眼乾就滴潤潤的~

  係年紀大丫, 定係因為戴o左十幾年con o既關係...雙眼越來越易乾, 仲乾得越來越密~

嗯~! 其實主要唔關年紀事, 空氣污染都有關啦肯定~!! (XD 唔認老的人又出現...)

  近5年轉左用強生每天拋棄性con, 舒服過長戴的好多~雖然慳左con水, 但佢貴番... 

仲俾佢寵壞了, 用唔到其他brand的 (唔止易乾, 係一上眼就痛!!), 都幾貴喲! 無法啦~ 靈魂之窗喎!! 唔慳得啦~!! 

  間唔中我都會用潤眼液架~ 响街乾爆(我一日戴好長時間... 唉), 滴落眼個下... 唔好講笑, 真係好似得救咁呀~!! 

  我多年來都係用開方盒個隻, 包裝靚又好用~ 响用曬, 諗緊新包裝買唔買好之際, 有機會試呢隻成日見但未買過的brand呢~ 太好了 ^v^!

  我平時真係唔知佢同我以前用開既Complete都係AMO旗下的呢~ 出名同有保証喎~!

blink Intensive Tears - Protective Eye Drops

(近日特價 - $44.9 / 15mL)

  佢有Contacts(藍盒, 10mL)同Intensive(綠盒, 15mL)的~  2款都可以戴住con滴的, Intensive比Contacts再滋潤d, 佢無防腐劑之餘含高水分滋潤份子, 仲加左PEG400同5種天然電解質, 响眨眼個陣修復淚膜, 等我地雙眼保持滋潤同健康, 從而改善視覺質素呢~ 

盒頂同盒底都有封貼, 確保品質~

封到密密實實架~ 不過Made in China就唔係太吸引嘞對於愛買日貨洋貨既我... 

- 樽口造得唔錯, 分量好易控制, 按一下出一滴~

- 質地方面, 比平日的潤眼液杰小小~ 滴落眼後包得好d, 無咁易流番曬出來!

- 味道呢, um... 一打開蓋就聞到好濃烈既藥水味... 我深呼吸, 叫自己滴左落眼度~ 對極度怕藥味既我來講, 無事個陣, 我唔願意用呢~!! 如果個味淡d就爆正呀呢支Intensive~!!

- 功效真係唔錯~!! 爆紅爆乾既眼, 好快就可以舒緩落黎~!! 有效! 如果好似吱san咁唔怕藥味的, 要買來試下呢~!! ^v^

  謝謝blink俾我試呢隻眼科醫生推介既潤眼液呢~