2010年11月29日 星期一

靠軟綿綿o既泡泡, 輕柔卸走妝容~


  作為一個貪靚o既懶鬼, 偏偏對清潔皮好執著~ 通常响full make up個陣用卸妝油; 淡妝時會用jelly狀的; 而大部份無化妝的日子就會用潔膚水來抺防曬~ 當然跟住一定一定要用洗面東東(按季節轉變, 決定用gel, 膏定奶~)再洗一次~!! 就算隻product講明唔使再跟洗面東東我都堅持要過一過佢至心安~ :) 

  Dove o既產品真係用唔少, 而且一直都好有保証~ 所以當佢一出呢支泡沫卸妝油個陣, 我經已被佢油化泡o既賣點吸引住, 好想好想買番屋企試下~ 嘻嘻... 因為我真係好鍾意俾又軟又滑o既泡泡堆包圍住o既感覺呢~ >///<
Dove 泡沫卸妝油 $79.9/155mL
* 本身經已勁抵用, 加上我撞arm萬寧75折!! $60蚊都唔使就抱o左佢番黎嘞~! 
點忍得住唔豪用佢!? 嘿嘿嘿... 


單睇佢o既外形就好日本feel, 加上佢係Made in Japan o既~ 信心再增呀~!! 
- 有個膠環俾我地re-lock住個泵, 咁就唔怕錯按啦~!! 好~!
- 透身淡黄色o既油, 味道清清地, 好易接受的~
- 泵出來o既泡泡(建議每次用量: 三泵, 好似大雞蛋咁上下大丫~)好綿好細密~!! 密到睇唔到佢有窿, 軟滑到不得了~!!!



左: 乾手乾面推開按摩... 
中: 原來一早有提示... opps... 
     佢都係圍住眼周only... 嗚~
右上: 未洗前, 塗上MJ睫毛液的眼眼
右中: 使用中, 合埋眼輕輕帶過睫毛位置... 中招沖眼後10秒...  
        (見佢話可以卸埋睫毛, 我信佢... 結果乸到顛o左呀~!!! 強忍2秒頂唔住要沖水~!)
右下: um... 防水睫毛液仲有一半响度... 超乸眼又卸唔曬~!! 我下次都係用眼唇專用的           卸o左先~!! 
 


左上: 使用泡沫卸妝油前
右下: 使用泡沫卸妝油後


用後有感:
- 佢話可以乾濕2用, 但我就覺得都係濕用好d... 
因為濕用都係arm arm好呀個潔力, 乾用硬係覺得乳化力唔係好夠咁呀會~ 
- 用後保濕力唔錯, 夠乾淨之餘feel到水潤感, 絕無乾到moun moun的感覺~! 讚~!
- 咁大眾化o既價錢, 質量又ok, 可以話係物超所值~ 淡妝豪用推介~!! (濃的話, 我仍係先用眼唇專用再加SK II卸妝油呢~)

2010年11月28日 星期日

讓眼睛呷一口綠茶, 養養生~


  黑眼圈 + 眼皮眼肚浮腫 會令人睇落無里精神。然而, 我地呢d “唔夠訓 但又 唔願訓” o既都巿女孩都長期配備住佢地... orz
  開始轉凍, 加埋乾燥缺水導致o既乾紋... 真係諗都唔想諗呀~!! 



 

  日本綠茶一向都俾人有養生同抗氧化o既功效, 而H2O+ Green Tea系列新成員 - Reviving Eye Cream就正正善用o左綠茶o既天然成分同抗氧化系統, 去抗氧化同對抗環境污染,
鎮靜及紓緩肌膚, 加強細胞的自我保護能力







  獨有三倍抗氧化配方: 日本綠茶精華、巴拉圭茶精華 及 紅海藻保濕因子, 再加上咖啡因成份, 就能有效排走眼周積聚o既毒素, 血液循環同細胞新陳代謝得以改善, 去眼袋以收緊緻減浮腫之效~ KO曬呢堆問題, 閃亮眼神有番曬啦~!! 嘻嘻... 







H2O+ Green Tea Reviving Eye Cream $320/15mL



單睇佢o既包裝, 以足一盒高雅o既日本緣茶粉呢~ 嘻嘻... 



簡約包裝 - 為地球盡點心意, 我鍾意~!! >3<
打開蓋, H2O+字樣o既膠片減小眼霜與空氣接觸, 保衛生~ 
就算佢無凸位for揭開都ok呀, 只要用2隻手指就能輕易以水平放式拿起, 不費心力~ :)




Made in U.S.A. o既佢令我用得好放心o丫~ 
因為沒有連小棒去取用的關系, 所以我用棉花棒來拿取分量, 咁未被使用o既眼霜就不受污染囉~ ^v^!!



帶微細閃亮粒子o既米色眼霜, 質地好輕好薄~ 超淡的香味令人更放心!!
輕易被推開及吸收~!! 沒有絲毫油膩感, 讚~!!  


嘿嘿... 
連續13天早晚使用後的我... 
眼睛明亮了不小吧~!! 
除o左見到眼肚平o左, 黑眼圈減o左, 乾紋粒粒唔見o左, 連緊緻也提度高了~!!
好o野~!!!!!!! 推介喲~!!

謝謝BL同H2O+俾我o既眼睛嘆過夠~ >3<!! 

2010年11月27日 星期六

靚婆婆的靚靚八達通~ &gt;3&lt;

  婆婆的寵愛下成長,擁有快樂童年o既我真係非常福呢~ 嘻嘻... 

  我地2婆孫一樣咁貪靚, 所以當我半年前見到出o左呢款八達通掛飾, 我真係雙眼發曬光呀~!! 可惜我走勻多個港鐵站都無貨, 打埋去八達通公司都話無可能訂到貨... 我真係屈住o左一期架...   

  皇天不負有心人~!! 個日printer壞o左而出街印o野個陣, 竟然俾我遇到佢~!! 我忍唔住叫出黎呀真係~!! Yeah~!! 真係好幸福呀~!!
  雖然現場無新貨, 但我又點會輕易放棄呢~!? 我打電話去分店問, 佢地好好咁幫我留貨呀~!! 我梗係不顧一切衝去接佢番來啦~ Haha... ^v^~!!
  
靚得好緊要呀佢~!! 實物再靚d架~!! (影出來好似食色咁呀... 嗚)



造工幾得架~!! 嘻嘻... 
婆婆用o既, 梗係要最好架啦~!! >3<




前後都有閃石架~!! 點解可以靚成咁架~!? 好鍾意呀真係!! (>///<)



婆婆好鍾意呀~!! 除o左拼上我度, 仲即刻掛上袋添呀~!! 嘻嘻... 您鍾意我就開心喇~! 



之前婆婆用左邊o既迷你八達通(姐係綠色細細張o既呢~ 我套o左佢响個狃蛋史迪入面... 嘻嘻), 依家就戀上呢個玫瑰八達通喇... 嘻嘻~

2010年11月26日 星期五

難以抗拒的誘惑... 限量的松露巧克力

  香甜軟滑o既感覺真係難以抗拒...


  無論任何時候都會想食朱古力o既我, 孤單失落同開心時刻時需要佢~ 當然, 優質o既朱口力當然更令人細味回味啦~ 


  GODIVA家o既朱古力我就飲得多, 盒裝朱古力我今次係第二次食... 哈哈
  全新o既甜點松露系列, 六款精緻可口o既歐式甜點不單止滿足我對美食的需求, 响冬季來臨前更帶給我絲絲暖意。

收到GODIVA送我呢份暖暖心意~ 真係好開心呢~!

一打開, 濃濃o既香味衝入我個鼻度呢... 嘿嘿嘿 >3< 好鍾意喲~!!


左至右:

上: 意大利芝士餅味松露巧克力,  軟心松露巧克力, 芝士蛋糕味松露巧克力

下: 甘荀慕絲松露巧克力, 草莓香草慕絲松露巧克力,法式巧克力醬松露形克力


  全部細緻得來甜度剛好~!! 至得我心o既佳麗係佢 - 軟心松露巧克力~!! 味道濃到化唔開咁... 我一路食一路笑, 吱san問我係咪顛o左...  XD 哈哈哈, 我真係要去接佢d朋友番來至得了~!!


2010年11月24日 星期三

舒痛!? 用天然o野 - 舒痛小麥枕 啦~

  周身痛唔單單係老人家身上出現... 
  唔計好似我咁有先天性問題而導致, 都巿人生活急促緊張, 工作時間長得來坐姿又唔夠好, 女仔又貪靚著下高跟鞋, 主婦又為家庭掃貨拎重物... 真係事事都會引致痛証呀陰公... 

  天生則彎o既脊柱加上拎重物會增加我腰背肌肉o既負荷, 有物理治療師照住, 按摩同熱敷梗係舒服啦, 但個銀包仲舒服呀... 醫生+照x-ray千幾, 每次物理治療至少6百幾~ 試過頭一星期日日做, 第二星期隔日做... 之後一星期2次... 腰痛得來肉赤呀~
  所以... 非必要的話, 我都唔會去醫院同做物理治療, 雖然舒服, 但真係好"襟計"~!! 

  坊間方法我都試勻, 但總係唔夠物理治療好... 今次接觸到 樂本‧健o既舒痛小麥枕, 等我同大家分享下先 >3< ~

今次活動响北角樂本‧健人館舉行~ 
千千成功善用google maps, 所以我地好輕易就到達喇~ Yeah!! >3< 

除o左products陳例, 仲有上網空間添喎~!!
XD 我好欣賞部水機入櫃~!! 


見到好多主角 - 舒痛小麥枕 o既介紹, 令我更期待試佢真身呢~!! 


睇番我個藥盒, 4格當中3格止痛... 真係陰公 orz
而樂本健o既同事仲話俾我地知我成日食o既止痛藥要成半年至排到出體外 @0@ 好可怕呀~!!

我地一邊感受住舒痛小麥枕o既温暖同香氣(天然香味, 好似焗緊麵包咁呢... haha), 一路聽工作人員o既講解~ 

方法1 我就比較小用, 只係醫生開我至會用, 因為除o左我唔鍾意個味之外, 我有陰影... 就係... 上次用o左佢, 條腰嚴重o左~!! 
方法2 呢, 我都知食葯唔好, 但每個月個幾日... 我總係不由自主地服用~ 因為真係頂唔住呀唔食... 



方法3 我就會响痛到忍唔到至去, 不過腰患o既我唔會去無物理治療師o既推拿場所,  因為試過推完傷多幾錢... orz
方法4 我一定唔會用, 因為論論盡盡o既我好怕會漏水同爆開~!! 聽過見過唔小case... 嚇到好驚... 


而今次介紹呢個舒痛小麥枕就响收效之餘無以上o既憂慮喇~!!  \(^0^)/ 
- 全球首家發明以微波爐加熱麥粒, 獨有的持久濕透性熱敷功能達致舒緩關節及肌肉疼痛的效果
- 16年來高踞澳洲銷售第一
- 澳洲天然小麥縫製而成, 獨有的「UltraShield™」7重超防護處理, 
  確保: 無潮、無塵、無菌、無害蟲
- 無論熱敷或冷敷, 均恆久耐用



獨有優點
優質材料不含藥性,絕無副作用,全天然小麥縫製而成
一物二用熱敷舒痛解勞,冷敷消腫降溫
安全可靠經過7重防護處理,無潮、無塵、無菌、無害蟲
度身設計針對不同部位及體型設計,備有多種顏色以供選擇
國際認可榮獲澳洲TGA官方註冊檢定為一級醫療設備
環保耐用可重複使用,保用期長達兩年


左上: 呢d就係小麥枕o既靈魂嘞~ 
左下: 有較輕身o既蕎麥+色丁布做o既舒壓眼枕~
右下: 好貼心o既車線, 穏住小麥响指定o既位置

跟住大家一齊分享下經驗同創意用法(我係打算成家人打麻雀時暖腳同膞o既~ XD), 
幸運地我成為幸運兒之一呢~ 睇我笑到見牙唔見眼就知中o左心頭好啦~!! 嘻嘻...

 
紀念品~


禮物 - Neck Warmer

佢冷熱都用得架, 真係多用途~ 
熱敷
肌肉疲勞酸痛 / 手腳冰冷 / 身體惡寒 /
肌肉抽搐 / 撞傷扭傷 / 關節紅腫 /
四肢關節僵硬疼痛 / 運動創傷 / 經期不適

冷敷
肌肉抽搐 / 撞傷扭傷 / 關節紅腫 /
發熱降溫 / 頭痛 / 牙痛 / 燙傷


今個冬天不妨抱住佢地, 過一個無痛暖洋洋o既甜蜜冬日丫~

謝謝 BE 同 樂本‧健 給我帶來呢個舒痛好體驗~ :)

2010年11月23日 星期二

幸會呀吱san~! 7年喇 &gt;3&lt;

  7前年o既我做o左好醒o既決擇... 就係決定要永生永世同你一齊嘞~ XD
時間真係過得好快, 眨o下眼就咁多年喇... 

  好多謝你一直疼愛我, 為我遮風擋雨, 令我仍然相信世界如童畫... 嘻嘻嘻

  雖然唔識浪漫o既我有d笨又唔温柔, 但都有你心, 知你心架... 

  送上唔特別但無價o既禮物俾你, 希望除o左玩樂,  响工作細節上佢都可以輔助你 (我知我廢XD)... 嘻嘻, 無價在本人承諾包充電(我部電話成日唔記得做呢樣重要o野, 但會記得幫你架喇我... haha), 入Apps, 過料等等服務, 你用幾耐, 我就包幾耐~ >3< 

襯番原裝機套, 型到丫...

你真係好靚仔呀~!! 祝你同我地一樣咁長命... (唔跌落地同跌落水的話一定無事~!! 哈!)



左: 可以企直直, 咁present都唔使用手扶啦~ 嘻
右上: 佢同電話一樣有支針針架... 
右下: 貴族貼, 我認為佢貴在個packing (但貼完一o野扔o左添...), 係個好靚而且有部ipad咁厚o既硬膠盒... 



呵呵... 响成9"mon玩平時電話玩o既game... 好似難o左咁o既點解!?
(我尋晚install時忍唔住... 偷玩o左一陣添 XD)

haha... 真係點拎都咁有型~!!

唔計ytd買機而俾美心皇宮傷害的壞事, 今日仲係另一個大日字呀~!!
今日開始有iOS 4.2喇~!! 啱啱同吱san整好喇~!! 真係好感謝蘋果熱線o既好同事~!!
多謝極有耐心o既你用成半個鍾來教我整整整呀~!! 我同你一樣咁愛Apple呀~!! 

2010年11月22日 星期一

我撐你, 你傷我!? 皇宮就高高在上, 把人當賊看? 當犯待?

  由於係篇哀愁的文章, 所以放不下圖片, 請各位見諒... 



  多年來也很推沙田的美心皇宮, 認為可口之餘服務又好... 可惜, 正正因為我太信佢, 太有信心, 而讓他乘機傷了我至親的心...



  近年美心皇宮的食物質素沒有早年的穏定, 但仍然極多人等位... 長情的我, 就連最愛的芒果布丁有毛同整杯結滿冰塊也包容下... 可惜, 今日下午的經歷實在難以接受~!!!



  茶飲到一半, 想起要買幾部電腦... 便落2層去速購 (早已定下目標的)~ , 這短短的時間, 就發生了一件很過份的事~!!

  我一番到上去, 見到緊張得祈禱手又徬徨又驚o既媽媽... 我真係唔敢相信... 文明社會香港, 竟然有唔俾人去廁所o既酒樓囉~!! 仲要係我一直咁捧場咁大集團!? 

  待人友善, 處處為人著想的媽媽, 因為我未回而好心向樓面交帶聲去洗手間, 怕我找不到她... 但卻被該樓面侮辱... 要她交低$100至准去廁所, 媽媽不開心, 但都唔想佢難做, 所以就打開銀包, 可惜唔夠現金, 個面就唔俾媽媽去, 態度同語句都好難聽... 仲行埋一邊講俾人聽(但又要俾妳聽到呀咁啱...)

  望著傷感的媽媽, 聽著經過... 我心都快碎了!! 同部長講o左個經過後, 佢即時要個樓面過來道歉, 無誠意而唔甘心o既道歉... 能填補我們心中所受的傷害嗎!? 佢話因為朝早有人走單, 而走單要佢自己賠番, 所以要咁做... 飲茶係聚天輪的享受, 結果因為當個個客係賊而攪成咁... 咁不如學快餐店啦, 收齊錢至俾人食囉...  

  平日硬頸o既我都心痛得淚灑當場呢... 唉... 

  媽媽顧及你們的感受, 而你們卻只顧自己而傷害為你們著想的她...

  如果比一百蚊抵押出來, 咁係公司keep定你keep先!? 你有咩權keep客o既錢而唔出單先!? 我話過我會努力俾好o既生活媽媽, 令媽媽幸福唔使再挨架~!! 我媽媽係專程出來你地酒樓飲茶架~!! 點解你要嚇到佢係咁怪自己之餘仲worry你地, 顧你地感受, 眼濕濕仲要幫你地講說話丫!? 

  枉我仲同吱san講過, 話响你地度擺酒會好幸福... 我真係想打死自己呀~!? 我後悔講過呀~!!! 我地灰到今日囉~!!!!! 剪o左張enjoy卡呀~!! 唔食美心西餅同快餐呀~!! 東海堂同星星鹿都係你地個集團... 我後悔咁支持你地呀~! 唔止食, 又買現金券又買電話繩... 我錯o左呀~!!

  皇宮... 深似海嗎!? 

  對唔住啊媽媽... 係我錯~!! 我錯在唔夠細心, 我無諗到飲到一半要埋o左單先落去... 我諗唔起原來唔俾1個人飲茶... 雖然我笨, 但我真係好愛妳, 唔想妳受委屈... 妳唔好怪自己啦, 你唔好唔同我出去啦... 唔係度度都咁架~!?


2010年11月21日 星期日

讓 髮絲 媲美閃亮黑鑽 吧~

  髮芯受損, 頭髮就會變得枯黃脆弱, 容易折斷... 而日常染燙造型同暴曬, 正正係導致問題的原兇~!! o既然忍唔到手, 咁就要不斷諗+揾辦法, 好好修護o下至得~ 

  連續13年日本銷量No.1 o既Lux推出o左日本黑鑽極致修護系列, 含有Pico氨基酸微粒(Pico Amino Acid - 比納米細小一千倍的高效滲透修護配方)o既佢, 能迅速滲透三層髮絲, 填補受損髮芯小孔, 可以响7日間2倍修補受損髮絲, 讓秀髮回復健康。

黑鑽極致修護系列 - 俾人貴氣得來矜貴o既感覺呢~ 
Made in Japan o既佢地, 左起: 
日本黑鑽極致修護 洗髮乳
日本黑鑽極致修護 潤髮乳
日本黑鑽極致修護 護髮霜


洗髮乳同潤髮乳都有封條, 拎番屋企途中唔怕出事, haha... 




日本黑鑽極致修護洗髮乳 200mL
淡金黃色, 易流動o既質地~
佢o既花香好清幽(拎番屋企當日, 沿途我個袋都好香, 搭車個陣我都偷聞o左幾下...)~


唔使太用力就能o拍開來用, 而樽身2側(近下方)有防滑紋~ 貼心 >3<


左: 單單在雙手上起泡, 未見起泡力~
右: 响頭上搓幾搓後, 起泡力唔錯丫~! 而温和得來潔力夠用~




日本黑鑽極致修護潤髮乳 200mL
淡黃色, 偏向輕身霜狀o既質地~
同洗髮乳一樣易接受 & 好聞~ 





能輕易搽勻, 用後易沖淨, 唔會黏lup lup~



日本黑鑽極致修護護髮霜190mL
比潤髮乳再杰身d o既淺黃色霜狀質地~
香味貫切整個系列的怡人花香~ >3< 我鍾意~!! 


用毛巾稍微印印頭髮再塗上, 輕輕按摩3分鍾後沖淨就ok架喇~!! 
* 我用於耳下方o既頭髮, 怕頭皮營養過剩谷粒粒... 

樽身叫每天於潤髮乳後使用, 用意應該係7日見效~ 所以當頭髮改善o左之後(其實用一次都見到效, 不過o既然個療程係7日, 咁我就跟足喇... 嘻嘻), 可以唔使用咁密的, 我會1星期做2次呢~ 


連續使用3天的效果~ 會feel到頭髮輕身柔順o左呢~ 嘻嘻... 

謝謝BE同LUX俾我散發黑鑽光芒o既魅力... -3-

2010年11月19日 星期五

行上山道, 打邊邊


  邊爐怪Mui一聽到有得打邊邊就勁high~ 嘿嘿... 今次友人相約到西環煲皇打邊邊, 我當然唔理三七廿一就撲去啦~ XD
要由下而上, 斜斜的路... 對潺弱怪Mui來講真係幾吃力~! 
但為o左食好o野, 我撐得住的~!! Osh~!


無訂位o既我地等o左一陣(> 10mins), 就落o左底下個層坐嘞~
左下角: um... 不過洗乾淨d會好d呢d o野...



左上: 蕃茄薯仔拼海底椰, 潤喲~!! >3<
右上: 先喝一口海底椰湯底至得~
左下: 自mix~ 我的只加點生蒜就ok喇~ 
下中: 打邊邊無佢點得先~!! XD
右下: 唔錯o既魚皮呢~ 


本地手切肥牛腋 - 軟得來牛味好濃~!! 我地爭住食... haha



蟹粉包 - 呢個係我食過至好味至多料o既~!! dd腥味都無~!! 大愛~!!



左上: 竹笙 - 質地好得來幾靚仔呀佢地~
右上: 豬紅 - 質感唔錯, 唔會一夾就碎曬...
左下: 花蛤 - 無沙鮮味, 可以啦
右下: 骨髓 - 朋友們話好味(我一向唔食的...)



上: 超甜粟米 - 甜呀~!! 粒粒多汁~!!! 我鍾意 >3<
左下: 花膠仔 - 夠乾淨, 無腥味, 有咬口唔會軟patpat~!! 
右下: 鈴鐺 - 個名得意所以叫, 炸腐皮是也~ ok啦叫做, 唔叫都ok呀...


貼心飯後果 - 我真係好鍾意佢o既切法, 唔使食得論論盡盡... 嘻嘻, 仲好甜添呀~!!
搶埋吱san半個食添呀忍唔住... 呵呵呵~ >3<

  去開西環一帶的話, 不妨一試丫~ 唔錯呀~!!