早前 激光緊緻 潤澤 一 take 過~ 同大家分享o左 ArMui 响 per FACE o既體驗, 今次同大家分享下再次到 per Face o既體驗感受~
話說响小 Mui 體驗過後, 响 forum 跟 sis 們 留言討論感受, 大家都認為有美中不足而又係可改善之處。沒想到幾天內便接到 Cherie o既來電, 對話中感受到佢好關注我地o既感受, 想 per Face 能夠做到最好, 並希望我再去一趟~
接到 Cherie 的電話, 說真的, ArMui 很 surprise 呢~!! 文未出, 只係留言討論, Cherie 竟然也有留意到呢~!! 細心認真o既行為打動了我, 很希望試試改善後的 per Face 呢~
到達後, 終於見到 Cherie 喇 (嘻嘻, 上次見唔到, 總係爭 d 丫麻... hehe >///<)~ 佢為我介紹上次做 treatment o既 SKIN CEUTICALS, 讓我了解更多, 等我用曬 d 洗面後, 要試下佢地暢銷o既 General Cleanser 得~
而另一邊o既 DECLÉOR 就係我今次會用到架喇~ >v<
法國香薰護理品牌DECLÉOR, 選用100% 純天然植物精華, 特別加入高滲透天然植物 精華油, 加強滲透能力; 即時補充水分及維他命, 令皮膚更有彈性及光滑。
再參觀了解多次房間, ArMui 真係好鍾意望到海o既房間呢~!! 欣賞 per Face 唔會要 join d 貴族 plan 至可以用海景房~!! 而係 First come, first serve 的~
跟住細心o既 Kenji 就同我做上次做唔到 o既皮膚分析, 個 result 話我係缺水 o既油性皮膚呢, 嗚... 唔想自己係油性喲~ (部部機都唔同, 所以 ArMui 只係記得自己鍾意o既結果 XD)
分析後, 如果係做 facial o既話, 另一位美容師會為客人再講解分析的, 而我今次唔係做面仔, 所以就直接過按摩的 area 呢~! (總不能咁密做 2 次 激光吧, 唔好之餘效果都唔明顯架, 所以今次 ArMui 會體驗 香薰温泉按摩的呢~)
* 有一點可以更統一的, 就係張分析結果呢~ 見到有 sis 抱回家, 但我跟部分 sis 就唔知有得抱回家... 希望可以一致的有得留念呢~ (XD 雖然我呢個咩都要留念o既人經已太多留念 ing o既東東...)
呢間係 VIP 2, 有靚靚水療浴池呢~
因為有客人 book o左 o既關係, 我就响隔離o既 VIP 1 度享受喇~
(終於見到房間真身, 好鍾意喲~!! >///<)
呢間就係 VIP 1 喇~!!!! 設施同 VIP 2 一樣, 只係無水療浴池姐 (都唔會用到, 所以無好過有, 唔使望住流口水丫麻 XD)
窗邊放住花瓣同高高矮矮o既洋燭, 日頭睇經己咁靚, 若果夜晚o既話... 諗下都知好靚喲~!! 超浪漫喲~ >w<
Yvonne 早就在門外接我呢~ (嘻嘻... 原來我地係同一架"車立"的呢~ 有緣喲~!!) 親切o既佢令我好放心呢~ >v<
由於 Massage 會由遍及頭至腳, 衛生理由, ArMui 就先淋個浴喇~
當然忍唔住邊拍邊欣賞靚景同擺設啦~
放好袋同外套, 沖個靚沖先~
由於有暖機照住, 當然唔會凍啦~ (連沖完抹身個刻都無涼感, 好想明明無窗都涼涼涼o既屋企都係咁喲... 想買, 但又知"豆腐潤"之家不可能, 嗚...)
防滑面都好靚, 有花花 ga~ >v<
著好浴袍就開門, Yvonne 拎o左按摩用o既香薰油來~ 今次用 DECLÉOR o既按摩油係偏固態的, 要用熱水坐住佢, 等佢軟身番, 暖暖的用起來好舒服呢~
90 分鐘o既 香薰温泉按摩 Aromatic Spa Mosaic Body Massage 共有 4種:
Aroma - Relax Body Massage
香薰鬆馳全身按摩
Aroma - Flow Body Massage
香薰醒神全身按摩
Aroma - Detox Body Massage
香薰排毒全身按摩
Aroma -Tonic Body Massage
香薰修型全身按摩
專業o既 Yvonne 先介紹 4種按摩o既分別同功效, 了解完 ArMui o既需要同 日常生活狀況, 再問問 ArMui 有無特別唔鐘意咩味道, 就為肚子成日咕咕聲, 消化麻麻o既我選擇o左有助減肥, 通淋巴 同 針對改善腸胃o既 香薰排毒全身按摩 喇~
起初對 排毒 係有點驚 ga, 通常有關排毒o既按摩都會推淋巴, 而推中 d 塞o既位, 聽聞係好痛 ga ... 响 Yvonne 親切笑容 加上 耐心解說過程之下, ArMui 心理有所準備, 定o左好多呢當堂~
其實 4種按摩都由頭照顧到落腳, 香薰組合唔同, 背部按摩手法一樣, 主要在下半身有所分別~ Relax (Lavender) 同 Flow (Mint + Peppermint) 都係以輕撫手法來令肌肉身心得到放鬆舒緩; Detox (Grapefruit + Rosemary) 就以拳頭推鬆淋巴, 暢通排毒; Tonic (Lemongrass) 就以拍打手法, "pig pig o拍 o拍" 幫助收緊~
脫下浴袍個刻抱著括出去o既心態, 趁 Yvonne 幫我掛好浴袍個陣衝上床呢...
>///< 未慣, 不過接受到的~
聞住 Lemongrass 香薰, 享受住 Yvonne o既到位準確o既按摩~ 真超舒服喲~!!! 整個過程有序, 先按背部, 先坐暖o既香薰放在背上很舒服, 唔會有平日就咁倒凍油o既閃電感, 力度恰到好處, 到位之餘令人好放鬆, 温柔得令 ArMui 很享受每一下, 更期待下一下呢... >v< 腰患怪 Mui 舒服到放心把自己交給 Yvonne 呢~
再到後腿, Yvonne 先給我心理準備, 讓我知道若淋巴塞的話, 疏通時係會有痛o既感受, 如果摸到一粒粒的話, 就係塞o左呢~!! 而 ArMui 一 d 唔舒服都無呢~!! Yvonne 仲讚我話我狀態好好呢~ 嘻嘻...
未按過腳底的我, 起初怕會好似掌門人o既情況, 但原來係我大郷里!! 根本沒有叫o既必要... 手法温和也能收效;
翻身後, 腳底再到腿, 小腿舒服完, Yvonne 就跟我說我前大腿唔夠通, 應該會有d 感受, 爽緊o既我開始 feel 到痛痛地, 一下接一下o既拳推, 真係幾痛下~ Yvonne 顧及我o既感受, 每幾下就俾我回一回氣, 嘻嘻... 流曬汗o既我 keep 住 同自己講: 通通通, 靚靚靚!!! (雖然係咁諗, 但真係有渡秒如年 feel XD) 按後的確感到鬆了唔少呢~!! 第一隻腳後, 我有第二隻腳... omg~! Yvonne 仲教我平日可以好似扭毛巾咁一下一下按摩大腿~ 會無咁易塞同鬆一 d 呢~ 我會記住喲~ ^v^!!
按肚子時順時針打圈有助腸道蠕動, 4點按壓時, 不自覺的跟隨住 Yvonne 的深吸深呼~ 很 relax!! 按得夠準夠深呢~ (>V< 肚仔又有氣流動, 咕咕聲的, 真係唔好意思呢~)
跟住到按頭喇, 最後o既部位, 意味住快樂 o既 90分鐘就快到了... 嗚, 唔捨得之餘, ArMui 當然聽住音樂繼續享受啦~ 慢慢想訓想訓...
Yvonne 著我休息一下, 並時為我添來暖水跟花茶, 更提我要多飲水 (>w< 我盡力啦... )
訓得好舒服o既我真係好想好想一直留响度, 唔想起身喔...
(睇我幾舒服~ 嘻嘻... )
(原來落o左簾, 暗暗之下, 個靚靚香薰爐仲靚喲~!!)
起身整理下, 輕輕印下個身就著番衫~
* Yvonne 見我太乾, 建議我唔好沖身, 可以更充份吸收養分, 滋潤滋潤丫麻~ >v< 乾 Mui Mui 當然照做啦~ >3<
* haha... 話說响爽緊個陣 feel 到眼底有塊濕東東, 就捽捽捽... 如夢初醒o既我, 見到原來係右眼o既 con, 大家記得要除 con, 唔好好似我咁要眼蒙蒙咁番屋企喔 XD
當然慢慢歎水之餘都再歎歎靚景啦~ 嘻嘻... 希望努力做做做之下, 有能力晚上來啦~
個天再光o左 d 呢~ 景又再靚 d ...
Yvonne 貼心地送我到洗手間, 真係要講 bye bye 了... 真係好唔捨得呢~!! 多謝妳照顧我喲~ >3< 我深信我地會再見架~!! 一定~!!
今次 90分鐘體驗, ArMui 得到 o既唔止呢 90分鐘享受~!! 健談 o既 Yvonne 同 ArMui 分享o左好多智識 同技巧, 授同唔小呢~ >v< 而且 Yvonne 一切都恰到好處, 令我好自在好放鬆~!!
而今次到來, 遇到的每位職員都帶住著親切笑容, 感覺比上次更佳~!! 房外也沒有雜聲了~!! 深深體會到 per Face 係以客為先, 務求給客人至好的理念~ 極欣賞接受意見聲音 而不斷求進o既精神態度呢~!! 加油喲~!!
一個爆分o既體驗呢~!!
番到屋企, 每晚沖涼時提腿成 90度來捽泡, 也會感到拉住拉住o既情況得到改善了~!! 鬆番曬~!! 當然幾日後, 缺乏運動, 又沒有好好照料自己底下, 就會開始慢慢緊番啦~
痛o既感受底下, 只有一小處微微瘀痕, 對於極易整瘀o既我來講真係喜出望外呢~ >v<
前排搬屋拉親腰, 心情差得不得了, 一向唔讚成又唔放心我出去做 treatment o既吱san 竟然唔係叫我去做物理治療, 而係叫我去 180度海景按摩~ 佢話上次見我心情靚又鬆曬喎~
聽著, 真係好感動~!! 真的!! 因為佢真係有留意我呢~ >v< 心動想去之際, 我諗起屋租同幾間鋪租又到期了, 又點敢動身呢...
Anyway, 我一定會努力的~!! Osh~!
體驗過後, 超滿意今次的感受!! ArMui 亦推介 per Face 給朋友~ 有朋友仔更鍾意到即 join 埋泰式按摩添~ >v<
上一回 facial 體驗 當然如實分享啦, 而點解今篇分享咁慢至出呢~!? 就係因為聽曬朋友們o既體驗感, 睇睇仲有咩意見丫麻~!
聽番來o既意見都好 ok 呢~! 都讚 Pinky 細心手勢好, 而且唔硬銷呢~ ArMui 聽到真係好開心呢~!! 希望 per Face 一直俾大家完美o既享受呢~ 加油喲 >3<
沒有留言:
張貼留言