2011年1月11日 星期二

拍得住媽咪婆婆o既足料番茄薯仔通 @ 蘭芳園


  早就想去試下朋友成日介紹o既蘭芳園~ 

  响離晚飯仲有個半鍾o既時候行經, 於是... 的起心干, 來個遲來的下午茶先~ XD

舊式茶餐廰feel, 夠企理, 卡位夠舒服~ (因為我呢個無腰骨人, 頂唔住無i pan o既椅呢~ XD)


店內好多譚校長o既親筆簽名封套俾大家欣賞呢~ 
而staff都係勁nice架~ 嘻嘻...  

想同大家分享o既係呢碗"薯仔鮮蕃茄湯底豬扒煎蛋通粉"嘞~! 
佢真係我咁多年响街外食過至得至足料真味o既"薯仔鮮蕃茄湯"~!!
絕對唔係平日死加茄羔o既假蕃茄湯~!! 
蕃茄呀~!!!!!!!!!!!!!
仲要薯仔分量夠得來有甜味~!! 係天然o既薯仔甜味呀~!!!! 
係我至愛o既中式薯仔鮮蕃茄湯呀~!! 係我媽咪同婆婆整俾我飲o既style呀~!!!
* 親和力o既好味湯底, 勝過街外所謂o既湯呀~!!! 我情不自禁咁飲飲飲... XD

通粉呢, 都係屋企食開o既厚質, 唔係街外求快求低成本o既薄chi chi通粉~!! 
o丫~ 又香又濃o既天然風味... 好想好想再食呀~!! 依家都想食呀~!!



左: 凍奶茶, 紅豆冰
右: 豬兜撈麵

  奶茶o既茶味好夠, 我鍾意呀~!! 豆冰ok啦, 下次想試咸07; 而豬兜撈麵呢, 豬頸肉幾香口架, 整體都唔錯~ 不過下次我都係要encore我心愛o既"薯仔鮮蕃茄湯底豬扒煎蛋通粉"~!! 呵呵呵... 

  路經TST活方o既話, 不妨試下我o既心愛, 係咪妳o既心愛o丫~ >3< 

沒有留言:

張貼留言