2010年9月30日 星期四

迪迷遊園失敗... 戀吃戀看(下)

  雖然遊歷唔到迪士尼, 飽食後落船之際, 俾我見到光亮亮的兔兔大燈籠~!!!  我當然又嚷著要往那裏跑囉~!! 
  原來正好巧遇名為<<香江歲月狂想曲>>的中秋專題呢~!! 好開心喲~!! 我大愛這感覺呢~!! 更高興的是, 除了我們中國人, 在場也有很多外國人好評地拍照留念呢~!! 我在睇靚o野之餘, 自豪得很~!! Yeah!

搶眼的大兔兔在正中央, 2邊也可得到呢~!! 


黑夜中, 很是搶眼, 很是迷人~!! 勁愛水中的倒影呢~!! 放佢地响個池上面, 真係勁有心思呢~!! 讚~!!!!! 
記得媽媽多年前為我們申請BNO, 緊張地請人代填, 簡單的中文幾句, 盛為$20... 媽媽梗梗一直於懷, 不開心自己沒把握填好... 所以, 一直我也要自己好好讀書, 保護媽媽~! 結果呢, 書是讀完了; 但, 我仍然是支"頂心杉"... 唉~! 



Wow~! 兔兔的全貌啊~!! 嘻嘻...
沒有在街邊理髮的經驗, 但常在電視電影中見到~ 所以看在見裏, 也很眼熟, 也夠親切~ :)


對垃圾蟲的廣告有點印象~ 我真是個背廣告的無聊精~ XD 


小時見過的熱水壺, 仍有印象呢~ 生於現代的我們真幸福!



追逐玩耍的小朋友, 無憂無慮的... 真令長大了的我羡慕不已呢 ^v^~ 可以變回小孩,回到過去嗎? 我想再努力點, 想避開痛苦的回憶呢... 
算吧, 不能改變的事實... 我還是努力面前吧~!!! 


2010年9月29日 星期三

迪迷遊園失敗... 戀吃戀看(上)

  自從吱san投身建設迪士尼後, 忙得沒空帶我呢個大細路去迪士尼... 我以9月份至有3D眼鏡派為原因, 要過去一趟~ XD
  怱忙趕到樂園, 已是7點05分了... 
  在票務處領取「好友大召集行動」的奬品後arm arm 7:20p.m., 我驚覺... 我真係無腦喇... 嗚~ 原來星期日至四至有夜場, 至有3D眼鏡派... 更shock我既係, 今日樂園收7:30p.m. OMG!!! 吱san爆笑我之際, 我含淚咁同佢講:「遊迪士尼, 1秒都係幸福架~!!」吱san聽到, 就話帶我去食野補番...(嘻嘻~ 入過迪士尼, 仲有得去食o野~!! 正~!) 




真係要再次多謝迪士尼樂園既同事~!! 
細心的以掛號為收唔到信o既我再寄出信件... 好感動啊~!! 我愛你地啊~!! -3-



响等check信既時候, 企唔定坐唔定o既我經已忍唔住四周走喇~ 嘻嘻... 好靚啊~!
(記得上年係Jack同Sally, 我又係响門口勁叫靚 XD)



小鎮大街既shop(s)都佈罝得好吸引人呢~! 次次吱san都要用盡辦法至拉到我走架 XD




好靚啊似枯樹上面佈滿玫塊呢~~!! 仲有我好鐘意o既角角頭cool呢~! 引死我喇~!!
好想 好想 好想... 抱曬一切番屋企啊~~~!!



太晚了... 來不及玩機動遊戲呢...
沒有3D眼鏡的我們, 趁煙花剛開始時... 離開... (不捨~!)
過幾天, 我要再來置身其中呢~ 嘩哈哈!



轉眼間, 我地經已來到心愛既DB嘞~ :)
今次我地選既係意大利美食o既 - SOPRANOS

同DB大部份餐廰一樣, 佢都係分為室內同室外區的~


無落雨又唔太熱既日子, 我地都愛坐室外, 開揚得來浪漫丫o麻~ (不過, 全程我都忙於出出入入拎o野食同埋狂塞o野入口... 所以未有feel到浪漫 XD)


我地選左buffet, 都幾抵食架~ $99/person
雖然佢無平時酒店個d o甘大堆頭, 但我同吱san都幾鐘意佢既感覺, 好似去左朋友屋企小型party咁, 食咩拎咩~ 而且食物既質素都唔錯添~! 大部分我地都好滿意! 
* 除左pizza... 放得太耐... 乾爆~! 我好想試下新鮮的... 但我地未能成功KO原本的... 所以... 嗚~




甜品得朱古力蛋糕(麻麻地呀, 有sauce既咪好小小囉, 無既就勁dry既硬海綿咁)同水果雜拼(唔錯丫~! 都ok, 我食左好多提子 XD 嘻嘻, 排得又好有心機呢~!)~ 


我同吱生各叫左杯smoothie ($35/each), 我的係strawberry;吱san的係mango呢~ 真係要讚下佢至得~!! 足料呀~!! 好難飲到真係用夠水果做呀出面, 好多賣得唔平o既地方都勁稀囉(個d山就梗係一年稀過一年啦)... 下次會再黎飲~!!

推介Lasagne Bolognaise同Macroni Cheese呀~!! 我encore左幾次呢... 嘻嘻!! 吱san都讚, 仲猛話好味過_粉屋好多添... 

  開心既晚上仲未完架... 我地仲(係我死lur要去...) 巧遇靚靚花燈展同藝術展添~ :)
等我下回分解啊 ^3^~

2010年9月26日 星期日

廿多年來, 我也受著你的Extra Care :)

  情意結, 是特別的, 是我們必有的~ 

  沐浴露, 我從小已經係Johnson's既fan了(還記得小時叫“莊生”的, 對於改為“強生”... 我和媽媽也傷心了好一陣子 XD)~  因為這是媽媽一直為我預備的, 也是我習以為常的 ^v^!! 就算貪新鮮試新東東, 藍色Johnson's也會在浴室中備中的~ 睇我幾長情 XD~

  Johnson's為亞洲女性研發了強生美肌系列: 水嫩、淨白透肌、悠然舒緩和深層滋養~ 不再是baby (想也不可能了...)的我, 作為受巻顧的一分子, 在早前雀躍地試了水嫩的沐浴露和潤膚乳~ 水嫩嫩的,散發著淡淡的蜜桃香味, 我和家人也很喜歡呢~!!

  今次再試的是深層滋養系列的3員, 佢地添加左BB油, 唔會蹦緊咁鎖水同滋潤~ 好o岩開始涼番既天氣呢(冷氣怪都o岩 ^0^)~! 



Extra Care深層滋養系列




左: 24小時深層滋養潤膚露 $49.9/400ml




中: 24小時深層滋養護手霜 $22.9/50g




右: 深層滋養沐浴乳 $49.9/750ml







深層滋養沐浴乳
蘊含1/3潤膚露及嬰兒潤膚油, 長效補充同鎖緊水分, 深層滋養肌膚~
比水嫩系列的"杰"d, 流動性都係好高既~! 



同平時用開的Johnson's都係好易起泡~ 聞落都好舒服, 係聞開既味~!! 至於加入左既玫瑰同茉莉花香呢, 我就聞唔出了, 只係聞落好似蜜糖同蜂蜜蠟既香味, 好似我心愛既E字頭髮膜味~ 感覺鎖到水既味 :)
用後皮膚keep住潤潤的, 摸落夠水得來唔會lup~



24小時深層滋養潤膚露
蘊含嬰兒潤膚油及天然油脂, 長效鎖水, 24小時深層滋養肌膚, 緩解乾燥, 重拾細滑~


都係比水嫩系列"杰"架, 流動性唔高, 要用d耐性去推開佢~


同沐浴乳一樣味的~ 
我仍然係聞唔出玫瑰同茉莉既味, 仲係覺得係蜜糖同蜂蜜蠟既香味~ 鍾意呢個味呀~!



細心推勻, 吸收後, 明顯見到乾燥改善左~! 而且摸落去唔lup的~ 連鐘意勁水texture既我都完全接受佢, 唔錯! 


24小時深層滋養護手霜
蘊含嬰兒潤膚油及天然油脂,深層滋養, 响每次洗手後仍可keep到幼滑~ 

只有呢個系列有配埋hand cream, 正正arm曬我呢個乾手怪~! 好!!
响重物怪既袋中, 佢只能夠重過我包tempo... 所以一見到佢, 就用佢講: 「入袋啦你~!」XD

吱出來, 係終極企身的~!! 成粒野咁, 有蜂蜜蠟feel啦~! 佢都係系列味的, 俾耐性慢慢推開佢, 加埋打圈按摩埋d手指關節同邊邊~ 隻手會軟軟的, 香香的... 
嘻嘻, 飯後洗完手, 連我婆婆都笑笑口一齊用呢~ 佢會keep住講:「嗯, 好香, 個味好聞~!」:)


手背的用前用後~


手心的用前用後~

待吸收曬就唔會lup架喇 ^v^~


感謝theztyle同Johnson's俾我呢個受Extra Care既機會我~ 希望你地keep住寵愛我丫~! -3- 嘻嘻嘻...

2010年9月24日 星期五

首次, 做到一半至知自己做咩...

  對於地既服務... 網上siscmmts好壞參半, 令淆底o既我抱住驚驚地既心態打電話去約時間~
本身我係約左上星期六做"lomi
lomi
夏威夷海浪式按摩", 但因為做o既野沒完沒了, 所以改為今個星期三呢...



  上星期五收到提示SMS同來電, 感覺很貼心~! 致電改時間, 態度也很不錯, 令我放心了不少~! 



  今個星期二收到提示來電, staff告訴我和BL量議後, 己把所以按摩轉為facial。我沒有異議, 答應會依時到~



  直至出發前我仍不斷在網上睇最新的cmmts... 好緊張呢... 



  順利地到達位於尖沙咀的星Spa, 位置十分易找的~!! 



一出升降機就見到貼了幾張相在招牌旁, 可惜對娛樂事不了解既我... 沒法認出來... 



按鈴進入後, 接待處背後塊板好靚啊~!! 




可能係arm arm開門, 所以共有5staff响接待處呢~ 雖然make up緊同傾緊計, 但都nice ^v^



我坐既椅同隔離個set(圖中)黑色的同款, 只係唔同色而已(set白色的)~ um...靚係靚, 但似空心既, 唔係好坐, 坐上去令人唔係太安心, 驚跌... 




 



Spa內的大致環境~




 



洗手間同一般屋企既大小相若... 設備都乾淨齊全的~




 



坐住填資料既同時, staff俾左杯茶我~ 隻杯好靚呢~!! 佢透得來有小小偏黃, 個味似玄米茶...



 



Suki介紹完自己就同我入房, 對於影相, 佢地話1張起2張止就ok~ suki仲好好咁幫我放靚個方架方便影相添~! thx ^v^!



房間ok丫都, facial唔使咁大間丫~ 橫掂都係訓一個位姐, right?

換埋左下角個tube就開始喇~!


講下過程+感受先~

潔面(gel+濕棉花抺, 無特別feeling)--> peeling(同gel捽, um, 個feel好乾, feel到扯郁d 皮, 可能平時我响屋企豪用開分量, 唔太鍾意呢個乾推o既做法)--> steam (省略了, 因為我皮膚乾, 為免打開毛孔令水分流失)--> 針清(我明明係勁多暗粒, 可能係Suki太包容了... 佢話我無咩好清... 所以好快完事)--> 修眉(唔錯丫, 個型幾好)--> 有機水分精華+導入機導入 (我終於忍唔住問今次facial既名同特別之處, 好在Suki都好願意解答, 強烈建議戴耳環既sis要除左先!! 我就係忘記左... 所以部導入機逢經過都會中耳環呢... 我就每下都暗叫... 希望佢唔好導入我粒石啦... 嗚)-->以通淋巴手法按摩面部, 再按埋連肩頸 (會响起模後一齊清潔, Suki話可以等佢吸收下d cream~)--> 倒膜(我問係咩, Suki話係用水開o既粉, 作用係焗住d mask, 等佢迫入, 易吸收d) + 放一張水分paper mask响上面(因為我乾, 所以加上去, Suki好細心咁用毛巾頂住我個耳lone, 以免精華漏入去)+唇mask--> 休息(um... 隔音麻麻... 一直都聽到外面同隔離房既對話, 加上幾熱下呢間房, 我訓底無幾耐就開始出汗, 所以都唔係太訓得呢...)--> 起模+ 清--> toner + 防曬~

左:精華+導入機後

右:倒膜+paper mask+唇mask  ing


2張相都係Suki好好人咁幫我影的... 但lighting有小小唔同添... orz

可以見到水分係充足左既~ 但毛孔都係咁污糟呢... 嗚... 


  換番衫出去, Suki就講有個買6送12既plan, 但我真係未想join住呢~ 簽番張單就番屋企了... (簽單個時由於入部staff都入曬隔離房, 所以Suki要入去請人簽... 而有位女士就唔係幾耐煩咁望一望我... 我阻住左添...)




  總括來講, 都ok既今次匈牙利有機面部護理 ~ 好有我小時候响樓下美容做facial既feel呢~! 我當係一次經驗~ 除左熱d之外, 針清係我唔係咁滿意既部分呢~!! 我額頭同下巴既暗粒, 全部响番曬度呢... 而且塊面唔知做咩... 有d紅同粒粒~ 

* 即晚用我日日用開既泡泡洗面... wa!!!! 乸到我以為會死呀...!! 個個毛孔都針吉咁呀~!!

  第二日好左d, 希望快d退曬啦d印呀紅呀...

  第三晚, 我忍唔住自己既"鞋 sap sap"面珠, 做左我勁小做既磨砂... 當堂正常番曬呀個手感~!! yes!!


  多謝BL同星Spa俾我今次體驗既機會呢~! 我見大家給的cmmts都正面了很多,可見星Spa的確進步了不了, 加油啊~!! 我深信有心, 一定會做得好的~ :)


甄子丹迷是也: &lt;精武風雲 - 陳真&gt;



  天生男仔頭既我, 自小: 膽子極小, 但愛睇武打片; 身子潺弱,卻成日郁手郁腳... 更拒學芭雷而求學跆拳...  



  深深地被呀丹哥迷住了多年... 今次既<<精武風雲 - 陳真>>又點能錯過呢...  一早網上訂好票等睇啦梗係... 嘻嘻~!! 













精武風雲 - 陳真



Legend of the Fist: Return of Chen Zhen






故事簡介 陳真 (甄子丹 ) 為報殺師之仇獨闖虹口道場擊殺日本武術高手力石剛轟動全上海。陳真中鎗最後不知所蹤。陳真倖存七年後輾轉回到上海化名為齊天元並認識了卡薩布蘭卡夜總會大老闆劉爺 (黃秋生 ) 二人甚為投綠。原來陳真受命混入卡薩布蘭卡收集情報這次的潛伏卻令他意外地遇上了當紅舞女Kiki (舒淇 )陳真發現美艷動人的Kiki暗藏不可告人的真正身份……另一邊廂日軍少將力石猛殺入上海更有一張數之不盡刺殺名單令上海市內人心惶惶。力石猛正是當年力石剛的兒子陳真怕身份曝光決定蒙面行事化成黑俠四出救人。接二連三的刺殺行動重燃了陳真內心怒火背負起中國人的使命遂與力石猛作出生死一戰……







吱san話得開場同打仗部分係好睇... 後尾麻麻喎... 
(唔聽呀唔聽呀~!! 我對丹丹係偏愛的~! 唔准你對住我講呀!!)


左:um... 我明你要飾身份... 但 我唔鍾意你pit鬚呀... 嗚~
中:天山黑俠... 你型我知~! 但你成日企响d樓上面... 我有幾下忍唔住笑... sorry喔!! 
右:好型呀... 好想你住响我屋企呀~!! figure都好啦~!! XD


哎呀... 你咁型... 我暈喇~!! 我好鍾意你淨係著住條白褲呀~!!! 好MAN呀~!!!!!!!



由於要食自助餐先... 所以訂沙田UA~ 吱san想殺我呀... 因為佢至唔鍾意呢間UA睇, 佢話我腳短唔明佢迫到爆既感受喎... 


  都係睇開既英雄片, 故事都係圍繞愛國, 同心抗外敵犯華~ 逢親睇番呢d片都令我好心酸, 諗起曬中學時讀既咩咩事件咩咩條約... 中國同胞真係夠左好多好多苦頭... 受太多太多殘忍唔仁道既對待... 傷痛之餘, 對於生於和平香港, 真係好感恩~

  同平時一樣啦, 講開日本(其他列強國當然都係對中國唔公平, keep住想瓜分我地既土地呀, 蝦我地中國人呀...)既行為, 無論佢地幾多壞, 都總有個堅持比試, 求分高下既高官~ 可惜今次既無以往既咁好打... 好快被收拾左嘞~! 都好既... 我唔忍心受傷既丹丹要苦戰挨打啊~!!! (心心眼ing... XD)

  講開壞人, 真係勁壞呀有個~!! 佢捉左陳真去個所謂問情報既變態地方虐打... 可惡呀~!! 變態架又打又電又用尖鐵指環打丹丹(cheap呀!! 平時唔夠人打, 陰陰濕濕捉人打人...), 仲見到好多中國人被虐... 好心痛啊!!! 丹丹好慘, 俾人除曬衫打...但我唔忍心望... 太殘忍了... 嗚... 心痛死我... (又係片中負責堅持比試高下既日長官, 唔知情人被捉, 知情即放人... um, 早d來救佢唔得咩!!!?)
  呢個壞人仲好賤咁污辱人... 仲講埋d白痴言論, 佢以為自己好啱好勁咁講:「女人只係用黎發洩既工具!」個陣, 我伏伏聲呀d火~!! 就响個刻, 丹丹做左我心入面勁想做既野!!!!!!!!!!!!! 用盡力“鐘”爆佢下面~!!! 我忍唔住暗叫一聲:「好!」

  亂世, 有你地呢班救國之士, 係中國既福氣~! 我以你地為榮架~!! 多謝曾為中國貢獻既同胞!! 你地高尚既情操, 英勇既行動... 永永遠遠烙响我地既心中架~!

2010年9月20日 星期一

抗黑科技, 快來保護我的膠原蛋白吧~!




  今個夏天我都堅持日日用防曬去保護我既皮膚呢~ keep住用, 抵擋UVA UVB既傷害, 皮膚的確比無用防曬好~!!  我要努力keep住呢個良好習慣至得~! 呵呵呵... 由於SOFINA用完了, 所以之前添買(母親節時買了一set俾吱媽, 自己又心思思想要所以~) oLancome防曬終於可以出動呢~ XD



** 好多時以單買一支既價錢, 可以有埋洗面+精華+ creamtravel set~!! 會抵d~ ~!



 

Lancome UV Expert GN-Shield SPF50/PA+++  (HK$350/30mL)




 
 UV防曬系列GN-Shield
™System
添加o薄荷玫瑰萃取精華, 中和因紫外線照射而發炎o色素沈澱因子, 有助舒緩~ 可以同時阻斷肌膚表面有害的陽光照射~ 咁我地既就可以keep明亮, 年輕~! 嘻嘻



  防曬產品會有d油分(標榜係oil-free既防曬唔計丫~), 當油分, 就會變黃; 呢半個月用既Lancome UV Expert GN-Shield SPF50/PA+++, 12小時長效UV防護, 仲用o「抗黑科技」, 可以防止防曬變色變暗, 保護膠原蛋白


  吱出來同搽上面係會見到白色o, 但當佢吸收o, 就會轉番做透明架喇~ 用後透白得來好自然, 唔使怕變白面怪的~! 流汗都唔怕呢~ 嘻嘻~!!  淡淡既花香, 幾好聞添~! 鼻敏感既我而又好想知佢係咩既我,
狂聞佢都無事~ 嘻嘻雖然我最後都係認唔出係咩花味,
但我記得佢係一隻聞開既味 XD



  比用開既防曬厚身小小但都幾好推的輕易地推勻~!! 平日用推勻推薄d, 易吸收之餘又唔會厚焗嘞如果個日要出去暴曬的話响凸出來既位我會用多小小分量呢~




  搽左佢之後上2-way/ 碎粉都好貼呢懶鬼上身又想有好氣色既我成個夏天無用過粉底呢… 嘻嘻~  用左成半個月佢既效果真係唔錯~!!

  雖然Ba姐姐話單搽唔使用卸妝東東… 但我真係極力呼籲唔好慳呢一個step既功夫呢!! 因為我頭個日就咁洗面谷左好幾粒 粒粒呢… 之後死心不息既我就用一直在備用但從未被使用既BIODERMA卸妝水抺就再無咁既情況出現了~!! 所以都係安心d乾淨d好呢… 

 


2010年9月16日 星期四

Yo! 唔使用z手, 都有向日葵開花眼呢~



  日盼夜盼, 都想有對向日葵開花眼... 每遇見印巴籍女孩, 總忍不住狂望佢地又濃又密既美睫... 先天不足既我總不可能變作她們, 但, 好在有睫毛液呢個偉大發明作伴咋~!! 

  今次介紹既係Will Wong都極力推介Made in Italy既SASATINNIE Super Dolly Powerful Curling Mascara - Advanced Formula

  榮獲2010美容天后, 仲有8000美媚見証佢既威力~ 視睫毛如命根既我... 當然要會一會佢啦~ 嘻嘻~!!

SASATINNIE Super Dolly Powerful Curling Mascara - Advanced Formula 

(原價$ 135, 現特價$108/ 8g)


  創新梳型弧度刷頭, 能細緻梳理眼頭、眼尾及下眼睫的每根睫毛, 並提升每根睫毛的角度,
根根分明不結塊。





  革命性嶄新配方,
締造豐盈震撼鬈曲度,
鎖定鬈曲, 令睫毛持久不墜,
讓睫毛液依附在睫毛上,
並且長度伸展自如,
效果自然得彷彿是自己的睫毛變長了,
展現超完美的增長翹曲效果!



  防水、持久及不脫色,
而且質地輕盈,
提供整天滋潤及修護睫毛。









見效的小心得:

- 除左响樽頂刮走多餘既睫毛液之外, 响cotton pad/ 紙巾上面拖一拖, 用起上黎更得心應手~ 可以逐小逐小加厚, 效果更自然呢~!!




- 立體梳型設計, 能爪緊每根睫毛。唔使z字手勢, 只需將刷頭貼緊睫毛, 邊刷邊向上拉就會更鬈翹, 濃密得來分明。


- 刷下睫毛先水平拿睫毛刷左右移動方式刷下睫毛至於一些比較細小的下眼睫毛可以垂直拿睫毛刷的前端往下刷下睫毛便可。









- 本身已夠濃密持久, base來配合, 持久度up up up!!




單使用的話, 12小時後仍然堅挺~!! 只係眼肚位有小小染到色姐~ 
而使用base配合呢, 就16小時後都堅挺+無染到色嘞~ 嘻嘻...




咁持久, 但一d都唔難落呢~! 用番我平時使用既眼唇卸妝液, 無論擦厚擦薄, 都能幾秒完事... yeah!! 


  要多謝BL同SASATINNI, 信心大增呢~!