做facial / treatment, 除了見效之外, relax咁投入享受, 係相當重要的~ 但尋日的, 絲毫不能投入之餘, 更令我有點不開心呢...
上星期初, H2O+的小姐來電, 說我是本月的幸運兒, 得到一次綠茶眼部護理作為獎品, 並跟我約好了尋午到又一城分店~ 掛線後的我很忐忑... 因為想起幾位朋友人也曾跟我說H2O+門巿的Ba也很" cher"的... 而我本人十分怕這行為的...
由於之前party同"電美人" 都好enjoy同埋全部staff都勁好~! 所以我便抱住期待既心等待住今天既來臨嘞~
下午我準時到達位於又一城UG的門巿, 這新開的門巿, 位置也易達~ 外觀跟我常經過的H2O+有點不同感覺(門外的燈箱用了黃燈, 令感覺柔和些呢~); 內部裝修則使用白光, 格局跟其他巿門差唔多~ products分門別類咁放得好整齊呢~
(上圖的右上和右下為VIP區~ 相中攞設係面對面的~)
Ba先安排我坐在VIP區, 更為我準備了一杯花茶~ 可惜慢手慢腳的我... 未來得及飲, 便要行番轉頭做皮膚分析呢~ 亞May問左我既職業之後便開始皮膚分析了~ 照出來的結果都係毛孔閉塞而致暗粒同毛孔顯眼~ 之後就開始講下不如加$180做個原價$980, 買package都要$580既清潔treatment嘞~ 當我話俾May知我想考慮一下先, May就叫我買左個coupon先, 2個月內番去做都得~ 我見15mins既皮膚分析中佔左一半以上都係講呢個加錢既tr eatment, 而約好做既treatment就完全無講過介紹過... 咁當然再答佢要考慮啦~ 咁佢就唔係咁開心咁介紹我俾另一個Ba - Carmen嘞~
入到房, 細細間得來好整潔既~ 我剛訓底, Carmen就開始叫我Keep一個優惠嘞... 話好arm我做既咩紅海藻treatment... 一路同我搽洗面gel一路講好抵&好arm我做... 幫我用cotton pad抺淨之後Carmen就出左去攞精華... 住就一路用精華液按摩眼周一路講呢個(原價$660, 依家$770包埋2盒C8000同1pack平日賣$130既skin care product)treatment~ 放上2塊眼膜後就叫我等一陣~ 但我响佢出左去個10mins都仍然係完全休息同平靜唔到既... 一來房間內既音樂有點激, 聽到卜卜聲既beat... feel到自己個心都跟住卜卜聲; 二來可能因寸金尺土既關係... 房間同外面零距離... 出面鋪面既交談聲係完全聽到既... 所以真係100%無法relax落黎的~!! 拿走眼膜後抺淨同搽上防曬就出番鋪面嘞~
一坐底, Carmen就ling番頭先May用來介紹加錢treatment既booklet同個pack$130skin care product既放响枱, 再叫我keep番個優惠嘞~ 我真係唔識俾反應佢, 所以ling起杯花茶飲啦, 嘩!! 熱到6熟我條脷呀!! 跟住既我就痛住咁聴個$770既treatment... 我真係好耐未試過咁抗拒... 所以話番去諗下先~ Carmen就即時問仲有咁要諗... 呢個時候係完全可以見到佢黑同不爽既面口既... 我未答曬, 佢就伸出送客右手話: 「我送你丫!」... 我即時呆掉...
我行左幾步, 就同Carmen講想要剛才眼部護理既資料冊子~ 佢就一路找一路問我:「ok嘛頭先!?」(噢~!!!! 第一句關於今日做既treatment既說話呀~!!!!! 我要感動嗎!?), 佢再接住講:「買盒番去啦!」(我知我知... 自己做仲可以relax添... ), 我即時婉拒佢啦梗係~!! 灰住咁搭番原車番屋企樓下飲茶呀我...
嘩!! 真係唔好講小~! 我上網同睇張單張至知自己個10幾mins用左咩咋陰公... 用左眼膜後, 對眼係即時無咁乾同水腫既~ 但真係唔值Ba講既價值$410囉~!!!!
專程去做, 屈住屈住呀我真係!! 我真係好失望呢... 唉... 同吱san講既一樣, 我真係豬類中至醒既...
Anyway, thx H20+既心意~ 只係個別Staff太想sell野而本末倒置姐... 我會小心架喇以後~!!
沒有留言:
張貼留言