用過唔小 peeling gel, 一係 lup 爆; 一係就無效... 所以都平日去角質都係用泥同陳年 peeling gel (L記的, 新的唔夠舊的温和見效呢~ 用曬唔知點好 orz)~
今次用大家分享下 ettusais o既 去角質嫩肌面膜先~
採用嶄新o既「弱酸性去角質配方」, pH值同健康肌膚相近, 減低刺激, 温和咁 淨化老化角質細胞, 去除死皮污垢。
ettusais peeling milk $160/ 125mL
對 Made in Japan o既 ettusais 一向有信心, 所以好期待佢呢支 peeling 呢~!!
而佢仲叫 milk, 温和感 up~!
貫徹簡潔o既包裝, 包膠封好, 一撕開就用得喇~!!
洗完面 印乾後 (乾手乾面), 用大約 2 - 2.5cm 直徑 o既份量 (唔好吱太多喲, 太濕會難 d 轉為固體架, 咁就會無形中增加o左磨擦架喇~) 塗响面上, 以指尖按摩約 20秒, 輕擦至脫落就可以過水架喇~!! ArMui 慣用微温水, 無凍水同熱水咁激o丫o麻~ 嘻嘻...
含植物萃取纖維 同 深海潔淨黏土, 吸走老化o既黑色素同塞毛孔o既死皮~!! 咁皮膚就唔再暗啞粗硬啦~!! Yeah!!
水潤軟膚成份 (復活草補濕精華 同 牡丹皮精華) 加埋 抗菌保濕成份 (AC Control Oil), 幫手補水 同 預防暗瘡惡化; 經過敏性測試 又 無香科色素, 加上防暗瘡配方, 安全感 up up up 呢~!!
質地果然同我用開o既 peeling 唔同呢~!! 唔係 gel 狀架佢, 係易流動o既杰奶狀架~
大 pet 塗上面的話, 係會滴漏架~
香味方面, 淡淡消毒葯水味, 係因為抗菌嗎要~!?
輕柔o既乳液質地, 經輕擦後, 好快轉化為固體, 唔使死捽, 唔怕過度按摩呢~ ^v^
捽捽下會乾 d, 形成粒粒碎, 咁就可以過水喇~
可以輕易洗淨呢~ 我鍾意喲!! 至怕 peeling 後 黏住難洗架麻~!! milk 狀元洗得來夠潤, 唔怕乾爭爭~
過水印乾後可見刺激果然好低~!! 摸落軟滑o左唔小呢~!! 嘻嘻...
去減死皮角質層後, 膚色再透了點呢!
一星期用 2 至 3 次就夠喇!! 雖然温和, 但都唔好貪心而用得太密喲~ 去街街, 想個妝貼 d 靚 d , 不妨先歎個 peeling milk (有時間的話 XD), 去o左 d 可惡o既角質死皮, 咪靚曬囉可以~ \(^0^)/
謝謝 theztyle 同 ettusais, 期待持續使用後o既剝殼蛋白肌呢~ >///<
沒有留言:
張貼留言