戴con者的好拍檔 是也 - ROHTO C3

  自中二起就戴con, 咁多年真係用過好多隻con護理液(平時我叫佢做浸con水)同濕潤液(姐戴con時用o既無藥性眼藥水), 浸con水呢我就無咩所謂, 好多隻都差唔多(只要唔使上眼前再生理鹽水沖... 咁就得架喇, 太大陰影喇我對個d浸con水 orz); 而濕潤液呢, 我就主打用ROHTO C³ o既~ 一開始係因為佢靚仔o既包裝加上日本制造, 繼續用係因為佢又靚又好用~ 

  新出o既C³Moist加強o左個滋潤度仲換左新包裝, 更開心o既係... 佢出o左浸con水添呀~!! 作為fans o既我梗係勁勁勁想用啦~!! 

左: ROHTO C³隱形眼鏡護理液 

右: ROHTO C³隱形眼鏡潤濕液 

講講個浸con水先~  

包裝加強o左水o既感覺~ 而且樽身設計arm番手型, 中間部分仲小小凹, 方便拎住唔會sin手~ 貼心丫~!

每樽會跟埋個case, 提醒每3個月更換葯水o既同時更換埋case~ >3<

封條o既開口好方便, 手殘o既我無撕爛到下面o既膠紙 XD

* 同我用開o既ROHTO一樣都係 - Made in Japan

超方便o既開蓋呀~!!! 單手就可以型住咁開黎用(雖則响屋企唔使型, 但另一隻手得閒d唔好咩 XD), 爽!

體貼o既佢, 連個窿都顧及埋~!! 佢勁特別, 係開响側邊架~! 為左方便可以輕傾個樽就倒到出黎, 細心得好過份呀~!! 勁欣賞佢呢點呀~!!!!! 

個case都係好方便的~! 又係單手即可打開 >3<~ 唔使驚唔見蓋了... (唔係我呀 XD)

更顯設計心思既係... 佢地可以合體架~!!!  令我好感動呀~! 竟然幫我地諗埋風乾個case o既地點囉~!! 

用後感: 

- 質量真係幾好~! 

- 用佢來洗+浸con, 雙con再上眼o既感覺仲持得好好, 好似新開o既con咁, 而佢都保濕度都比我用開的好~! 上眼後好fresh, 無咁快眼乾~

- 回購度絕對係100% o既~!! 推介呀~!! 

再講講呢隻保水能力2倍up o既濕潤液,

盒o既包裝都轉o左呢~ 但都係Made in Japan o既~ ^v^!!

新包裝都係簡潔明亮的~ (無左舊包裝會附送的白色膠套, 太好了~! 唔使再浪費喇我~)

轉佢就開, 向下按佢就會關o既蓋子~ 

- 新裝o既容量大o左, 由8mL增加為13mL~ 

- 外觀上, 我都係鐘意舊包裝多d姐~ 咁多年望落都覺得佢好潮好獨特呢~! 嘻嘻... 

- 用落呢, 新o既的確係比舊配方補濕力強d同持久d, (可能因為個補濕配方強o左, 滴落眼呢, 要俾多小小時間 + 眨多幾下眼至會清番曬喲~)我會keep住用佢呢~

真係好多謝BE同ROHTO俾機會我呢個C³紛絲呢~ 嘻嘻...