2017年1月31日 星期二

我的 pre-birthday dinner . 凡高廚房



鍾意早 d 食晚飯, 
一來 唔使咁迫人, 二來 可以食埋消夜先訓... ( 我相住自己主打係因為原因二... XD )


今次, 黎咗呢間成日經過樓下嘅餐廳食我嘅生日晚飯~


影相位都多架, 由於燈光比較有情調, 相機會影得靚啲~
而我由於頹著同無化妝, 所以... 
大家都係睇實景好了... XD






2個人點咗 2個 dinner set, ribs eye 同 BB 雞, 另加咗錢黎轉菇湯 (因為見大家都推介, 我本身又鍾意菇, 所以就決定選呢度食我嘅 pre-birthday dinner 想飲呢個湯呀~) 同埋叫咗個 BB青口~





前菜三文魚波波, ok 嘅係, 煙三文魚唔腥, 質感同咸度都恰好~ 中間夾咗啲蔬菜 (我印象中聽到有西芹), 因為撈咗蛋黃醬 所以我就挑曬俾朋友食, 蝦我都唔係好食嘅, 所以都係比埋朋友食, 佢話 ok 嘅~ 




98%菇湯 (全名好似長啲, 但我唔記得咗吖... 梳蓮 T^T) 濃濃菇香, 粒粒口感 配上滑得黎偏水感 (唔係平日哥啲一味杰撻撻嘅質地!!!), 係湯黎, 我鍾意呀!!! 侍應哥仔話有 8種菇呀入面, 但, 我印象中有 磨菇 同 松露... XD 









青口本身想叫白酒煮, 待應哥仔極力推介叫我地試下芬奴汁, 話特別啲 好味得黎出面較少食到~ 食落 ok 嘅, 似加咗蔥蒜香嘅白汁咁味囉, 但我個呢, 都係會 prefer 白酒多 d 嘅~ 青口係 BB 所以嫩嘅, 但如果再熟小小 我呢個怕生嘅人會鍾意 同食多 dd~ 




牛扒真係好唔錯! 見佢 menu 話用 Dried Aged 方法黎整, 所以 keep 到肉嫩得黎味濃~ 佢 5成熟都無血水, 我呢個見血水就唔食嘅人食得好開心!!! 如果個面可以減少啲濃味, 就更加分嘞~佢價錢有呢個質量真係堅抵, 食過好多大brand貴一倍嘅扒都無呢度一半質量呀~




BB雞呢, 肉嫩 無腥味嘅, 但就完全無味 一啲雞肉香味都無嘅~要點汁食先有味~伴主菜嘅薯塊們反而更得我地心, 薯味濃, 質感 creamy, 我仲搶埋朋友哥幾塊黎食添!!!



侍應哥仔特地叫我地用心食真 d 嘅減糖 cheese cake 呢, 就真係... 好在佢細件, 我都可以食埋佢嘅~ 質感口感味道都唔好, 真係好唔好!!! 味淡 黏口 痴牙 齊集, 點解會咁... -..- 

HaHa... 好在個湯同扒食得我本身好開心姐~ pre 生日飯係開心嘅~ 






歡迎給 ArMui 來個電郵:

like ArMui o page "貓奴愛美麗" 關注 關注吧:

like ArMui oig 緊貼每日生活吧

2017年1月8日 星期日

親姐妹 童真茶聚 . DK Cuppa Tea 皇家奇想曲

嘩嘩嘩~
成個 12月都無出過分享文, 好想爆懶鬼自己樽呀... :p 
但係 12月其實勁充實呀, 激趕順利完成 assignments + projects + presentations + exams (results 出咗喇都, 雖然知道自己未盡力抵打, 但 個分都係滿意的~), 笨笨的我 做姐妹做伴娘見証妹妹見証好姐妹出嫁~ 



2017 的第一篇文, 想好好記下呢餐賀妹妹出嫁嘅下午茶啊~
2016年 7月黎過同好友慶生日, 2016年 12月想同我唯一嘅妹妹慶祝, 我同樣選擇咗 DK Cuppa Tea 上環分店~


想妹妹知道, 無論佢長幾大 變成 C9, 佢响我心目中同童年時無變, 係一齊 玩公仔玩 Barbie 一齊落街買嘢食  一齊大笑一齊顛叫 嘅我地, 永永遠遠係我嘅寶貝妹~ >3< 






被感動到, 彷彿進入童畫 就像回到童年了吧~ 



今次呢個下午茶好卡娃依, 有叮叮噹噹音樂 仲會轉架對熊仔!!!
傾傾下, 先至發現我地 2姐妹原來無一齊出過去食呢啲姐妹淘 tea... 我呢個家姐真係慚愧呢... 

睇住對熊仔轉, 彷彿番到細個哥陣, 2姐妹一齊玩玩具咁... 


响呢個童畫 corner 中, 
聞住優質精油 飲住玫瑰舒心茶欣賞住靚靚擺盤...

好幸福啊!!!
[仲記得我第一次黎, 番去同妹妹講 DK 勁有: "沙漠綠洲" o既感覺... XD] 


cute cute 熊仔侍衛後面嘅小屋會著燈啊, 
入面係住 o左熊公主嗎?

[影咩角度呀我!? High 得滯嘅龍友, 影唔中窗口燈光添... XD]


DK 精心 tea 喎, 梗係做足全套 俾大家投入瘋狂 ark like 世界嘅... 
之前黎係花環花束; 今次配合主題, 係 bling bling 皇冠啊~ (心心眼!)

[雖然我呢個佬 carry 唔起呢啲 elegance 嘢, 
但係 都忍唔住同我哥個甜美風嘅妹妹瘋狂自拍留念!!!]



咸甜點各具特式, 我個人就鍾愛咸點多 dd~

平時出面哥 d afternoon tea 呢我無試過款款啱食呀, 
我最怕平日哥啲沙律醬乜乜乜三文魚物物物嘛... XD

火腿片 同 芝士粒粒 黎開場 啱曬我地邊食邊傾, 
平時唔食鵝肝嘅我, 完全接受到呢個鵝肝小餅干, 清啨地易入口; 


我同妹妹最鍾意呢個 香噴噴熱辣辣 "英式肉醬肉丸薯蓉"!!! 


有 拉 絲 啊~
燒香芝士配上蕃茄蓉 味道配得剛剛好, 
台灣牛丸肉味濃濃夠彈牙, 正呀!!!


我妹唔食牛, 我地一個食牛丸一個食豬肉丸, 2 姐妹 fit 曬!!!
[好想 encore 呢個呀~]


鬆餅寶寶 配上杏桃果醬, yum yum yum!!! 


我哥個心愛黑朱古力嘅細妹, 讚完精緻就唔住即放心口, 我望住佢笑笑眼 聽到卜一聲, 跟住就係話朱古力質感細膩, 想食埋另一粒... 難得個妹鍾意, 梗係唔會同佢爭啦~ (當然無客氣啦都, 秒速食埋我哥粒... XD)



甜點方面, 我就鍾意呢粒靚靚榛子馬卡龍~

一來 佢係我妹鍾意嘅靚靚英倫風;
二來 佢甜度恰好, 陣陣榛子香~

今次到我... 獨 享 了!!! 
呵呵~



玫瑰朱古力心太軟, 
記得臨食前先請店員幫忙焗熱佢啊~

鐘意佢比平日單食心太軟多個層次, 
先來點花果醬 香香甜甜, 再步入朱古力 濃香濃甜~



果 然 親 生~
我地 同時 抽出同一張卡啊~ 

抽卡後, 
仲可以將新一年 方向/ 寄言 寫上小熊 postcard 放入郵筒喲~ 



跟餐配嘅玫瑰茶 暖心順喉, 我地都鍾意佢甜噴噴 又清清食物嘅濃味~
同半年前一樣, 店員貼心添水, 茶常備 飲幾大壺都仲有茶香, 真心讚!!!


我呢啲呆若碌柱嘅人...
又黎東施效顰, 學下妹妹嘅甜美 po士...
耐何... 我 堅 生 硬... XD

大佬, 真當不了模特, 都係做番龍友吧!!!



2016 年眨眼間就完結咗了...
呢年又係經典年, 睇穿睇透睇化咗好多唔可能相信又唔願相信嘅嘢; 同時 又感受到好多從未諗過會發生估唔到會發生嘅好事~ :) 

2017 嘛, 我就決定繼續做我自己~
保持樂天樂觀 永遠深信美好, 繼續做哥個朋友們同學們口中 "童畫故事中爆出黎嘅公主" ~XD 

Best wishes!
Love you all!!! 





* 產品由 DK Cuppa Tea 提供~

Main blog: www.sharonkwok.co