2011年4月29日 星期五

熱能 緊緻美肌, 無懼 歲月痕跡~

  「歲月不留人」呢句o野真係勁嚇人~!! 尤其係睇到陳年舊照, 狠狠地提醒我在長大...

  當然, ArMui 係唔會放棄「終生美麗」呢個理想架~!! 夠 firm 就有番 young o既感覺啦~ 嘻嘻...

  今次同大家分享下 ORLANE o既熱能緊緻產品~

左: 高效緊緻霜 $1730/ 50mL
右: 熱能亮采緊緻眼霜 $1200/ 15mL


早就聽過長輩大讚 ORLANE o既質量, 一直想試, 但慳鬼 Mui 仲未捨得俾自己做貴婦呢~ 今次真係好幸福呢~!! 可以早晚享受貴婦產品呢~! >///<
袋子同包裝帶動著貴氣~
  
  靈感來自醫學美容技術 - 熱能重組 (Thermo Remodeling) 同 脂肪填充 (Lipofilling) o既概念, 再融合五大緊緻活性成分, V-shape 輪廓有望喇我~!! 嘻嘻...
一. 緊緻 - 電氣石萃取物: 提升真皮層温度, 增生膠原蛋白, 彈性番來喇~!! 
二. 豐盈 - 南木蒿萃取物: 激活肌膚脂肪細胞, 加強底層支撐組織, 飽滿番來喇~!!
三. 提升 - 微形植物網絡蛋白: 形成透明保護網, 柔滑番來喇~!!
四. 透亮 - 紅海藻精華: 減退色素黑斑, 均勻膚色番來喇~!!
五. 修護 - B21活肌抗衰老複合元素: 提升細胞能量, 自我再生能力番來喇~!!


熱能亮采緊緻眼霜 (Radiance Lift Firming Eye Contour)
Made in France o既眼霜有效提升眼部輪廓, 令眼亮緊緻o既眼仔再現~ >v<


泵o既質量好好, 唔使用力就輕易吱出呢~!
不過記得唔好一下泵到底喲~!! 會吱出可以用好幾次o既分量架~! 迷你力度 d d d d 按下, 超小量就夠對眼用架喇~!!



淡淡珊瑚色帶珠光, 輕身質地極易推開推勻~!! 而且吸收得好好!!
好自然o既微香, 我鍾意~! 
絕無黏 lup 感~!! 第一次用個陣, 眼肚即時感受到收緊!! 温和的, 放心~ >v<



高效緊緻霜 (High Definition Visible Firming Care)
蘊含獨有Fermness活性複合成分, 重整 同 強化膠原蛋白, 減少鬆馳現象~
包裝真係好靚, 連盒內都印得好靚, 好有心思架~!


打開蓋, 有透明膠紙密封, 為品質再把關~ >v<
附有小匙, 方便衛生取量~


淡粉紅o既霜狀質地偏挺身~ 
淡淡香味好舒服~



就咁望, 有點擔心會厚同太rich; 第一次用上面個陣好驚喜~!! 因為易推得薄, 而且吸收得毫無油感~!! 皮膚即時展現光澤呢~!! 
訓醒都唔會有油光呢~! 真好!!


早晚連續使用一星期:


眼肚平o左緊o左呢~!! 响近日爆忙, 訓得更少o既情況, 見到勤力使用眼霜o既成果~!! 而呢個眼霜輕身易吸收, 眼仔輕易接受佢, 令我用得放心, 完全無擔心油脂粒會有機會出現~ >v< 大力推介呀!! 回購度激高!!!!!!!! 

而面仔呢~!? 摸上手無咁浮浮o下, ArMui 會努力使用, 務求更見效呢~!! 呢隻面霜好好滋潤保護住我o既肌膚, 令經過可怕針清o既我可以安心護膚~ 


謝謝 theztyle 同 ORLANE 同我一齊對抗歲月~!! ArMui 會努力 keep keep keep~!!

2011年4月28日 星期四

炎夏 謝絕黏lup!! 我要活在海洋滋養中!!

  作為終極乾怪, 全年都需要滋潤~ 天氣一開始暖番, 我又有會藉口做懶鬼, haha~ 不過, 乾到頂唔住個陣, 咪又係死死地氣咁挨 lup 囉~ 

  陪我長大 (但我長極都唔大~ XD) o既 Johnson's 當然了解我地o既需要啦~ 早前巡視萬寧時見到架上的新成員, 就好心動了~!! (haha... 成日都忍唔住睇, 究竟我有幾多個身呢~ >///<)

  單望就有清涼o既感覺了~! 心癢o左好耐, 一直忍住 (唔忍唔得啦... 因為囤o左唔小 由細用到大o既藍色兄弟 同 近寵 水嫩系列丫麻... ~v~)


除o左呢 pair 新成員 (後排左: 海洋活氧沐浴露, 後排右: 海洋活氧保濕露), 仲收到 Lasting Moisture 24小時水嫩護手霜 真開心~ >v< 嘻嘻...

  海洋活氧系列含
深海電解礦物質: 淨化肌膚o既同時, 有效去除污垢、汗液 同 殘留油脂~
- 天然海藻精華: 經實驗証明, 有效幫助細胞吸收活氧, 令肌膚感覺充盈~
- 新研發 water-gel 水凝質感, 水漾清爽, 唔怕 lup 痴痴~


海洋活氧沐浴露
偏水質, 透明微綠o既gel~
味道呢, um... 迷戀香甜o既我, 用o左幾日至適應到個味呢真係~!! 唔係難聞, 而係香得來同滴露搓手液o既味幾似, 所以唔慣用例落身姐~ ^v^


咁 water-gel o既起泡力無平日用開o既咁密, 而 潔力 同 用後保水力就好 ok 呢~!! 用o既時候有輕微涼涼地o既感覺 (無薄荷個隻涼咁激的~! 放心... >v<), 好爽好舒緩~!!


海洋活氧保濕露
超輕身偏水質o既保濕露~!! 滲透力驚人~!! 很快就吸收曬~!! 飽滿水漾得來, 摸落清爽~
明知自己用o左, 但又真係漠落手毫無黏感~!! 係小小都無~!!!!!!!!!! 
味道就第一次用就接受o左~!! 清新 relax~!!

保濕力顯而易見~!!
夏日用真係夠曬~! 而乾怪 Mui 就會响激乾o既地方再塗一層, 都係好快會吸收架~!! 鍾意佢呀~!! 會回購!!


Lasting Moisture 24小時水嫩護手霜
好企身, 望落好似膠珍珠咁呢~ >w<
屬於我寵愛o既水嫩系列~! 含乳木果, 荷荷巴油 同 維他命E, 一次過解決肌膚三大問題呢~!!
淡淡o既蜜桃香味, 嘻嘻... 我鍾意喲~!!


易推勻, 包著力足夠之餘唔會痴痴luplup~!! 
滋潤度恰當, 唔會 over~!!  ArMui 用後動手執貨都無問題~!! 呵呵呵...



輕又細, arm 曬放入手袋呢~!! ArMui 當然要好好善用佢, 唔俾家務雜務後遺証跟身啦~!! 邊個想俾人由對手睇得出自己打雜勞動喎~ >v<


  多謝 BE 同 Johnson's body care~ >v< ArMui 好享受清爽滋養o既感覺呢~ 

2011年4月26日 星期二

英式下午茶聚, 珠寶般矜貴體驗~

  不再男仔頭, 努力保養, 期望變美o既 ArMui 深信 勤力外, 護膚品 o既質量同樣重要~!! 

  BVLGARI 珠寶吸引, BVLGARI SKINCARE 出品 同樣吸引呢~!! 早前有幸出席「BVLGARI 寶石修復活氧面膜分享會」, 茶聚體驗一下~ 嘻嘻...

路痴 Mui 响太古廣場都可以迷路... orz
Shiro 很有味道, 跟朋友仔相認同時忍唔住欣賞一番呢~ >v<  

BVLGARI SKINCARE o既包裝簡潔高貴~ 



忙於欣賞枱面的 products 外, 當然要出位欣賞一下今天的主角 - 寶石修復活氧面膜~

  寶石專家 BVLGARI 由寶石能量提煉出 Bulgari Gem Essence, 獨一無二o既配方, 包含 4種珍貴寶石: 藍寶石 (Sapphire)、孔雀石(Malachite)、電氣石 (Tourmaline) 同 黃晶 (Citrine)。能供應微量元素來活化肌膚, 為肌膚築起屏障抵抗壓力,令肌膚回復光澤呢~!
包裝保留著珠寶首飾o既感覺, 蓋子像鏈咀又像介子... (我想太多了嗎~!? 記掛著平面廣告, 太想唔慳家買買買飾物了嗎~!? 哈哈...)
 
當然不忘親近埋枱面o既 products 啦~ >w<
Lotion de Lumiere
好香好香~!! 帶著清甜o既葡萄香味呢~ >v<


Source Defense Serum


Source Defense Creme


Serum de Lumiere


Creme de Lumiere


  先來 飲品 再 品嘗英式下午茶, 享受一下~ :)
英式奶茶~!? 港 Mui 飲慣絲襪版, 做唔到貴婦... 嗚~
右上角係朋友仔o既咖啡, 好靚喲~!!! 

嘻嘻... 見到呢個 3層架, 為食o既我當然... 
文治唔錯呀~!! 而鬆餅呢, 抱中無提子個隻添, 好在有心愛o既 cream 同果醬呢~  


Macaroon 又靚又好味... 平日見親都要食o既我, 進軍底層時, 當然第一時間... XD

心心好靚, 估唔到佢樣之餘有內 ga~!! 除o左面層有jam, 當中仲有 mousse 包住 梨肉呢~!! 嘻嘻, 有果肉平衡番, arm arm 好~!!

  食下傾下, 職員 同 Kaye 開始為我地示範 mask 使用方法同效果呢~! 
Kaye 本身皮膚好靚, 用完 mask 後更見容光煥發呢~!! 
ArMui 要好好努力至得嚕!!! 
(餐廳燈光有點難捕足... 抱歉 haha >///<)

跟住到我地體驗喇~~
左手塗上 Lumiere 明亮光采面膜 ($900/ 50mL), 用埋個掃上, 矜貴升 upupup~!!
稍待後抹去 (捨不得...!!), 手仔水潤有光澤呢~!!



右手塗上 Source Defense 抗氧活膚保濕面膜 ($1000 /50mL), 唔捨得都要抹架麻 XD, 手仔水嫩細緻呢~!! 而呢款 mask 敏感肌都 arm 用架~ >v<

唔係講笑, ArMui 真係多年未見過自己對手咁水潤飽滿了~!! 係喲, 係飽滿喲~!!! 乾柴手背, 竟然皮膚脹卜卜~!! 個下真係唔想認 d 手指係我o既~!! o丫~!! (≧ω≦) 離貴婦不沾陽春水o既手背近了一點呢~!! 










最後到期待o既 Masque Precieux 活膚抗皺面膜 ($1100/ 50mL), 對抗皺紋, 細紋和鬆弛肌膚最有效o既佢, 當然成為我奬勵自己o既目標之一啦~ >v< 嘻嘻... 

  過了一個愉快 o既下午, 謝謝 BVLGARI SKINCARE o既心意呢~!! 面仔可以歎歎 Masque Precieux 呢~ \(^0^)/ 
  


  謝謝 Syreeta 同 BVLGARI SKINCARE~!! 
  ArMui 享受生活 o既同時會 努力踏向美肌之路~ >3< 

2011年4月24日 星期日

念念不忘, 所以趕去飲茶 @蓮香居


  自從 我愛的老式酒家 ﹣ 蓮香居 後, ArMui 一直掛住 充滿風味人情味 o既蓮香居...

  吱 san 趁假日帶我去早茶 (um... 我醒後第一餐都會稱為 '早' XD, 不過搭車去個陣經已吸o左一大袋蛋糕仔 >///<) 一番呢~

  上到去經己坐得滿滿的, 幸好有揾位皇吱san, 如果唔係, 真係唔知要企幾耐呢~ >3<

  有茶壺同茶盅可選, ArMui 當然 毫不猶疑咁要o左盅啦~ 體驗體驗丫麻~ \(^0^)/
1盅 1款茶架原來可以選~! 啱曬家人唔同口味呢~ 嘻嘻...
樓面叔叔好 nice 好細心, 會先同你o既茶過一次水先, 再加水焗呢~!! 


  ArMui 真係好好好幸福呢~!! 除o左有得來飲'盅仔茶' (我自己改 XD), 仲遇著一枱 nice 爆的茶客~!! 我地一枱有著 4個 parties, 但一點都唔陌生同無唔方便~!! 大家友善得來勁照顧我呢個大鄉里 XD

圖左: 吱 san 成功輕易倒出茶... 
圖右下: um... 唔夠手力單手定住o既我, 甩手後, 成枱都係...

  趁吱 san 出去探下有咩食個陣, 申手試倒茶飲, 太險象橫生... 茶友們都努力提點我小心 6親手, 示範 + 醒我 握盅秘技... 可惜手殘 Mui 都係未能成功 :(

  咁响吱 san 行開行埋o既時候, 我點有茶飲呢~!? 就係多得拔盅相助o既伯伯嘞~ >3< 謝謝你一見我杯中無茶就出手~!! 水怪Mui 真係感激又感動~!!!!! 

  開心爆o既 ArMui 當然無停啦~ XD 狂食狂食... 咀同手都無停過無空過o既我, 見咩經過都眼甘甘想要一份~
haha... 鳳爪同排骨來個陣我太興奮... 食到無曬至醒起未影相… orz
因為真係好忙架~!! 一路食要一路望住有咩食... XD
排骨 中規中矩, 而鳳爪唔錯, 夠味之餘有咬口, 夠軟得來 唔係 無曬力一 pat pat 個 d~!


食呀食... 食呀食... 
好多o野睇架~!! 
唔好只係專注自己枱面喲~!!
小時跟媽媽到酒樓時未識欣賞, 但原來場面一早深深烙在腦海中了~ 
>v< 親切得來令人懷念~ 我想, 長大後, 喜歡飲茶, 無特別想試的就必要飲茶, 就係咁o既原因吧~!!
好想好想同媽媽同甩甩一起來呢~!!  很掛住當年在竹園飲茶的場境~!! 多暖多愉快呢~!!

炸蝦多士, 塊包吸住好多油 unun 的, 但感覺搭夠下仍然想食曬佢~ >w< 嘻嘻...
亞姐好好, 見我想影相, 無理我係咪要, 即停低車仔, 讓我可以留影留念... 謝謝妳喲~!!
雖然我家比較喜歡無料的煎堆仔, 但心情好, 所以照食~ >v<
唔油身, 外層夠脆, 內層棉軟, 叫得過~! 

見到我好想食o既蓮容包~!! 低聲狂叫呀我, 因為怕'走車'~!! 哈哈哈...
專業開邊吱來展示一下內涵後, 把大半個遞給我, 跟住我再吸埋另一個... XD
茶友們見我食唔停... 都笑住呆 
>///< 失禮了~ 

  突然見大家有所舉動, 紛紛拎卡離枱, 我當然邊咬住野食邊跟出去啦~ 原來係煲仔飯呀~!!!!!!! 迫極都迫唔到埋去o既我, 只有得個恨字... 番到埋位, 見到茶友成功得手呢~!! 羡慕喲~!! (暗暗希望佢邀請我一齊食...)
有海蜇燻蹄喔~!!!!!!!!! 當然要啦~!!! 
算 ok 架~!! 不過唔記得叫白飯... 嗚~

飽到就反肚o既我見到焗豬扒飯呀~!!!!!!! 下次要食呀我~!!!!!!!
茶友叫o左我心愛o既地盤佬系列之一: 豉椒炒河 喲~!!! 香到我又想要呀~!!! 
茶友見我望實, 笑一笑再輕推近我, 再友善咁話: 影啦影啦~!! 口奧~! 謝謝你喲~!! 如果可以分一份俾我就好了~ XD 又為食了…
仲有糖水架~!!
可惜我太太太太太過飽... 
唔係o既話, 我一定... ~!!!!!

  開始多人等位了, 雖然好唔捨得, 但想大家都快d 坐底嘆下, 所以我地就埋單去了~

  
  人情味, 真係世上最最最美味o既味道呢~!! 記得要好好珍惜, 唔好吝嗇喲~!! >3<

2011年4月21日 星期四

感受到你的心意了, Estee Lauder...


  早前 ArMui 一連四星期 同 大家 分享 Brilliant Cell Full Spectrum Brightening Essence o既威力~

  好好享受, 深深感受 呢支 會回購 o既精華後,  約好 Estee Lauder o既同事會會面, 分享一下用後感~ 大蒙 o既我, 竟然把日子攪亂了, 幸好 Joey 提我呢~ >///< 
 
  同 Joey 交流完, 分享番今次體驗 o既感受後, 收到 Estee Lauder o既心意~ 真係好感動呢~!! 因為無諗過會係 2件貨 size 皇牌產品呢~!! 受寵若驚呢真係~ >w< 
嘻嘻... 好期待慢慢歎佢地呢~ \(^0^)/

  被 RoadShow 中 o既謝婷婷洗腦了好一斷日子, 正打算新居新鋪定下來, 就痛快地打婷婷系列抱回來... (明明打算抱防曬, 連彩妝系列都 orz...) 雖然千萬個唔願意同唔想聽到吱 san 話我似佢, 但聽聽下, 睇睇下, 越來越順眼... 每次一聽到音樂, 就會眼定定眼曬為止... 雖然唔想似佢, 但吱 san 話好o既, 我就買回來試試呢想~ (太無腦了吧...)

  上次試過 Brilliant Cell 個濕粉, 真係貼薄到激想買~!! 同好朋友傾開計讚開 Brilliant Cell, 原來佢都忍唔住買 o左呢個 powder 呢~!! 見到個一刻, 我忍唔住大叫呢~!! 見到人抱住自己欣賞o既東東, 真係勁勁勁開心架~!!!!!!!! 
  嘻嘻... 朋友仔仲話要貼薄又自然呢~ 
朋友仔, 要好好享受喲~ 啜卜~!!

  再次謝謝 Estee Lauder o既心意~! 很開心除o左 products 好, 同事們仲樂意聆聽分享o既感受~ 太好了~!! 

2011年4月20日 星期三

濃密美睫, 真的想要...



  又長又濃密o既睫毛, 唔止張開眼個陣夠
sharp
夠靚就連眨眼 同 合埋眼 個陣都動人過人~!!  



  ArMui
當然都唔例外啦~

  今世睫毛稀疏, o左努力用精華液,
仲暗地裏期盼來世做個 娃娃眼 小公主
>///<
嘻嘻

  今世呢, 我可以學用假睫毛來裝一下... 

  終極手殘o既 ArMui 從未試過為自己貼上假睫毛; 今次o既機會, 令 ArMui 的起心肝呢...

Eye's Chic 白膠 同 專業手工睫毛~

  唔計天生頂住 2把睫毛扇, 貼得一手靚睫毛o既朋友, 一直係我羡慕o既對象~!!  自知手殘, 响未開始貼前經已知難度... 但今次機會正好迫下自己, 唔可以再逃避學習實習~!! 要靚, 一定要不斷學習練習至得~!! 

白膠 EG 01
除o左 ArMui 收到的白膠, 仲有另一色 黑膠 EG 02~
我呢個低手, 好在收到呢款乾後會變透明o既顏色, 因為黑色對我來講更進階丫麻~


筆頭幼得來夠力, 可以穩定劃出理想線條, 份量又剛好~!
乾o左會變透明, 唔顯眼呢~ ^v^
就算專登用力刮佢, 都唔易甩出來呢~ 

對 ArMui 來講, 兩款睫毛都比較顯眼, party 同 特別紀念日就 arm 用呢~!!
805 大眼娃娃3, 眼頭 0.5cm, 眼中 1.3cm
866 交叉15,  眼頭 0.6cm, 眼中 1.2cm

初初望, 以為自己鐘意 交叉15 多d, 點知上眼後, 反而鐘意o左眼尾濃密o既 大眼娃娃3 呢~!! >v<~


866 交叉15
度好長度後, 剪去尾部多出~
夾好真睫毛, 薄薄塗一層白膠响手工毛骨位, 放上真睫毛根部輕壓~
眼頭眼尾部份按多一會~ 
(由於我無撐開眼皮, 放手工睫毛時有點塞入去o既感覺呢~!! 無技巧真係唔掂呀我!!)
放好後, 無眼線無加其他東東, 眼仔經已即時變大~!! 
顯眼睫毛整排長度接近, 唔太夠自然呢~
而 ArMui 貼得唔夠好, 真睫毛又未搽睫毛液合體, 所以未夠靚呢~


805 大眼娃娃3
而呢款呢, ArMui 就頭尾各剪 d, 因為唔想剪短曬個尾丫麻~ >v<
雖然單睇好似誇張 d, 但上眼後, 頭短尾濃長o既佢, 反而自然得來順眼呢~!! 
嘻嘻... 不過仍然要改善呀技巧~!! >W<

輕輕劃眉同貼上手工睫毛的雙眼~

  呢 2對手工睫毛質量唔錯呢~!! 我又扯直又屈曲, 又貼又知o左 n 咁多次… 佢地仲 keep 番到個形~!! 而且放上眼唔算 un, 可接受的硬度呢係~

  今次o既體驗, 令我終於郁手, 仲令我知道唔努力唔得喇~!! 見相o既光線就知我由日光充足貼到無曬陽光啦... orz 而且又痴又貼, 扯甩o左好多條珍貴o既真睫毛呢~ 嗚...
  睫毛呀睫毛, 我一定會努力練習 (頭先經已經好o左朋友, 請佢傳授密技, 善用復活節好好學習練一番!! 嘻嘻...), 唔會俾你地甩得不明不白架~!!!!

 謝謝 BL 同 ENID >3<