叫我地起身出去...
我地唔係咁開心, 但都想合作, 咁佢就指向一張大枱, 叫我地轉去坐, 再調另一家人來一齊坐, 人地有抱住bb又推住bb車...
個場唔滿, 好多吉枱, 真係唔知佢諗咩架~!! 迫到丫!!!
俾佢地點到氹氹轉, 我地茶都瀉埋... 濕曬呀陰公...
唉...
跟住講態度:
咁派位個一個同事除o左派位調一大餐令客人不受專重, 更無啦啦俾埋另一枱客人的落單紙我地... 咁我地怕另一枱miss o左張單, 所以好心同亞部長講啦, 真係估佢唔到佢會大聲呼喝我囉...!!!!!!!!! 佢話: 唔係你o既你就咪郁佢啦!!!!!!
o下~!? 咁你地又塞唔係我o既o野俾我~!?
到落單嘞, 由於受氣唔開心, 我tick錯o左飯做粉, 幾十秒我醒起, 梗係即同佢地講聲啦, 點知呀同事A叫我自己埋去入單位講囉... 我响快餐店呀~!? 都算啦, 我埋到佢, 個完我o既部長就再話我:你自己tick, 無得轉!!
o下!? 我無屈係你丫, 我即埋去講聲姐, 咁都話我~!? 仲要再埋黎枱大聲講... 咁同枱o既街坊都火起, 忍唔住話佢... 佢見大家加入, 佢就好惡唔爽咁拋下一句: 我問下d高層做唔做俾你!!
o下!? 唔使下ma!?
我屋企人當然唔開心啦, 為佢地之前都分別受過唔同不友善對待, BLACKLIST o左呢度, 係我今日要做o野, 所以陪我近近地食...
估唔到又咁囉...
我成餐都頂住頂住囉條氣~!!
下午茶係抵d, 但我地唔係為o左抵而2點至去囉~!!! 午巿晚巿我都成日去格~!! 有半個月我地3餐都响佢度食, 8千幾啦都... 真係勁火呀~!!!!! 做咩按價而調節服務質素呀~!?
我有keep單, 今日的錯單呀, 轉枱呀, 吉枱無人坐又要迫我地勁迫呀, 我全部都影o左相, 可以俾呀駿昇飲食集團做ref囉!!!!!
平時我屋企人都認為包容得就包容, 但今日佢地開聲叫我反映...
好明顯大家係幾唔開心到盡啦... 唉~
*相呢, 就同我平日o既文有點唔同~! 因為太受氣, 所以今晚只放番d門口相, 等大家有d印象, 可以小心d諗下入唔入去受氣~!!!!!!!!!
* 街坊們都好期待快將進場的另一間酒樓呢~!! >///<
沒有留言:
張貼留言