按我身, 摩我心~

  收到BE既邀請電話出席由ERB提供既 <Smart Living Bloggers保健按摩服務>, 我真係開心到不得了呢~!! 

  記得開始blog無耐, 係BE俾我第一次參加event o既機會呢... 好感動 -3-!!

  今次o既event响中環既City Links Golf Lounge舉行, 我呢個易迷路的九龍友當然早早出發啦~ 可惜, 無人肉定位吱响身邊... 我又再次迷路了... 嗚~

  明明6:30 p.m.經已到中環... 但兜兜轉轉, 來來回回後 - 急到著火 + 標曬汗既我, 問完人又問人之後, 仍然係毫無頭緒...

  

  想哭的我, 終於响7:08p.m. 問中“明燈”!! 佢聽唔清就喊既我講咩, 好好人咁睇完我既map... 話我知唔使兜大堆路!! 唔使去咩文華再去去去, 只要一直沿斜路狂跑, 就會到目的地~ 6神無主的我, 即拿住2袋重物拼命向上啦當然!! 成功到左呀~!!   \(^0^)/

  濕到滴住汗咁... 真係唔好意思呢 XD

  

可以打golf架呢度!! 好得意, 好想 好想試呢~!! 希望有機會o丫~嘻

流左咁多汗, 即吸一杯凍水先~! 爽呀~!!

  坐一坐就由親切既Fiona開始講下關於ERB既資料喇~ 前一晚我都上過ERB既網, 輕輕咁了解o左佢地既背景同宗旨~

  僱員再培訓局(ERB)推出呢個「樂活一站」,服務範圍包括家居、健康及護理三大重點服務。

  

  佢地免費為家務助理課程畢業學員及僱主提供一站式培訓及轉介服務, 領導本地家務助理行業，深受僱主歡迎及支持o架~!

  

  學習後通過測試既樂活助理, 表現優越並受到推介, 至可以成為樂活大使架~!比起亂o甘衝上大陸揼骨, 我對佢地當然有信心啦~!

  我真係好欣賞免行政費呢點~!! 咁就知ERB呢個中介人係真心為肯努力落力既大使啦~!  

講番按摩先,保健按摩服務能紓緩因緊張生活而帶來的肌肉疲勞及精神壓力。佢地既服務範疇包括為家居、屋苑會所或工商機構的客戶提供上門按摩服務，服務種類包括： 頭肩頸按摩 足底按摩

  想美白就要好好善用眉上同眼肚呢2個位嘞~! 輕輕打圈就ok架喇~ :) sis們, 我地一齊為美白努力啊~!! 

  大使們口中既潘sir - Tony, 佢o既講解真係好吸引, feel到佢勁有heart, 一d都唔悶場!! 記得小時侯, mama和ee都參加過ERB既課程, 佢地都好鍾意個度既亞sir既教學手法~ 成日都話亞sir話咩, 亞sir話要咁唔好咁... 好似小朋友咁 XD, 我能深深理解對於大使們對潘sir感恩既tone~  希望我有一日都可以做到個成功既老師, 所教的能令學生授用一生呢~

  我今次既活樂大使係總掛著微笑o既琼姐~ 初初我呢個第二次按摩既人(第一次就係跟左企人去間唔平, 但整到我勁痛勁唔自在既骨場~!! 所以無再去過~ 不過今次係ERB辦的, 我願意試^v^~)唔太慣, 痛左一陣, 跟住就開始舒服了~ 過程中, 我告訴自己一定要再試 XD

  由於全程爽緊, 所以張張相都係蒙蒙的... 請大家見諒 -3-~

pizza包一放底好香好吸引喪跑完既我呀~!! 但Tony講野太吸引了... 所以我地完事後才吃呢... 都ok的~ 但下次要吃熱辣辣的嚕~!

加油啊大使們~!! 妳地咁努力, 我一定支持妳地架~!! 得架妳地~!! 

活動後, 環保袋和香薰油給我們留念~ 謝謝呢! 無預過有禮物呢, 只係為左支持ERB同自強既大使們而來喲~!!  

仲有份問卷連優惠表, 我當然即填好聯絡方法同地址啦~! 我要同屋企人一齊享受架麻~! 當中地址一欄, 要後補住址証明, 太好了~! 我一直掛心緊上門按摩難以保障大使o既安全, 放心曬啦~! 

 

離開時, 忍唔住要影底呢條引領我成功到步既亡命斜路 XD~

想再次道謝, 可惜恩戈經已收工囉... 下次再見 ﹣3﹣!!

有感:

- 尋晚按摩後, 拎左成日重物既手鬆左好多~!

- 失眠多天的我, 尋晚一覺訓到天光呢~!! 身體放鬆唔少, 只係長期拉“行”曬緊爆o既雙肩有小許未痛完~:)

- 要中途轉行, 唔係人人都有勇氣, 有毅力做到架~!! 大使們排除困難, 堅決以雙手努力, 真係好值得時下既青少年學習~! 更值得令無必要拎但又大搖大擺以為理所當然同o岩曬大曬, 又有d咩都話必要o既社工亂幫, 成家unun腳拎綜援享福仲要得聞到勁諗更多想要既o野去迫社會負責既人士反醒~!!!!

- 坐言起行, 記得需要按摩個陣要打182 182支持大使們呀~

謝謝BE同ERB俾我了解樂活大使更多~ -3-