2011年1月10日 星期一

大海賜我力量 ﹣ 日夜緊膚無間斷~!!

  仲有2日又大一歲o既我,  一早經已無o左小時候期待生日o既感受... 只係日盼夜盼可以戰勝歲月, 唔俾佢地响我臉上身上留底任何痕跡~!!

  細個個陣, 生日想要禮物; 人開始大(都係唔認大o左 XD), 就會想要停住時間對肌膚o既洗禮...

  幼紋、乾燥、鬆弛同久彈性呢d衰老徵狀實在令我聞風喪膽...
  姐妹們, 我地要加油呀~!! 我地一定可以對抗歲月架~!! >3<

  ~H2O+ Sea Results 系列推出o左2款全新產品, 日夜修復肌膚, 趕走衰老問題~

圖右左邊: ~H2O+ 海洋去紋再生修護乳霜SPF 30 - $370/ 30mL
圖右右邊: ~H2O+ 海洋睡眠激活修護精華 - $480/ 50mL


~H2O+ 海洋睡眠激活修護精華 (晚間使用)
底層激活 + 細胞重整
撫平幼紋皺紋

  响日間受損o既肌膚, 睡眠時會自我修復, 配合精華就能令修護功效加倍提升嘞~
~H2O+ 海洋睡眠激活修護精華含海洋維他命A醇配方, 响晚間發揮 *雙重A醇激活細胞效能, 激活底層細胞, 加倍修復重整, 咁肌膚就更見緊緻彈性啦~ >v<
A醇效能:
第一重 - 刺激膠原蛋白增生, 增加肌膚鎖水效能&彈性, 有效退紋, 達至極速緊緻嫩
第二重 - 高效修復&更生肌膚底層細胞, 改善老化, 雙倍提升去紋滑

  仲特別加入被止定o既緊膚成分三胜肱肽, 肌膚表層持續預防紋理&撫平幼紋, 咁就內外都咁緊緻無瑕啦~!

Made in U.S.A. 
極有海洋feel o既藍色樽身~
仲有開關設計, 唔怕唔小心按/壓引致浪費~! 
>3< 貼心我鍾意~!!
未用過個陣會見到頂部出口位係透明, 用過就會見到有白色o既精華架喇~!!


吱出來好似半gel半霜o既佢, 一推就變身半水質架喇佢~!! 
Wow~! 淡淡海洋味, 激速易吸收o既半水狀, 滋潤保濕得來極清爽! 
(本身負曬數, 真係失禮曬orz...)
我鍾意喲!! (心心眼ing...)


~H2O+ 海洋去紋再生修護乳霜SPF 30 (日間使用)
五重高效天然植物及海洋草本成份
持久緊緻去紋, 令肌膚回復彈性
強效保濕亮肌功效, 响日間持續修護 + 改善膚質
結合防曬保護, 讓肌膚瞬間回復青春光采

第一重: 強效六胜肽減低面部肌肉收縮程度發揮媲美肉毒菌

o既

緊緻功效即時減淡幼紋預防動態紋及靜態紋o既形成

第二重: 金無茛濃縮精華強化及重塑肌膚組織提升緊緻度, 令肌膚光采再現

第三重: 金蓮花植物精華去暗啞令膚色均勻亮澤

第四重: 海洋礦物供應維他命及礦物質強效補濕預防衰老

第五重: SPF 30全效防曬提供全效保護對抗引致肌膚老化o既UVA同UVB


一打開盒, 就見到個蓋係連鏡架~!! 啱曬鍾意隨時隨手照照照o既我喲~!! o(>v<)o
有小膠蓋保護住, 咁就可以多重保鮮啦~!! 
嘻嘻... 個蓋設計得幾好~!! com得密實, 又可以就手拉開呢~!!


望落好似好厚好杰身o既佢, 推開黎係唔厚架!! 滋潤度夠又唔lup添~
* 千其唔好貪心, 一粒豆o既分量就夠用全面架喇~!! 夠襟用呀佢, 哈哈哈...  

  修護乳霜有SPF 30, 面霜防曬 2合1夠方便, 唔使一早搽咁多層o野上面~!! 嘻嘻... 

一連使用10天o既我, 輕易就見得到的改善呢~ >v< 

好多謝BL 同 ~H2O+ 喲~!! 多謝妳地照顧我o既日夜需要, 同我一齊作戰對抗衰老 >3<

* 2款全新產品1月份經已响全線 ~H2O+ 分店發售喇~!

1 則留言:

  1. 敗家女潘朵拉2011年1月30日 下午6:32

    我一直有用這個系列 但是我不太明白呢只 ~ H 2 O+  海洋睡眠激活修護精華 跟之前的海洋精華有咩分別? 防曬會lup嗎?比較適合夏天/冬天呢?
    [版主回覆01/31/2011 10:41:00]Baby~ >v< H2O+ 我用過2隻精華jar~ 呢支推開水感d, 稀d~!!  雖然佢易吸收d, 但同之前同開的  8杯水晚間注氧活肌精華  比較呢, 我鐘意晚間注氧多d呢~!! 因為呢隻重減紋 ; 而 晚間注氧 gel得來保濕d, 美白同透明感效果明顯好多呢~!!  個隻cream + 防曬就只啱冬天呀我~!!  因為佢潤架, 小小就夠全臉, 用多o左會lup喔~!! 

    回覆刪除