2011年1月7日 星期五

低卡。補充骨膠原o既 - 即食麵

  10日有9日o既早餐係即食麵, 佢地真係常伴我左右呢... 明知即食麵無益又高卡, 但為食又唔出諗食咩o既懶鬼Mui總係忍唔住(定無忍住呢~!? XD)呢~ 


   今次同大家分享下一個意想不到o既即食麵, 佢特別在低卡得來, 有海洋膠原蛋白架~!! 低卡對我唔算大驚喜, 但可以健康d之餘添加海洋膠原蛋白, 咁就足以令我雙眼發光嘞~!!

  肌之子美肌即食麵响日本創下每分鐘售出3300包o既驚人銷售紀錄!  
   Hadatuko (肌之子) 日本低卡路里即食麵由日本群馬縣特產蒟蒻、非基因改造o既豆腐同豆乳製成。

   成分天然o既佢補充鈣質又不含防腐劑每包添加1000mg提煉自魚類的海洋膠原蛋白, 而卡路里只係一般即食麵o既1/9 jar!!

ArMui 食即食麵習慣加點配料(當然方便為主啦都係), 一來通常一個麵唔夠我食, 二來有點配料總會令幸福感upupup丫麻~ XD 
睇制成品就知, 唔會係為低卡而待薄自己o既食物啦~! >v< hohoho!!


整個系列共有6口味的, 卡路里同湯濃味程度成正比o既~!
ArMui試o既係味噌口味~
日本制造架~!!


食用方案:

  1. 作為代餐: 
    建議於晚餐時Hadatuko (肌之子) 日本低卡路里即食麵作為代餐,同時配合1個水果,以增加飽肚感。
  2. 作為零食: 
    建議於肚子餓或下午茶時間以Hadatuko (肌之子) 日本低卡路里即食麵作為零食,減低卡路里之攝取。
  3. 作為控制卡路里攝取的工具: 
    若於節日或派對中吃了一頓豐富的晚餐,建議於翌日進食Hadatuko (肌之子) 日本低卡路里即食麵以避免過度攝取卡路里。

食用方法:

  1. 先用熱水泡熱麵條。
  2. 另將調味料加入200ml 的熱水之中。
  3. 然後將麵條隔水後放入調味湯中即可食用。
  4. 可隨個人喜好加入不同配料,令麵條更加美味。


同大家分享下是日早餐o既制作過程先~ 
因為想有d料配下, 所以响雪櫃度抱o左佢地出黎 XD
紹菜沖沖水, 疊埋切絲就ok喇~ (近莖o既部份切幼D會快熟d架~ 嘻嘻)
丸丸沖一下水, 同菜一齊放入沸水煮熟~

倒走包麵入面o既水, 要隔清d呀記得~!! 因為養住麵條o既水唔係太好聞呢... 千其唔好隊個鼻埋去索呀~ XD
跟住就加熱水泡熱麵條, 本身係泡一次隔走d水o既; 但因為膽小o既我就情不自禁重覆做一次~ 果然~!! 過多次水就無o左個陣濃烈o既酸鹼味喇~!! 嘻嘻... 


將熱水加入調味料度拌勻, 放番泡熱隔o左水o既麵條入個湯度就ok喇~!! 
放埋配料上去就perfect嘞~!! \(^0^)/
* 調味料當中有海帶喔... 

  今次做配料o既菜我無放調味架, 因為我預o左味噌味會夠濃味喲~ 加o左配菜都唔會令整體味道變淡, 啱啱好~!! 而麵條爽爽彈牙, 很有新鮮感呢, 唔覺唔覺就成碗食曬喇~! 
  可以食住靚又健康, 食即食麵o既罪惡感全消~! 
  $33一包來講, 間唔中食包, 慰藉下自己都唔錯呢~! 但我就要食多包至會飽呀... 我唔認我大食架! XD  

肌之子美肌即食麵 無加防腐劑, 保質期係短dd架, 記得買後盡快食o丫~

多謝莎莎貼心速遞呢包食住靚o既麵麵俾我呢~ >3<

沒有留言:

張貼留言