通常做完激光後, 皮膚會比偏乾, 但同時亦係處於 活躍 同 極度吸收o既饑渴狀態~
今次同大家分享 per FACE「5R美肌全方位」 Renew 中 o既 - 激光緊緻 及 SkinCeuticals 潤澤護理, 响 激光緊緻後以醫學品牌進行 潤澤護理, 舒緩同時為肌膚保充養分~ 吸引喔!!
步出升降機後, 見到 modern 又 有格調 o既設計, 專業感 upupup!!
可惜跟我聯絡開的 Cherie 去了開會 (可能櫃面同事唔清楚, 所以我响門口右邊, 即圖左下的小椅待了好一會... 怪怪的呢~)
* 要讚o既係 per FACE 真係好有道德同責任感~! 見到有個專收可能含副射廢料o既哥哥來收件呢~!!
over 5 mins, 又將近 10 mins, 尷尬得得唔敢郁o既我有救星了 (不過仍沒有告知我 cherie 去了開會, 雖沒介紹, 我由其他 staff 口中知到佢叫 Connie呢...), 她友善地領我到 reception counter 後 o既 sofa, 親切o既嬸嬸隨即為我倒花茶, 邊喝邊填資料, 坐得舒服了, 拍拍照, 緊張心情就舒緩過來喇~ 嘻嘻...
位處世貿中心 35 樓, 坐擁 180 度維港景色~
望住靚景, 人都開心 d 呢~ ^v^
靚靚香薰爐, 聞落好舒服呢~!! 嘻嘻...
除o左我鍾意o既 sofa, 仲有桃紅色o既椅子區架~! 可以望到海景架~!
杞子菊花茶好香, 微熱 arm 飲~
茶具好雅緻喲~!!
* 新年期間, 好裝飾的氣氛恰到好處~
填妥資料習慣表格, Connie 同我對對 ID#, 講解一下療程o既原理, 好處 同 療程後注意事項~ 好詳細, 知多o左好多呢~!! 今次o既 laser treatment 就好似煲滾 d 膠原咁, 令佢地更易增生呢~
再坐坐, 等 Connie 安排好, 就帶我細看房間 同 設施喇~
圖左係 locker 房 + 整理儀容 o既房間, Connie 話當客人做 d 比較長時間 o既 treatment 的話, 就會用呢間房, 一般o既响 treatment rm 都可以喇~
部份 treatment 係 2 間打通架~!! 儀器就响 2間 rm 中間o既間層, 方便 share 來用, d 機唔使推來推去; 而且有度門, 方便做完 laser treatment 唔使出房就可以過房做另一 treatment 呢~
呢個設計好聰明, 但隔音就比較難做得好了~
做 treatment 個陣, 就深受到喇~
雖然無秘密又無o野唔可以俾人知, 但聽多o左, 自然會多o野諗架麻~
嘻嘻...
跟住再睇睇其他房間同設施喇~
左上係做皮膚分析 o既 房間了~
醫生房中o既醫生呢, 有需要的話可以預約架~
參觀了解後, 出 sofa 坐坐就見到今次幫我做 treatment o既治療師喇~ 佢好照顧我喲, 又幫忙影影影, 超 friendly呀, 令對激光心驚驚o既我安心下來~ (隔幾天來才知佢叫 Pinky 呢~)
整理好頭髮, 潔面後, Pinky 先幫我用 3M 膠貼 保護好眉毛 同 眼睛睫毛~
(保護眉毛睫毛好重要架~!!! 唔係會隠型架佢地~ XD 因為激光會感應到有色素o既毛髮, 吸收o左光o既毛髮會轉為白色甚至透明架~!! 咁膚色更見細白均勻喲~!!! 大愛~!! )
再先做右邊面, 讓我睇睇分別~
Laser Facial 採用高效 1064nM o既深入激光波長, 以 50 億份之 1 秒高速振動。激光由表皮輪送至真皮層, 令死皮脫落, 堵塞毛孔o既污垢就能排出來喇~!! Treatment 中無大感覺, 因為有強效冷風系統, 加快激光散熱o既速度, 令過程安全又舒服呢~ ArMui 只係掛住 d 風好凍, 無痛 o既感覺; 聞到陣陣 "lor" 味, Pinky 話我知呢 d 係死皮氣化o左o既味道黎架~
激光仲會擊碎黑色素, 刺激膠原蛋白增生, 一次過改善色斑、暗啞、毛孔 同 皺紋問題喲~!!
Laser Facial 後, 右邊面即時見到緊緻o左乾淨o左呢~!! 靚喎, 當然唔好俾佢停啦~!! 嘻嘻... 做埋左邊面先得~ >///<
Pinky 仲同我做埋下眼肚, 令眼圈收緊 d 淡 d~ (連咁sensitive o既位都係唔痛架~ 嘻...) 再重點幫我打下粒暗瘡印~ (即時會深色o左, 過幾日會慢慢淡番)
完成全面 laser 後, 當然急不及待照照照, 影影影啦~ Pinky 好細心, 每個 step 都解釋得好詳細呢~!! 仲俾鏡我慢慢照, 等我慢慢影... 嘻
我呢個薄皮怪 Mui 做完 laser 都無咩點紅到喲, 只係局部有小小紅 jar~!
跟住就用 SkinCeuticals o既 海洋精華 做全面按摩, 好舒服呢~!! 饑渴o既皮膚吸收得好快, 細心o既 Pinky 邊補加精華邊按摩, 我真係唔想咁快停呢... >v<
再塗上 B5 水分精華, 蓋好眼位放上紗網就塗上含薄荷成份倒模o既料喇~
本想响 9號房安睡 15 mins o既我, 因為隔音問題, 8號房 安排 treatment o既 全程我都投入o左...
亦都因為 8號房 客人o既要求, 我o既 Pinky 就要留在 8號房了... 佢安排 o左另一位同事幫我洗面... (雖然聽在耳裏, 但我總不能爬出去說不吧 XD)
當然, 從治療師的聲線聲調, 我就能知道轉了治療師呢~ 雖然治療師沒跟我說, 但起膜抹面的動作 (沒有超細力經過戴 con Mui 的眼蓋) 和 快手 (抹面後未給機會我照照拍拍就即塗上 toner 同 防曬), 我就肯定換了治療師呢~ 對於沒說明就唔係必需o既情況下轉了治療師, 我係唔係幾開心架~ (而抹面期間又聽到:“9號房未得呀~ 起緊模呀...”) um... 或許設點暗號會比較好... 因為我會亂諗o野架... 怕俾人趕走喔...
治療師沒領我到整理儀容房的打算, 我便留在房內拉番好d 衫~
沒鏡沒風筒o既情況下, 我只能狂抓 + 用力拉... orz (睇右上就知我幾狼狽了~)
立即拍下皮膚 (可惜已塗防曬, 我自己都未睇過未塗係點的呢...), 就趕快出房 (因為知到等房用, 唔好意思留咁耐...)了, 治療師在門口等我, 再領我到 reception counter, 急急的給我簽了 2 張單就講 bye-bye了...
唔知係咩單就簽o左, 更唔好意思問打 laser 時同 Pinky 傾開o既 脫毛東東...
而另一位同事就同治療師講:「袋o野佢架!」(我參觀時寄放的), 我感謝 reception counter 同事幫我記住, 但對於近在面前可以講得友善小小o既都...
再睇睇效果o丫一齊~ 嘻嘻...
* 我一連 3 晚都有做水分 mask 來補水架~ 好乖~ >///<
即晚洗面後, 透o左而無紅(只係暗瘡印位小小紅姐~)
面毛透白o左, 真係令我都透光咁呢~!!
我鍾意喲~!!!!!!!
訓醒, 比平日做 laser, 今次真係夠潤, 唔叫乾呀~!! 因為我呢個乾怪都只係谷o左幾粒因缺水而致o既粒粒姐~
透白依然, 而印仔深色o左小小呢~!
因為唔算乾, 所以粒粒好快收番曬喇~
太好喇!!
第五晚了, 一日靚過一日呀, 一日透白過一日呀~!!
左下可見, 墨仔附近响 laser treatment 中會唔打o既, 所以見到黑色毛毛呢~!!
而其他位, 透白毛仲好透白呢~!!
雖然毛毛會慢慢還原顏色, 不過過了大半個月, 佢地仲未打回原形呢~ 嘩哈哈...
有興趣的話, 可以去 per FACE o既網睇睇喲, 因為依家可以用 $480 (原價$2680) 獨家體驗「激光緊緻及SkinC euticals潤澤護理」一次, 而完成療程後可全數$480換購 SkinCeuticals正價產品架。
謝謝 theztyle 同 per FACE, 讓我見到透白緊緻o既自己~ :)
後記:
貼心o既Cherie 睇到我同其他 bloggers o既分享, 致電跟進了解, 真係令我好感動呢~!! 真心把所有做到最好, 令我好期待完美o既per Face呢~!!
其實感受同效果都好好, 只要响安排上再加點心思, 就令整體感更完美嘞~!!
沒有留言:
張貼留言