2010年5月30日 星期日

防曬呀防曬… 真係好想遇到同我夾既防曬呀…

  從前



  我一直都無用防曬既習慣,
因為我唔怕曬黑… ( 頂盡都係打波個陣亂搽d Sunplayok )



 



近年



  因為人長大了,
怕會曬出斑斑來所以開始留意防曬同防曬base… 可惜一直都未有好夾既呢~ 同埋用過既都唔太理想所以唔係太敢用



  今日咁有感打下有關防曬
係因為我上個月起鼓起勇氣用番防曬base… 結果近十日, 真係頂唔住要停一停防曬先





 

右面個支係新配方的 :)



  2年多前, 我買了的第一支防曬base Biotherm
White Detox Extra , 我買左白Ba俾左支紫色同白色sample, 買佢既原因係我個陣都用緊佢既skin
care, 都幾ok, 無咩問題~ 試個時無咩特別感受因為未用過一用
又白又厚的仲有d焗添用左幾次打埋入冷宮
( 因為一用親唔只自己feel到自己變藝妓連身邊既朋友都會同我講白同紫都係唔得呀我
)… 詳細唔係好記得了只係記得我keep住佢係想提自己要試清楚之後既野至好買… (同埋個陣有幾個fd都想買佢我就“吱”俾佢地番去試咁囉)
 



  近月
唔記得咩信用咭有promotion… 用佢張cardFaces, 就可以拿Biotherm新既防曬base我得到左白同紫的5mL各一支
但一直都唔係太敢試上個月天氣真係開始熱嘞, 我用開支Paul & Joebase 唔太arm熱既天氣用
所以我就拿支Biotherm出來試用啦佢的確係改良左既~! 變得薄左同自然左好多~! 面色睇落係幾ok~! 佢咁大既轉變真係令我幾surprise~! 可惜就仲係有小小焗~  (我打算試多幾隻至買啦, 但就係諗多左小小大件事喇我個前額就!!!)





  我試用左另一隻之後
發現, 原來一焗還有另一更焗上次母親節買Origins( 7百蚊野唔太夾我就下次分享下-..- ), 由於Ba無俾sample我就同佢講我想試防曬
佢就拿個case仔出來, 用支tester吱俾我… ( 其他sis話買一支洗面都有3-4包送 ) 第日一用
咩事幹咁油既!? 成面令曬仲好lupfeel咁行過沙田Origins就問下個Ba
佢就話唔係油係應該咁架… (um… 佢就唔係太想答我咁…) 咁算啦我再用下先啦
用左幾日真係唔得喇前額
咁我就停用啦決定我用左好多方法… (好耐無出瘡瘡仲要咁多灰曬呀個人…)
包括KO粒粒勁有用既SK II… 都唔得呀



  呢十日
我真係無心情化妝呀完全只係敢搽d唔會油唔會令粒粒惡化既本基野jar… 好在佢地都生性開始細

(10日既努力... 佢地好多好多... 但都係明顯呀)



  tester問題定係油得太勁問題呢!? 應該真係太lup同我唔夾既問題了  ( 不過我都心理作用認為tester係有d唔夠乾淨既
安慰自己ing… ) 但點都好啦好在我無買到貨size 40mL唔係又會同佢d朋友呀Drink Up佢地一齊响冷宮個度架喇… @lll@



 



  一直想試Sofina…
但真係對防曬既products… 怕怕地呀… ytd同屋企人傾開計佢俾左支sample我試
( 佢近日的“感謝日”買了很多東東… XD ) 希望夾到啦我同Sofina…
不過要等d瘡瘡好番曬我至敢用呀~! ( 這幾天只係搽SPF15lotion jar )


2010年5月26日 星期三

幸運地 開始有運的 小禮物

好開心呢~ 真係要多謝theztyle,Johnson's, POND'S 同 MISSHA至得 -3-
ytd收到theztyle同事的電話... 得知有幸試用POND'S的flawless white lotion... 
勁開心~
打算今日去TST番學前上左thxztyle先~ 
跟住晚上就收到中theztyle的email~ 原來我中左Johnson's既問答遊戲... 好開心呢~ 
仲要時間夾得天衣無縫呢~!!!
theztyle既同事真係勁nice呢~ 收到li 2禮物... 令到成個筆袋唔見左既我... 有番曬希望...

\(^0^)/ Yeah~!




* 我仲順便(冒住late上堂既險... 勁跑去iSquare度) 攞埋MISSHA game既gift... hehehe
個Ba姐姐勁nice勁好人呀~! 唔該曬妳丫~!

2010年5月24日 星期一

原來。。。真係咁鍾意食日本野 ! ?

  今日吱san休一休息(我地連休左4天喇其實... XD) 我地hea到12點幾... 過左尖沙咀食午飯...
諗唔到食咩好... 吱生就提議 (佢前幾日話過同我去食... 但我又想慳d... 因為食左幾日自助同sushi了... 所以扮乖XD)食個間之前經過... 但好似好貴而唔知入唔入去好既日本野...

  見到lunch唔貴丫原來~ 所以我地就食呢決定~ ^0^



  招呼恰到好處丫~ 真係要讚一讚呢~!! 要幫手時會有幫手,但又令你覺得好有私人空間~ 真係好!!
  我地叫左2樣野食(唔想太飽呢~ 因為諗住吃完行一陣就去做gym呢~), 豬軟骨拉麵同咖喱豬扒飯定食~ 






  野食有水準喔真係~ 個味噌湯好好味丫~! 豬軟骨都幾好味~ 連飯都好認真o下~! 原來有沙律ga個set~! (我地唔知呢~ 問餐飲個時... 個侍應話我知的... 可惜太飽了... 吱san食唔落lu再... 我好想佢食多d菜架真係...) 我同吱san都係鍾意飲佢既茶多過飲料呢~ 嘻嘻... 




  行呀行呀... 晚飯喇喎... 諗左好耐... 行到腳就斷... 吱san本來想帶我去諾士佛階吃西式野既... 但頑固既我... 行曬成條街都無一間肯坐底... 吱san就話咁食咩呀你想... 我就細細聲話佢知要食一平安... 
嘻嘻... 呢間麵屋係幾年前朋友仔介紹的~ 吃過之後... 翌日就同吱san去食... 所以佢知係邉間... 
 
 
 入到去... 感覺同以往一樣都係咁好~! 因為見到Mai~ 幾年前係佢同我地落單的~! 佢係日本人, 識廣東話的~ 好友善好helpful~ 令人好放心... 


  咁arm今次我地隔離坐住2位日本男士... 佢地不斷地講日文... 令我地好有置身日本既感受... 真係多謝曬... 

  叫左温泉蛋牛肉冷麵, 咖喱拉麵同串燒(雞翼 +煙肉春蛋 +免治雞肉球)... 

  冷麵真係超水準呀~!! 汁同肉都勁正~!! 

  拉麵就肉同麵都一般啦... 

  串燒幾好味丫~ 至正係煙肉春蛋... 個汁既味又arm arm好~!  雞肉就有小小so味(定雪味呢!? 我唔識分呢~!)...

  當然一定會再來啦~ XD 吱san呀... 唔好意思丫... 我搶曬好味既野來狂食 :p


2010年5月23日 星期日

誰是我的VIP !?

一直也很喜歡迪士尼這永恆國度...
一有時間便(沒有時間也會XD)嚷着要吱san帶動我去...

這次的活動長達2個多月... 但
竟要要到活動的最後一天... 才有機會到來

我們今次各自請來一位VIP
和我們一起進入樂園

原來要先到City Hall領取一套VIP頸繩和襟章的~ 
幸好我們見到人龍
否則就會錯過了... 
(可惜的是吱san和朋友仔因為遲了點來, 約12點... 就拿唔到了...)

在小鎮大街, 我們遇上一位好好人的叔叔歡迎我地~ 
他除了給我們貼紙... 更給我們一張邀請史迪仔的card...

我們才發現... 原來頸繩係有特別架~ ^0^


(Oh~! 我竟然... 見到史迪仔呀...~!!!!! 尖叫 x 10000000000000000000)

完成特別場數既活動... 係會有一張card給你掛在頸繩上的...
Oh... 最後一日才來... 我們盡力吧...
(我真係唔夠勇敢... 多次發現有card派的演藝人員... 可惜也不夠主動和過於禮讓... 結果大家都拿到... 最後派曬... /._.\ 吱san見我咁... 佢忍唔出手幫我... 仲同d演藝人員話: "請給我的小朋友參加!!" 謝謝你呀吱san... 你明明勁唔enjoy來樂園... 成日同我來... 仲同我一齊儲野tim... -3-)

幾間店都有mini game玩... 演藝人員都好nice呢~ 嘻嘻... 
至記得係


好好人既... 太好了~! 我終於學識玩過3關了... (大家對於我唔識玩都呆掉...)

令人驚喜既... 眼見同得知有幸被選中的人才有card仔...
失望之際... 妳幫我們拍照... 給我card仔和相機... 真令我由地獄爬番上天堂一樣呀~! 
嘻嘻...

我送給好友的作品...
吱san佢地... 行得太慢... 所以入唔到來學畫畫呢...
今次學Pluto啊~! 我未畫過呀~!! 所以勁想學呢~! XD



好sharp既衫...  :) 


等巡遊個陣... 有個好好既演藝人員走過來給我一張card同貼紙... 
太感動了...!!

講開個巡遊~ 係一個玩水既巡遊... 


好得意好好睇丫

(濕住身咁影相law... haha)~
好多卡通人物架... 仲易睇到佢地好多架... 

(嗚... 我勁睇個陣... 佢行過來... "質"左我一野呀用佢揸住個一個大ball... 嗚...)





(睇完仲開心地叫緊呀我... 吱san都無我符XD) 
至到summer完架~! 大家快d去睇丫~! 

玩到6點... 真係太累了(星期五的運動日... 把我抽乾了...)~
我竟然提出要離開 (次次都係俾吱san捉走的... @lll@)... 

但今日真係勁勁勁開心丫~!! Yes~!

我  愛  迪  士  尼  喔~!


2010年5月21日 星期五

頭髮也來吃 香香甜甜的‘補品’ ﹣ Essential輕盈空氣感護髮膜

好多謝BE同Essential俾機會我去試用髮膜呢~ 我一直都用開佢嘅洗護套裝的,效果亦非常滿意!所以當知道佢出髮膜嘅時候,真侯勁期待用個一刻呀!
拿到回家的途中,已經忍唔住打開蓋偷聞一下(嘿嘿。。。真係一下咋咩!?XD),佢個味比起用開的洗護套裝仲要濃郁d~ 甜d~ 正呀~!!
我平時用開既係粉紅色既line ﹣ 輕盈空氣感系列, 今次試用既都係用系列的~

輕盈空氣感護髮膜
(約$49.9 / 200g , 有$8 coupon download呀依家~! 正~!)


含3倍高純度蜂蜜&牛奶蛋白質及乳木果Shea Butter(修復及保濕成份)
‧更深層!修護髮尾15cm,閃耀星漾光芒
‧深入受損髮尾&髮芯, 重點修復及滋養受損組織, 充分滲透、修護、保濕
‧提升髮絲柔軟性,有彈力不易斷裂分岔,連髮尾都輕盈動感易造型
‧毛鱗片保濕成分玫瑰果菁華,觸感柔軟滑順, 帶來加倍順滑效果。
‧迷人蜂蜜花果香氛


由於經常染同電d頭髮... 所以佢地一直都唔係太健康的~ 平時用既精華呀, 髮膜呀個d... 多數都係唔唔持久的~ 而Eaaential既髮膜就比較rich同埋由於質地塗上後, 有d似“蠟"既effect... 可以好好地包圍住我既頭髮... 唔似平時個d咁"cream"狀(無cover得咁好, 會好易漏/滴番曬出來...)~ 


用量:如乒乓球般大小(中長度頭髮)

記得要吸一吸乾d水呀洗完頭之後~ 因為用在乾乾地既頭髮上既效果真係好d架~! (我唔係特登唔聽話咁走去濕髮試架... 只係我太無記性... 一唔小心... 就... XD 所以為左有至好既效果... 用個陣... 記得提自己要吸一吸乾至擦上去丫~!) 等約5mins... 就可以沖乾淨架喇~ :)

沖洗個時, 你會feel到佢係的的確確包得住你既頭髮的~ 


吸乾, 很擦上... 等一等 :)

而且如日日吹頭既我, 都feel同見到少左髮絲飛起同無“click”住曬~! 仲有番光澤添~
用前, 都幾多髮絲飛起同無咩光澤... 亂亂的禾旱草... 你地點架!?


用了第一次(用風筒, 熱風吹乾) ﹣ 有番光澤同無咁多髮絲飛起。
第二朝都仲係咁香同咁順~ ^0^ 我又偷聞自己的頭髮添 :p



一星期後(我隔天使用)
可以見到佢地無咁顛... 仲有直既d既感覺添呀... 嘻嘻~!

而且一罐可以用好多次下架都~ 所以都真係幾抵用架~! 不妨買來試試~ 俾妳既頭髮試下吃試份香甜的“補品”啦~ -3-

我既回購率=99.9% (無事係絕對gei~ XD)

2010年5月18日 星期二

洗髮水唔夾, 頭髮lup到人都顛...

髮水真係好重要... 除左外表有所影响外...
其實仲好影响人成日既心情同表現~!!!

細個用過Rejoice... 但無咩印象...
上年聽同事講佢新出既人蔘系列好用...
所以買左支番屋企試下...
結果俾屋企人揪o左好耐...
因為真係唔夾我地~! 用左唔soft之餘仲lup lup地...
結果好辛苦挨曬個1000mL...

(我唔敢再貪平喇... $59.9/set)



(佢個色... 大家都可以估到佢個味... 係有小小中藥味既... 但都ok既~!)


轉左用Essential粉紅色~ 正!
香味甜得來又持久... 頭髮無打結得來又輕又柔...
用完試橙色個隻都ok, 但我地都係勁愛粉紅色... 所以一直用...
上星期用曬... 咁我見Rejoice話咩防掉髮... 咁就諗住試下啦...
諗住俾多次機會大家啦...
點知... 我用左3日... 3日都lup同重到爆呀d頭髮!!!!
如果髮質摸落望落feel落ok既話... 都算丫叫做...
但我唔明點樣可以做到重同lup得來會o鞋個law...
屋企人當然都係同上次一樣... 表明唔會參予“散貨”行動啦...
嗚... 洗完乾左即lup囉... 點會咁架~!? 條"方"真係"勁"成咁!?
1000mL呀又…



今日洗完頭... 無心情做野... 過去婆婆屋企...
婆婆第一句話: 「你做咩幾日唔洗頭咁懶呀!? 快d去洗啦!!」
我呆掉...... 即入去沖涼房洗一洗......
可以順手試試支TreSemme... (我一早想試... 但次次諗起廣告個句:「髮型師Leo建議用...」我就忍住唔買... XD)

吱出來係透明得來小小白的~ 香味自然得來都ok順呀d頭髮...
頭髮正常番曬囉 ^0^~!


* 婆婆到我回家個刻都唔信我今日有洗頭囉... /._.\

哼~! 我乾爆既頭髮都可以lup同重既“方”... 我用曬你之後 (我應該會“請”吱san用XD)... 我唔會再抱你任何既兄弟番屋企架~! 幾平都唔會呀~! 我發誓呀~!! (好明顯我有貪平... 所以中計啦... 唉~!)

2010年5月17日 星期一

「業精放勤 荒於戲 」 我明的... 但難的... 嘻嘻

話說今日要畫同埋改圖... 
所以成個下午都坐響電腦枱前面作戰...

成年無用個software... 
(由於轉左Mac機... 上午則在install software... 電腦白痴真係無命咁滯... orz)
真係咩button都唔記得曬... 
仲要無得“倒”顏色... 填色
要一筆一筆咁油... 真係攞我命...


(e張就係其中一張今日所做既... 怪野)


媽媽見我咁認真... (但佢都有不爽我今日唔練琴... 我都想練架... 至多食完飯我練啦...)
就問我想食咩... 做下午茶...
跟住就勁快(唔係講笑... 真係好快... 我寧願慢d... 唔想佢咁頻撲呢~)地買左番來... 仲要扮2手空空... 跟住响手袋ling出來... 太好笑... XD

仲問我一陣落街食好唔好(佢好少主動叫出去食的... 開心到我...)


(謝謝你啊媽媽... 我會努力的~!! I love you~!)

2010年5月16日 星期日

是日workshop 之 hard sell > 真心資訊性分亨 = 印象變差

話說一連2個星期日都join左又一城聯辦的workshop~
上星期的workshop令我同朋友仔都很開心~ 因為真係學到野 & 認知多左~
staff用心的安排(有power point筆觸記)和用心的分亨~ 
令在場的姐妹們都很enjoy個2小時~
而且對該品牌旳印象十分好而且正面的~
大家開心的, 不是因為1mL的sample~ 而且因為個2個鐘係真係enjoy的~
我翌日更推介家人買來試~ 家人地很喜歡~ 

今天我和朋友抱著期待的心情到達...
可是... 
今天的經驗... 令我們對這個有所期待的品牌失望透了...

剛坐下, staff便給我們一人一個folder...
第一句的說話是(打開folder): 「這裏有張list, 平時用唔到咁既價錢買架~ 你地一陣填丫~」
o下!? 第一句真係... um...



跟住全程都feel到有小小壓力... 因為途中, 主講staff講既同時, 都會有其他staff話你知... 係arm你用同即日抵買~

今日主要係分亨下底妝既(就咁搽base同碎粉)~ 都係好簡o下既...叫做示範o左咁啦~
有個staff就睇下我地... 佢係幾nice同叫做想細心既都~
我地試左
- refine prime (透明gel狀的, 都ok的~ 幾保濕既)... 


- pressed power 我唔知自己用左咩色... 聽staff講好似有粉紅同肉色, 但見張購物單上有3色的... 我諗我用既係其中一隻肉色卦~(睇雜誌時不時都有介紹... 都係我本身諗住好用就去買既item... 點知... 可能係唔夾我啦~ 唉... 毛孔仲現左... 同面珠唔夾而紅紅地呀用左之後...)
- holiday 3-tier palette (有3層的 - 眼影 + 胭脂 + 唇彩, 個盒可以拉開, 層層都有鏡,幾得意架個design~ 有d興趣的~)


- 捷毛液 (um... 用開MJ... 我接受唔到唔挺既捷毛law~ 個staff很用心地幫我同朋友仔擦... 但我真係買唔落手呀...)

大家各自用自一向的方法來試下之時... staff們也忙於請大定填表購買... (um... 在這個1小時的workshop... 仲有25mins才完... 但各姐妹己經停曬手... 有d等look card... 有d我望唔知做咩好同點好...)

我和朋友仔也很失望... 因為尊重的關係而堅持不早退~ 
當staff 2-3次請不到你填... 便不會再來

終於夠鐘了... 我們和幾位姐妹便和staff交待一下才離去~ 
有姐妹提起個workshop有試用給我們的... 
staff呆一呆... 表示不明白...
(這時, 我既朋友仔開始忍唔住... 就拿起袋話:「唔好要啦... 佢都無心既~!!」)
我見朋友仔咁... 
真係唔可以忍嘞... 我地係真心想試同了解貴 品牌個囉... 點解我地唔即時買野, 就怪怪的對我地呢!? 我地唔係來乞囉~! 係真心同誠信問題囉~!!!!!!
我就用個staff講:「姐係參加活動時話會有既試用... 」 
佢呆一保... 行去同另一個staff咬耳仔... 
跟住就給我們一人一份(cleansing milk 同 moisturizer各2mL + 幾mL粉底液)



我和朋友仔就上番一層既washron抺面同化番自己妝... 唔開心咁走...

開心既係~ 行到去屈臣氏~ 見到True White在架上... 5/5去完個次發報會... 次次行過屈臣氏... 都提自己佢會10/5上架... 嘻嘻


唔知呀... 今日好似浪費o左個星期日咁... (因為係1:30﹣2:30, 夾住中間...) 受到時既對待... 唔開心呀... 
上左傳銷公司feel不斷湧現囉...
我對佢所代理既品牌既好奇同好感... 隨著佢咁既銷售手法而失去呢...

點都好啦~
聽日一定會好天架~!! 唔可以因為咁而無心情架~!!!
去訓... 訓醒~ 無事架喇~!

2010年5月15日 星期六

dermalogica clean start ﹣ 毛孔呀 好耐無見過你變幼喇。。。

見到網友們的分亨, 而且包裝設計簡單得來有d彩間... 
令我都幾深印象

晚飯後, 番到屋企...
心血來潮好想用... 結果唔知咩事咁有動力(平時我勁懶...唔多願意用d要洗走既面膜...)

於是我就ling出幾日前得到既sample(wash off同scrub)~ 


wash off係透明gel狀既~ 唔太杰的~
加小小水已經有好rich同好幼既泡泡
香味幾fresh幾自然...
洗完唔乾又唔會拉住拉住
令我更要向下個step前進~

scrub就係灰灰地既白色...
好有填縫泥既feel... 好似架真係XD


um... 用法呢... 
個Ba教我(其實係我問佢...)按摩完fu 10mins... 洗走

但我見個包裝既用法呢... 就同佢的過程反轉...
所以...
就係跟個包裝既指示做的~

涼涼地既~ 
個味呢... 舒服既~ 好似食緊d冰極味既薄荷糖咁~
(um... 唔知係面大定豪用開... 好似唔係好夠用全面... 嘿嘿)

由於我第一次用... 所以等左約5mins... 我就濕手按摩嘞~

洗走後(唔難洗呀!!正!!) Wow~!!! 塊面feel到乾淨o左~ 毛孔... 縮細左呀~!! (都比正常的粗大... 我是知道的... 但... 在於我來說... 真係有細了d~!)


至重要係咩呢~!?
無紅到呀~~!!!!!!!!! 一d都無呀~!!!!!!
我塊面珠係成日都好易會紅的...
上星期用origins既白米... 都紅左都好一陣呀... (um... 用手同用面真係太不同~ 但成set野向我揮手ing囉~!!)

仲要即開電腦打下感受law XD (亞媽叫左勁多下要去訓...)
好想買呀... 真係幾好用

唔得架
要用曬屋企個幾大堆野至可以架... >0<