2011年1月16日 星期日

我也來參觀 - 前任行政長官辦公室


  身為香港o既一份子,當然對香港o既事都充滿好奇啦我~ 

  响電視見到有106年歷史、曾用作香港前途談判場地,响07年4月化身為前任行政長官辦公室,會開放俾市民參觀,我當然預留定時間去一趟啦~ 嘻嘻... 

  中環堅尼地道28號o既前任行政長官辦公室,建於一九五年,呢座歷史建築物見證住香港發展

  09年被評級為一級歷史建築物,非對稱設計大樓,以典型o既意大利式建築風格為主,保留住100年前o既面貌:古老門鈴、門上o既彩色玻璃天使形窗框、騎樓地板、壁爐同埋通去二樓o既全木樓梯...... 百年歷史痕跡响曬度呢~!!

  五百平方米o既大樓分為上下兩層(响上層o既房,一間屬於前任行政長官董建華, 而另外一間係預留俾曾蔭權卸任後用架~第三間未知邊個用住XD)。

  呢座大樓起初係私人住宅,曾被日軍佔據,戰後先後做過皇仁書院、金文泰中學同堅尼地道小學o既校舍。之後係中英聯合聯絡小組o既會議場地,仲租過俾香港設計中心用添。


大樓max容納一百人, 所以參觀人士就要分批人去喇~!我大約等o左半個鍾到就入到喇~ 

嘻嘻... 警察同職員人流安排得好好, 仲極支善添~ 讚!


開始上去喇~ 莊嚴mode ON~! 好期待喲~!!


@層接待訪客和嘉賓o既會客室外~


導賞員仲紹大樓歷史同特色, 等我地睇之餘知多d投入d呢~ :)
我地踩住o既地磚係原裝架~!! 微向外斜, 係方便落雨個陣去水架~!! 真係好有心思, 諗得夠周到呢~!!
*而個玻璃係後加來保護文物架~ >v<


入到去喇~!!

放住記念品o既會客室~
有著每間房都有o既壁爐呢~!! 嘻嘻...



我地要分批上上層喲~!!
因為上層同時max容納二十人ga jar~!

而有d「內傷」採用懸臂式設計o既木樓梯呢,要1pair接1pair人咁上, 因為要好好保護佢丫麻~ XD

佢靚之餘,佢o既設計好有功效性架~!!木樓梯2側o既銅錢型開孔, 有散濕氣o既作用架~! 美觀地顯現出設計者的心思呢~ >w< 佩服呀~!!


上層三間辦公室,可同時俾三位前任特首用架~ 




好多記念品呢~ >0< 




另一間...
印章喲... 
好想要一個呢~!! 


同下層一樣有著珍貴地磚同天使形窗框呢~ 
望出去個view好正呀~!
* 仲掛住運動員簽名添~!! 我勁揾橍王o既簽名啦當然 XD

 
落去個陣可以行多次呢條心思盡見o既木樓梯~
有機會想再來呢~ 嘻嘻... 


離開前, 影多幾張外觀至得~ 
*有個伯伯激nice~! 仲醒個好位我...


跟完伯伯好介紹影靚景之後, 梗要扮一扮伯伯啦~ 可惜, 伯伯真係太堅... 我做唔到佢個動作呢實在 orz

  會繼續細味香港~ 同大家感受香港更多更多~ >3<

1 則留言:

  1. 唔知幾時再OPEN DAY 呢?
    [版主回覆02/08/2011 22:37:00]嘻嘻... 佢都唔定架...  下一次你會去嗎?

    回覆刪除