初時見到有JAGUAR香水... 真係唔敢相信呢~! 男仔頭o既我唔識車, 不過唔知點解細細個就好鍾意車頭有隻"豹仔"o既車, 仲話大個要有一架添~
嘻嘻... 多手o既我唔識死, 見有豹仔車泊响街就會... 伸手扯 XD (唔知幾時會俾人拉... o薯~!!)
不過近年好似見小左有"豹仔"响車頭o既JAGUAR車呢... 大家只愛新款嗎? 希望我快d賺夠錢, 可以買架"豹仔"車來實現夢想呢~!
呢支JAGUAR PRESTIGE SPIRIT係給男士的EdT(Eau de Tiolette)來的~ 一向俾吱san話係“一個佬”o既我, 當然要同佢一齊感受下JAGUAR o既魅力啦~ \(^0^)/
PRESTIGE SPIRIT係繼08年PRESTIGE後o既男士香水~
JAGUAR PRESTIGE SPIRIT - $396/ 100ML
佢係JAGUAR第一支帶東方調子o既男士香水~! 初時聞落有小小甜甜地o既水果味, 跟住就係以木味為主o既味道呢~ 陣味爽朗得來斯斯文, 啱曬著西裝番工o既年青男士呢~ (>3< 吱san著西裝個陣自信最型, 嘻嘻)
初調:青蘋果 + 葡萄柚
中調:香柏木 + 東加豆
基調:花梨木 + 檀香木 + 麝香
紫配銀o既盒, 蕭灑有貴氣... 我鍾意~!
Made in Germany o既香水, 講到明係JAGUAR CARS LTD 旗下o既出品~ 太好了!!
勁心急想打開個盒呢... 嘻嘻~(响車上我己經好想開出黎... 我迫自己忍住XD)
好鍾意佢個菱格紋呢~!! 噢~好man呀~!!!!
同前一代(Jaguar Prestige)一樣, 樽身靈感來自佢地o既Jaguar XF, 設計顯心思得來唔使靠賣弄花巧~
忍唔住... 要zoom近d~! 同大家分享一下呢個我好鍾意o既菱格紋 XD~ 嘻嘻...
呢個紋响低調中爆d貴氣出黎呀~!!
粗手粗腳o既我... 一拉就‘卡’一聲, 3層蓋俾我拉曬出來...
所以順手拎埋佢個菱格出來同大家分响下佢o既結構嘞 XD
(見曬成個場面, 吱媽呆掉; 而見慣大場面o既吱san就好平淡咁講: 「希望豹仔車硬淨d, 唔會俾妳整爆啦~」) 咩喎~!? 我唔小心姐~!! 還原仲用得好好地丫... 我係温柔架~!!!!!!
一連10天使用(奴婢每天軟硬兼施的為主子吱san噴上... 無用暴力的 XD~), 鼻敏感的我完全接受佢, 清新唔濃俗, 啱曬我地心意~ (^3^) 嘻嘻...
多謝BL同JAGUAR俾我呢個豹仔車迷一個同豹仔拉近距離o既機會 >3<~!
Prestige Spirit, A Noble Fragrance With Emotional Flair~!
沒有留言:
張貼留言