2017年2月22日 星期三

中醫經絡概念 自古養生智慧。姜 . 美 養顏館


一向羡慕韓妞們 擁有透白美肌, 氣息又好到不得了... 

之前成日都厚顏問個韓國朋友 有關韓國女仔嘅生活日常... 
(我問到佢忍唔住話叫我不如直接問佢妹妹... :p SorrySorry, 我太問題老女鳥...)


韓國朋友知我 鍾意扮靚 + 致力追求童顏, 早年 就介紹咗位有心得嘅朋友比我識, 話因為佢覺得我地會好啱傾, 所以忍唔住要等我可以聯絡起黎呀~


家陣好喇, 
呢位對扮靚認真 o既 韓國人妻 以中醫理念為基石 創辦咗 姜 . 美 養顏館~
攻讀專業認證 配埋團隊嘅豐富經驗, 致力由養生著手 調理身子 由內而外靚出黎, 我地香港女仔有福氣嚕!!!




 . 美 養顏館 精心設計各款管理並配上尊貴配方品, 務求讓客人身、心、靈得到平衡, 
包括: 美顏管理按摩管理經絡管理 同埋 即將推出嘅 中醫管理~





姜 . 美 o既佈置簡約樸實, 
就像處身 "韓家" 似的, 讓人安心自在~ 

 
透過望聞問 細細分析我身體問題, 
再針對我所需 黎配對相應療程~

飲住韓國薑茶 細談養生, 感覺真好~  

決定療程後, 
入房嚕 入房嚕~


先做身體嘅管理, 
促進血液循環同新陳代謝, 既去水腫 又燃燒脂肪~

來個 "一補一卸", 補充之時 不忘排減身體毒素啊~


驅寒排毒瘦身管理
療程以 活能燈 配合 排毒能量倉 進行, 排毒排廢物 + 促進循環外 更成就 減壓 改善睡眠質素嘅效果, 呢點勁吸引我啊! 好想調節番好個免疫, 擁有健康身心呀!!!

先黎照 活能燈



乖乖伏底, 治療師調好活能燈 我地只需乖乖休息就得喇~
照住背脊平日熱能易流失嘅位置, 暖笠笠 温度剛好 舒舒服服訓番陣先~


話咁快 要完成, 舒服到唔捨得起身啊~


治療師除咗提我平日多飲水, 
响每項療程之間 都不忘為我準備暖茶, 等我補充番啲水份, 貼心舉動真窩心呢~


跟住就黎 排毒活能量艙 喇~ 

由於我係第一次照, 熱度會較番初階番啲, 等身體易啲適應, 之後再做厔慢慢上調, 
呢點我好同意, 一向最怕啲一野 chur 到高一高, 迫我爆汗當效果嘅情況... XD 

靜靜地焗住倉 諗下野 自我反思下, 感覺真係幾好; 
我今次幾乎無流汗, 但焗完全身暖暖的 感覺又確係唔錯啊~

(話說照完焗完身體暖得黎 有者會 generate 熱能嘅感覺, 
我之後做 facial 都唔使開暖毯呢... XD 我平時其實勁虧, 唔開唔太頂得住...)

美顏管理 - 經絡養顏管理 (*依家仲有首次優惠價 $298)
經絡養顏面部療法, 是根據人體眼、面及頸部的穴位經絡, 利用磁療經絡捧以專術手法打通氣血, 再配合極盡珍貴配方, 令肌膚在短時間內立即回復緊緻彈性、膚質亮白紅潤, 輪廓分明, 排走面部毒素及多餘水份, 減退黑眼圈。更可治療頭痛、改善失眠。

磁叉按面 順住面仔結構進行, 感覺舒服輕柔, 
只係我太毒 所以啲筋位同淋巴位有啲 "冤冤地"~ XD 

完成 treatment (著番衫即影) 我嘅輪廓明顯番, 無之前咁浮腫呀~
嘿嘿嘿, 立體廓明好緊要架!!! 

著番件外套 忍唔住同靚靚老闆娘猛傾一大輪...
(講開扮靚, 點捨得停咀喎... :p)

搽番個 Lip Glow 就黎自拍, 輪廓 sharp 番 就無懼素顏啦~
HeHeHeeeee... 

p.s. 老闆娘話呢張影得我地唔夠靚, 但我太想同大家分享效果嘞... 所以, 唔怕啦 share 就 share 啦... >///< 
(等我同靚靚補番張, 再貼番上黎呀吓~ *3* )



詳情 可以去 姜.美 o既官網睇番架:



歡迎給 ArMui 來個電郵:
sharon.ron@gmail.com   
sharonkwok214@gmail.com

 like ArMui o page "貓奴愛美麗關注 關注吧:

 like ArMui o ig 緊貼每日生活吧

產品由 姜 . 美 養顏館 提供~

2017年2月12日 星期日

謝絕初老 抗氣凍齡 . Bling Young 抗老凍齡配方


我地香港 o既都巿女性都係強人, 將家庭同事業都打理得井井有條~
咁... 自己呢!? 

除 o左攰, 
眼周細紋、暗沉膚色、斑點、緊緻度下降 同 粗大 o既毛孔... 通通都係顯老元兇!!!
唔得架! 我地要好好打理自己先得啊! (加油 俾心機!!!) 

我地要高效 我地要方便省時!
除咗日常塗塗抹抹, 更要配合內服 內外好好夾擊問題根源!!! 


Bling Young 融和 天然成分 及 科研成果, 綜合革命性逆齡注目成分; 
8 大天然抗氧植物, 加添 膠原蛋白 同 透明質酸, 成就新一代逆齡補充品。

持續服用 致力改善肌膚質素, 提高緊緻度, 幫助肌膚透潤亮白, 
身體回復活力, 由內到外回復青春~


優惠價 $620 (標準價: $720) 
萬寧有售


8 大功效: 
毛孔收細 + 減少皺紋 + 提升輪廓 + 去黃白滑 + 
改善斑斑 + 潤澤補濕 + 均勻膚色 + 提升活力 !!! 


鮭魚白子 DNA-Na . 逆齡 
8 大抗氧成分 . 凍齡


Made in Taiwan


無論 半熟、輕熟 定 完熟肌, 
配方都照顧得到~ 


姐妹們, 同做卷一樣, "轉後頁" 好重要喲!!!
簡單填上資料入會, 即多送 10顆啊~


服用方法簡單直接:
40 歲以下: 每日 1 次, 每次 2 粒; 
40 - 50 歲: 每日 1 次, 每次 3 粒; 
50 歲以上: 每日 2 次, 每次 2 粒~


成份被膠囊緊緊密封, 
聞落吞落 零味道, 真 好!


我呢, 每朝飲第一杯水時一併食埋 2粒, 方便易記~


(左) 服用 2星期, 
感覺跟平常相近, Bling Young 輕易被身體接受~

平日易攰 o既我 精神好 o左, 身體活動力有改善, 
好期待未來 2星期效果更明顯呢~
(素顏氣息都叫見得人 o丫!)

(右) 服用 4星期,
精神同活動力持續好轉, 同攰攰的我 bye-bye~ (YES!)
停止咗乾乾脫皮, feel 到皮膚水潤度開始改善, 脹卜卜番啲 望落更顯精靈年輕~

仲有呀, 啲印印比平時退得快咗啲,
見到自己復原得快咗, 覺得自己代謝原來係仲得嘅, 心情都靚啲啊~ XD



我深信: 
只要我地願意, 青春實有辦法留得住!




歡迎給 ArMui 來個電郵:

like ArMui o page "貓奴愛美麗關注 關注吧:

like ArMui o ig 緊貼每日生活吧




* 產品由 Bling Young 提供~

2017年2月1日 星期三

靚景 中菜 . 2016 年度最愛


望住靚景食, 爽 YY 喲~ ;) 
(景係 pre-visit 哥陣影嘅, 約食飯 2-3日前的~)


雖然只係食過一次, , 真心推介呢間餐廳~
無論係一覽無違嘅香港景色, 我地嘅香港呀!!!
定係有點 fusion 嘅中菜, 我地嘅中國菜呀!!! 都夠精緻 都有味道 都令人讚不絕口!!!


涼伴金錢菇, 我覺得還好啦, 菇菇係幾濃菇味嘅, 同枱嘅親友讚不絕口, 我個人就覺得如果佢係熱嘅話我就會超鍾意食嘞~



話梅石榴呢個好醒胃台灣感滿滿爽脆多汁清清心神為主菜做好準備~


白胡椒海蜇頭
呢個我要讚呀厚肉得黎好爽脆比起一般嘅得個淋字/一味韌嘅海蜇好味得多呀我以後都會記得要食頭!!! 佢個白胡椒調味佳呀乾身得黎夠入味吾使好似平時哥啲咁滴曬汁又唔入味

金牌乳豬全體, 香脆脆皮, 脆係鬆化哥種脆, 我鍾意呀, 而無肥膏嘅肉肉咸度恰好, 即快手夾多咗舊黎食~ XD 

濃湯過橋東星斑球, 呢個好味呀 好味呀!!! 哥份鮮甜, 堅係濃得化不開, 好飲呀, 魚肉挺身得黎質感又滑, 全場個個都大讚呀!!! 是日精選!!! 

XO 醬野菌鮮蝦球, um... 我唔係好食蝦, 食咗幾粒菇, 正路味道咁囉... XD 

避風塘星斑腩, 呢個幾好呀, 外脆得黎 入面魚肉 keep 到滑呀~ 微辣 香味, 我唔食得辣, 都無有怕~ (btw, 熱浪比呢個辣多多聲呀... XD)



脆皮蒜香雞, 呢個中規中矩, 肉質質感實在得黎唔o鞋口~ 唔算特別, 所以食咗件雞胸就等下一味菜~ :p 

魚湯野菌浸菜苗, 淡淡魚香 清一清啲肉嘅膩, 清清地 唔會過咸, 味道質感都係 ok , 菇比較好味 夠菇味濃, 菜同菇都唔過火剛好的~

星斑肉福建炒飯, 呢個飯又係好味嘅! 平時唔好食圍飯, 但呢個飯汁鮮甜, 汁剛好夠卦 包得住啲飯 而又唔會 over~ (平時哥啲, 絕大部份一係 gel 口一係稀爆... XD) 不知不覺間扒曬嚕我~ :) 

和田玉棗糕,  熱辣辣 夠彈牙, 微甜得黎 棗味十足, 唔止我覺得好, 連平時唔愛甜點嘅長輩們都大讚
(爭啲被收走呀, 多謝長輩大大們極力捉住個籠留比我食呀!!!) 哈哈

芒果汁 n 檸樂, 芒果汁係杰濃濃嘅, 認真嘅, 唔錯~ 我後尾先知, 原來加幾多錢下架一杯...  
我地全部人都以為係包埋嘅添, -lll- 早知唔叫, 飲茶都好 ok 呀其實~




p.s. 
侍應態度友善, 尤其係呀主任~ ;)
但係, 如果可以見人地行開咗去做嘢, 未食度菜就唔好收住, 咁會好得多!!! 
响屋企人同我力 keep 之下, 我都食漏咗一道菜~ T^T (我見餐牌係咪個名: 桂花蘆薈燉雙雪!!!) 
我哥下想喊呀其實!!! 我好想感受妹妹婚禮嘅全部呀!!! 點解 點解一啲菜分一啲菜唔分!? 分咗嘅又要收咗我哥份!? 一道菜之隔姐, 咁都唔俾我放响個位度!? 嗚呀~~~~~~~~~~~~~~~ 




歡迎給 ArMui 來個電郵:

like ArMui o page "貓奴愛美麗關注 關注吧:

like ArMui o ig 緊貼每日生活吧