2011年1月31日 星期一

✿✰ 我有我的 Pretty Powerful ✰✿


  ArMui 一直深信女孩子响充滿自信o既時候係最靚~!! 

  Bobbi Brown 推出o既Pretty Powerful Palette 正正係為女孩展現 自然美 自信美 而設~!

  响心大心細買唔買o既時候, 見到 Bobbi Brown FB 有個 game, 入圍o既就會得到一盒 Palette~!! 諗緊join唔join好o既時候, 等响 The One 等吱san等得悶悶地, 咁就入鼓起勇氣入o左 Bobbi Brown 度嘞~ 

  抱住一試o既心態 uplaod o左相~ 就响生日個一晚, 接到 Bobbi Brown 同事o既電話, 知道入o左圍呀~!!! 真係好開心好開心呢~!!! 我得到一盒 Palette~!!喲~!!

响圓方抱o左佢番來喇~!! 
Pretty Powerful Palette 有2組色 (各$520) 架, 分別係 Pretty Palette ( for 較白o既皮膚) 同 Powerful Palette ( for 陽光氣息o既皮膚) 呢~!! 
我收到o既正正係我想買o既組合 - Pretty Palette

盒底按位置印好o左顏色名, 方便我地睇住用架~ 
嘻嘻... 


一盒有齊曬襯好曬色o既 眼影 + 胭脂 + 唇彩~
一早迷住我o既係lip gloss - Bubble Bath, 真係又靚又可愛~!! \(^0^)/
* 附有膠片保護好彩化妝組合同鏡子~ >v<

  當然急不及待試色跟大家分享啦~ XD
眼影: 
(按盒子的位置喲~)
Ivory (左上) 可以用來打底/做光影
Pink Flannel (右上) 粉紫紅得來好自然~!!
Pink Chiffon (左下) 含閃粉, 閃粒閃度夠得來幼 & 貼~
Chocolate Caviar (右下) 呢個色除o左眼影, 仲可以做眼線同眉粉呢~!! 夠萬用喲~!! 
* 4個色o既粉都極幼細, 觸感細緻滑溜~!! 


胭脂:
Pretty Pink 粉質幼, 顏色好自然~!! 
有天生好氣息o既感覺喲!! 嘻嘻... 

唇膏 & 彩:

Soiree Pink (上): 閃粉gloss 透而自然
Bubble Pink (中): 我心愛o既淡粉紅gloss, 令我白白o既唇有番d 人氣 XD
Sandwash Pink (下): 用上咀添美艷又唔會over o既 lip color, 等吱san帶我去街時用先~ >///<

附上响The One 由 Cris 為我touch up 前後 o既相~ 麻煩曬妳喲 >v<~
多謝 Bobbi Brown 送我呢份添上自然自信美o既生日禮物~ >3<

sis們, 就讓我們一起展現我地o既 自然美 自信美 o丫~ 啜卜~!! 

2011年1月30日 星期日

2010 聖誕 睇show團 @ 澳門 - 隨意吃吃


  早在10月頭, 吱san就為我訂o左聖誕迪士尼冰上show o既門票... 真係好開心呢~!! 有感動架~! ^v^ 佢自稱係湊細路去睇o既家長… XD

  呢2日1夜好開心, 我地仲睇o左水舞間同ZAIA添~!! 真係可以話係一個睇show團... 嘻嘻... 
  為放便回憶分類同唔好爆長, 所以分享會分開幾部份呢~! 

  今次行程緊密, 所以愛吃o既我都將focus放响睇show度, 無話要去食d咩咁~ 我地都係望住時間做人, 行到邊食到邊咁jar~

  不過有3度想同大家分享一下呢~! 嘻嘻... 
  orz... 分享都係忍唔住出食o既部分先... >lll<

  第一日我地下午先到, 所以無咩特別, 都係响酒店同附近食... 
  第二日呢, 要買手信俾吱媽o既我地, 除o左响手信街度食, 仲去o左黑沙灣探險呢~!! 嘻嘻... 仲順便去埋間好多人推介o既餐廰添呢~!! 

  手信街內巷o既小檔, 充滿人情味~!! 見到一家大細响度邊食邊傾, 又見到買外賣番公司食o既OL, 令我忍唔住要感受一番呢~!!
今之係第一次試呢d小檔呢~!! 

親和力極高o既ee, 令我感動o既係, 好似我咁為食, 樣樣“食送"都想食o既話, 同ee講想每樣要d, 佢就全部“食送"都俾d我, 分配响我地2個o既碟上~!! 唔使按“食送"計~!!
一人一份, 好有媽媽feel呢~!! 唔係平時按“食送"計, 多“食送"就會食爆肚o既做法~!! 

小汁版車仔麵@碟上
有家o既感覺之餘味道真係唔錯架~! 我自己食曬一碟~!! 
嘻嘻... 平凡材料加上親切感受, 唔比富貴東東"輸薜"架~! Yummy~!



行o左一陣, 吱san話呢間大利來好多人讚, 問我要唔要試一試~
見咁多人食緊, 羊群Mui出現… 當然話要試啦~!!

每日3p.m.會出現人龍等出爐o既豬扒包呢, 我本身係打算食完全日供應的再等o既... 
staff 很 nice的大檔~! 

 
左上: 我的豬扒包(菠蘿包皮)
左下: 吱san的辣魚包
右: 我們的熱奶茶

  um... 充滿期待o既我一o野咬落個包度... 真係灰o左~!! 唔得呀~!! 個包凍都算, 菠蘿皮凍凍濕濕, 黏住上顎同牙齒內則~!! 塊豬扒無味無生氣, 煎到水煮咁~!! 失望到爆o既我唔肯再食第二口; 個辣魚包我同吱san都以為會似魚柳, 原來係咁架, 味道一般, 唔會再叫, 但又未至於好似豬扒包咁差到要喑叫“把鬼~!” o既; 奶茶一般, 遍奶感, 自已加茶落奶度, 多個感受啦算係... 

  當然, 我再無要行下等3點排隊o既念頭啦... 


  見仲有時間, 知我鍾意沙灘o既味san就話同我去黑沙灣行下~  \(^0^)/ 好o野~!!
  想有多份假日feel o既我, 提議要揾巴士搭去代替的士, 吱san初初都唔想架, 但見我咁堅持, 所以就由我喇~ 成功(多謝教路o既澳門好人們~ >3<)上到巴士o既我勁開心喲~!! 

  行o左陣沙灘就入呢間有口碑o既法蘭度餐廰試試嘞~!
行到門口就好有世外桃園feel喇~!! 好似真正遠離o左急速城巿咁呀~!!


因為keep住滿座, 所以職員就指引我地去等侯區~
經過o既牆度見到唔同國家o既貨幣呢, 店主成日周遊列國 ? 嘻嘻... 



十幾步後, 就見到一個好有feel o既 後園喇~ 
有個意見箱, 店主承諾會親自睇架~!! >///<
有足球機喲~!! 我小學時至愛呀~!! >v< 仲有咁多外國小朋友, 更外國渡假feel upupup!!



  有個小亭酒bar同木枱木椅, 俾大家happy hour 同 稍等呢~!
唔飲酒o既我好想揸下支有relax feel o既啤酒, 所以吱san就負責飲… 
XD 我飲番有氣水... 
吱san Ipad 住等, 而我就好娘咁寫明信片俾佢同媽媽... 哈哈

  舒服服咁等, 唔經唔覺就到我地喇~!! 

  室內唔錯呀, 夠私人室間呀都~!! 嘻嘻... 

  點菜後, 2個面咁大o既包包就送到枱喇~!! 
佢地真係勁勁勁好味呀~!!! 外脆內軟, 質感同口味都十足喲~!! (我自己食曬一大個之餘, 仲要問人拎個膠袋... 裝走另一個~!! 連staff都唔相信我會咁做, 仲倒o左佢落枱 >..< 咁好味, 張枱又乾淨... 所以我唔理三七廿一咁照拎佢走~!! XD 呵呵呵... )

  葡式燒乳豬同我地食開o既乳豬唔同feel, 但我都好鍾意喲~!!! 
佢勁juicy勁有肉味喲~!! 加埋檸檬汁, 唔膩呀食多多都~! 嘻嘻... 



  燉牛肉呢, 我只係食o左一舊姐, 唔係唔好味, 而係味濃令我有點膩, 所以只吃薯仔~!

  而香煎馬介休呢, 就心我預期好味~!!
淡淡咸香滲出, 肉質又滑~!! 我鍾意喲~!! (吱san就話佢腥所以一般, 但愛海鮮o既我就好滿意~ >v<) 

  桃橙汁呢, 係我見個櫃咁多o野飲, 忍唔住未飲曬自己的有氣水而叫的~ XD
咁人地個o下係好想飲田汁丫麻~ 嘻嘻...
自然o既果味, 好飲~!! 吱san都狂飲喲~!!

  好愉快o既下午茶喲~!! 充足電呀~!! 一定一定要再去呀~!! 
  有機會o既話, 去試下丫~ >v< Love you all~!!

2011年1月29日 星期六

荷葉邊, 我認我係你o既迷...


  自小, 媽媽為我安排好一切, 床單枕袋一向由她揸fit~ 

  高小時, 爸爸跟我一起先斬後奏, 買了一套白底的Snoopy床單枕袋, 印著响屋頂o既Snoopy同好友, 黃的, 紅的, 黑的... 綴著白背景, 至今仍然難忘~!! 這是我的第一套自主床單~!! 

  入住學校宿舍, 跟好友一起挑選了粉紅色底, 炭灰勾線蜻蜒的床單枕袋。第二自主床單也用了多年~

  今天, 在吱媽再"提醒"後, 我擁有了第三套自主床單~ 嘻嘻... 

講到買床單, 除o左我愛逛o既Jusco, 我真係R爆頭都唔知咩地方會有... XD
行呀行, 睇o左好耐, 我都心大心細, 揸唔定主意... 
努力迫自己買2百頭o既Winnie the Poon (大路丫麻, 藍天草地上的素描小熊~ 我真係鼓唔起勇氣買keroro... 我怕我會成晚顛到唔肯訓 XD), 但有點難度... 



行到去A-FONTANE...
望到呢張有荷葉邊o既Little Twin Stars... 
雙眼發光呀我即刻~!! 
可惜
理智吱只係冷冷地掉下一句: 千幾蚊喎, 我地唔要買被架o下~!!
我惟有再迫自己埋頭Poon Poon度... 

呆企o左近半個鐘... 
吱san頂我唔住, 佢要睇其他o野, 叫我自己睇夠佢~

就出事了... XD

我抱住一問無妨o既理念, 大膽咁問有無淨床單~
結果係有架~!! 折後$342~!! 
當然即去埋單啦~!!

拎貨時再望多張被一眼, 又忍唔住, 問日後番來散配o唔ok...
唔問由自可... 
原來散配o既同價, 但唔會有荷葉邊~!!!!!!!!
o奧~! 點好呀~!?

我又企埋一邊呆...
不斷飄出: $1197...  $1197...  $1197...  $1197...  $1197...  $1197...  $1197...

當然... 
最後番來接我o既吱san敵唔過我渴望o既眼神... 
批准我... 嘿嘿嘿

再交出$855, 就變大o左勁多嘞袋o野... 
好在售貨ee有先見之明, 叫我一定要加膠袋~!! 真係好多謝妳呀~!!
因為我番到屋企, 想影相同大家分享之際... 
有塊(條)半乾, 灰中帶白o既 b c 黏o向膠袋度呀~!!!!!! 
@0@lll
嚇到我丫... 



靚靚靚... 

呢 set "睡之錦囊" 包括:枕袋、床笠、被套連被芯, 內外兼備o既智慧床品組合呀~!!

  雅芳婷首創o既睡之錦囊, 由 all-in-one 設計概念出發, 經過反覆測試及改良, 優質o既布料帶來舒適的手感, 配合革命性o既 連芯扣 設計, 令換被變得輕鬆方便。




專利《連芯扣》設計

- 被袋四周暗藏精美開口, 方便將被芯套入。開口附設拍鈕與被芯特設 o既小圓孔位置相應只要將拍鈕穿過圓孔一拍被芯就會被固定無論如何反轉都不會走位。入被變得輕鬆簡易~



以人為本
靈活配搭



- 個人因體質不同, 所需保暖程度亦有異。特別提供多種物料及不同厚薄
o
既被芯:
包括順滑
o
既真絲被、保暖
o
既羊毛被 輕柔
o
既羽絨被……


抱出來睇得更清, 更靚… 
嘻嘻... 


荷葉邊呀荷葉邊... 你點放點睇都係咁靚呀~!! 
(一沖完涼... 我就猛笑住咁將佢拉來拉去影影影… 吱san都無我符... 呵呵呵)

有o左靚靚床單, 以後可以放d o野响床影~ 用佢做背景呢~!! Yeah!!


2011年1月28日 星期五

如“絲”般矜貴的我...


  相信每個女孩都希望粉底可以成為第二層皮膚, 貼薄得來無瑕細緻~  
  為o左靚, 我一直努力試勻曬各式各樣o既粉底, 哈哈... 

  對於我呢個乾怪來講, 冬天真係難上加難揾到粉底好拍檔呢~!! 一係就唔夠水潤, 現曬我d乾紋出黎; 一係就潤得滯, 谷曬d粒粒出黎; 就算做到潤度ok又唔谷粒粒, 就係厚同唔夠自然~!! 

  有以上任何一點問題o既, 都唔能夠乎合化妝係想提升明亮度, 令自己自然得來夠sharp o既要求~!!

  今次同大家分享下 Kanebo COFFRET D'OR 新o既秋冬粉底系列 - Silk Skin
  
  矜貴光澤同無瑕細緻o既幼滑感, 係我一直一直追尋o既效果~!! Silk Skin 具高保濕效果, 適合响冬日打造絲亮妝容, 展現無瑕亮采底妝~

左: Essence Fix (全1款) SPF24 PA++, $230/ 25mL
右: Silk Cream Foundation (全7色) SPF21 PA++, $300/ 25g

特別在:



Made in Japan o既佢地, 包裝好靚喲~!! 連個紙袋都有閃令令o既立體pattern架~!!


  Essence Fix 含豐富保濕成份, 柔滑質感, 推開後形成一層均勻滋潤薄膜, 令肌膚持續水潤~ 
  成分中o既 Silky Fit Powder 令妝容絲亮柔滑, 仲有 水溶性膠原蛋白  幫手保濕添~

個蓋真係好靚呢~!! 嘻嘻... 好鐘意 d 立體寶石呢~!!
支裝出口設計, 用量易控制~! 
* 用之前記得要shake shake shake喲~

淡淡的粉紅色, 易推勻~!! 圖中可見易推均勻 ^v^~
質地很薄薄, 透過提亮來淡化瑕疵, 效果唔錯丫~!!


右下明顯地睇出使用後o既改善呢~ 
嘻嘻... 不再淡啞身喇!!


  Silk Cream Foundation 係豐厚幼滑o既霜狀粉底, 豐潤保濕, 提昇水凝光采感; 觸感輕柔, 用後幼滑如絲般透出優雅光澤, 令肌膚更見細緻~!!
  
  同底霜一樣含有 Silky Fit Powder 同 水溶性膠原蛋白喔~!! 


小罐裝很可愛, 蓋頂的立體寶石pattern添幾分華麗呢~!! 

膠盒設計有心思~! 頂中部向下凸, 底中部向上凸, 務求令小罐安定~ :)


推開蓋頂, 就會見到附送的小膠匙呢~! 取用粉底時更衛生方便呢~!! :)
- 外盒的顏色比粉底的真實顏色為深呢~
- 扭開蓋會見到保質的膠片, 一陣再講佢... 唉~


使用方法:
7色中我用OC﹣B, 明亮感高o既淡膚色~


薄身霜狀質感唔會好以一般o既霜狀咁難推~! 
一下接一下, 推開外佢就ok ^v^~ 


左上可見推開曬後好薄好貼~!! 
上o左Essence Fix o既半邊推 foundation 時較順, 效果更均勻透亮呢~! 

用潔膚水一抺就ok, 唔難卸呢~! >v<

至於塊膠片… 
我第一次拉開個陣... 佢沾滿大量foundation...
扯開個下同放低個佢都令枱同手沾住foundation... 
唔趕時間唔出門o既我真係唔知點好 orz
改為膠內蓋會比較好喲~!! 

凍冰冰o既我想令個妝更貼更靚, 所以要借助小技巧喇~!!




睇睇上面效果丫~ 嘻嘻... 



只用 Essence Fix + Silk Cream Foundation + 潤唇膏 o既我, 精醒o左唔小呢~! 
嘻嘻...


  

  持久度都ok呀, 無補妝習慣, 夜晚番到屋企仲見到keep到~!! 只係出d o左油, 可接受o既程度內的~! 再去街o既話, 噴噴花水 + 2用粉餅就ok喇~! 

  今次令怕厚妝o既我改變o左對霜狀粉底o既感覺喲~!! 貼薄自然得來淡化o左我o既瑕疵同紅印呢~!! 真係我冬日醒神見人o既好拍檔呢~!!! 

  好多謝 Beauty Talk 同 Kanebo 俾我呢次化容體驗呢~!! 啜卜!!

2011年1月27日 星期四

我也來湊湊熱鬧, 嬌蕉包一下先... 嘻嘻

  愛美, 不過未夠班買 Hermes Birkin 唔緊要, 因為有「嬌蕉包」o既出現~!! 
  嘿嘿嘿... 
  
  愛美o既明星同名媛們都拎住呢款嬌蕉包, 令佢 hit 起上黎呢~ 

  一個 tote bag 以絲印印上 Birkin o既迫真相片, 呢個潮o野有質感又抵用~!! 
  賣 NT$1,480 (為番港紙約$370 jar!!) 真係超值~!! 

  上年心大心細, 諗緊買繽紛紅定落日橘o既時侯... 驚覺原來因為做唔切貨而停售o左... 我真係灰o左好幾日呢~!! 開心o既係, 知道年尾會推出4款新色~!! 當然望實個月曆, 等待開售個一日啦~!! 嘻嘻...  

  可惜身為電腦盲... 點都攪唔掂响淘寶官網個訂購程序!!! 叫來叫去之際收得到救星o既相助~!! Yeah!! 咁我就可以有喇~!! 4個新色中, 我選擇o左「法式蜜糖駝」~ 
o丫~!! 新一年終於接到你番屋企喇~!! 嘻嘻... 

當然要即時開曬d包裝袋(s)來抱下佢啦~!! 
好立體呀真係~!! 呀吱san都忍唔住望o左幾眼喲~!! 


明知個扣同個鎖係印上去, 但佢太迫真... 我忍唔住伸手摸 XD
扣同鎖上面連d花痕都印埋!! 認真得要讚呀~!! 


上: 有內格架~!! 仲掛住佢個編號架~!! 
左下: 附有証書 + 招牌蕉蕉 + 貼紙 喲... 
右下: 個底都印得好靚呢~!!  


無得出街住, 咪响屋企拎拎來拎去先囉... ^0^~


  仲係念念不忘2個靚色o既我當然一直密切注意住嬌蕉國際o既消息啦~!! XD 好消係: 農曆新年後會有新色的嬌蕉包呢~!! 而新的包包仲會添加「MIT 微笑標章」* 同「防偽吊飾」添喲~!! * MIT = Made in Taiwan 

  再次唔該曬我o既honey baby... 好開心好幸福可以同妳咁arm key!! 我愛妳呀凍檸茶走檸 >v<~!! 啜卜~!!

2011年1月25日 星期二

❤「everyBody Labo x Rick Chin 亞馬遜發現之旅 」expertise 體驗篇 ❤

  早前有幸出席「everyBody Labo x Rick Chin 亞馬遜發現之旅 」分享聚會, 抱了 expertise o既Beauty Essence同All-In-One 24 for face & eyes番屋企, 跟大家一起"把美麗還原基本步"~ 

左: All-In-One 24 for face & eyes 24小時全效修護乳霜 $350/ 75g

右: Beauty Essence 美肌修復抗皺精華 $ 380/ 30mL


  expertise o既理念好處响上篇同大家分享過, 今篇來跟大家分享我o既用後感受呢~


鮮明型格包裝, 有專對感又切合番理念: 回到基本步, 唔要添加不必要同化學花巧o既東東~!!
鍾意細心o既開口位~! 唔使塞隻手指入去勾開個盒~!! >3< 好!



(≧ω≦) 先講呢支我極喜愛o既Beauty Essence先~ 

  Beauty Essence 善用多種天然材料配合法國頂尖醫學美容專利成份, 以多角度重整肌膚內o既失調, 修護真皮層o既需要, 讓肌膚內外都得到補給呢~ 

  經研究室同皮科醫生們o既驗証, 連續用56天後, 膚o既水份同效淡細紋o既效果都好顯著~!! 水份提升更去到97%~!! 天然得來見效, 真係太好喇~!!




  蘊含K8
(8
大熱帶雨林植物精萃)
+
透明質酸
+ Witch Hazel (haha...
我一見呢個成份就諗起一個廣告o既女仔聲 XD) 配合專利美容成份 MatrixylTM 3000 Enteline2®, 混和天然有機水製成~ 將水份同養份精華滲透至肌膚底層, 從而達至: 高效修復, 鎖水, 保濕, 抗皺, 舒緩膚壓力 同 加速膠原蛋白增生 呢6大修復功效~ >v<


滴管式設計, 專業感up之餘更顯衛生保質o既重要~!! 
** 記得放平响安全穏置同後要扭好喲~! 因為膠樽較輕, 當用到咁上下個陣, 小小力都會郁到佢架~!!  我呢個大意怪唔忍心浪費呢支心意滿瀉o既精華, 所以日日都好小心架~!! 嘻嘻... 

無番味 偏水質o既輕身gel張力唔錯, 易推勻又快吸收~!! 
吸收後爽之餘會feel到摸到塊面水潤得來柔軟~!!! 我鍾意呀~!!

3滴夠曬塗全面三兩下手勢就吸收曬~!! 大愛之物~!! 推介呀 ♪♫•*¨*•.¸¸❤¸¸.•*¨*•♫♪~!








  除o左頭先提過o既6大功效, 用o左佢仲有效減淡細紋, 緊緻 + 提升輪廓呢, 咁回復彈性o既肌膚有番年青氣息啦~!! 嘻嘻... 


用o左精華, 就用All-In-One 24 for face & eyes喇~!! 

  蘊含K8 (8大熱帶雨林植物精萃) + 黃芪精華 + 維他命E 配合專利美容成份 MatrixylTM 3000 (抗皺精華) + Kombuchka (紅茶菌) 同Oligogeline (修護精華), 混和天然有機水製成~ 

  適合臉部同眼部使用o既佢, 質感輕得來有效針對多種皮膚問題, 加速新陳代謝, 修護受損/老化細胞再注水注養~  
  一次過提供7大全效修護:抗氧化 + 淨白 + 抗皺 + 緊緻 + 保濕 + 舒壓 同 增強抵禦力~

  經過 6000 轉/分鐘 o既blending後, 油分子被打到好細好細~!! 當然被肌膚吸收得更透徹啦~!! >0<

  驗証証明, 連續用56天後, 膚o既水份同效淡細紋o既效果同Beauty Essenc同樣顯著~!!


蓋中蓋, 保質度更佳~!! 
無留長指甲o既我初頭取量都ok, 但為保衛生, 所以我自備o左小膠匙~ :)


軟身o既霜狀質地, 輕輕按摩後就全吸收喇~ 
有光澤彈性得來軟滑... 令我成日偷摸自己… 哈哈... 


幾粒豆o既量就夠用响全面加喇~!! 
圖2推俾大家睇質感後, 我就用呢個量來推勻全面 + 頸喇~ 
嘻嘻... 同後油份無增加到, keep住同塗精華後的一樣!! 好呀~!!!!
 
  吸收後唔會lup, 摸落好軟好滑架塊面~!! 訓醒都keep到唔乾同軟軟手感呢~!! 嘻嘻... 日間使用後我會加上防曬做好保護喲~! >3< 

連續使用個幾星期後:

感受到我的改善嗎~!? 嘻嘻... 


  再次多謝 HKCOSME.COM 同 everyBody Labo 領我進入"美麗還原基本步"呢~!! 
Rick, 加油呀~!! 你o既美好理念我地會一直支持架~!! 我地一齊努力實踐我地o既堅持丫~!! >3<