中學時代既ArMui前額養住暗瘡大家族… 個陣無咩錢買野搽佢地, 好在姨姨有買開OXY, 所以ArMui都試過“偷用”XD~ 在印象中, 包裝跟現在的, 大致上都差不多; 而功效呢, 則記得有抽乾暗瘡既功效~ 到左依家, 無曬青春,
活响無壓力生活既ArMui,
間唔中都仲有能力出一兩粒暗瘡… 所以ArMui都好珍惜呢d青春荳架~!! 會好小心咁“幹掉”佢地~!!
唔係今次有機會試,
可能我一世都唔會知…
原來有分濃度之餘仲有葯性既暗瘡遮瑕膏架喎~!!
同埋…
原來OXY係曼秀雷敦既出品,
OXY 5同OXY cover更含有美國FDA公認其中一種最安全有效的抗痘葯品成份Benzoyl Peroxide可以消炎殺菌, 安全有效咁令暗瘡速速淍謝添。
介紹下今次既組員先~
左: OXY Daily Wash (快治潔面乳)
中: OXY 5 (快治五號暗瘡露)
右: OXY Cover (快治蓋療暗瘡露)
OXY Daily
Wash (80g)
•含獨特配方, 溫和泡沫
能有效清除暗瘡細菌及粉剌，預防暗瘡
•適合各種肌膚每天使用，除去面上過多油脂而不令皮膚乾燥，保持潔淨清爽
使用方法
先洗濕雙手，擠少許在手上，輕輕擦至泡沫出現，然後徹底沖淨。
吱出來(其實唔吱都會流出來 XD) 係珍珠色既易流動質地~ 濕手用佢, 好易起到泡~! 泡量都好足夠的~! 佢質地清爽, 好易可以沖乾淨曬呢~! 用後無我擔心既乾爭爭現象出現 (因為通常d防暗瘡洗面野都好去油下~ 乾面怪ArMui好怕架!!)~
個味好正常(以前買過茶樹味的東東… 吱san都頂唔住… 唔肯再用… 所以我地一直對防暗瘡的洗面有點陰影呢~) 係一般無加香味既肥皂的味而已, 唔錯唔錯~!! 不過就建議唔多出油既sis隔日用(或只早/晚使用)好d呢~ 因為ArMui連續3天早晚使用, 皮膚明顯變得比平時乾(後尾加多左精華既份量來補番XD 無得搽勁薄咁慳住用添:p), 之後隔日用, 情況就改善番嘞；油性皮膚, 勁易出暗瘡既吱san 就用得好好嘞~!
佢一連10天, 早晚使用, 明顯無平時的油光滿面, 清爽左唔少呢~! 佢都見到效果, 所以唔使我提佢,
佢都會自動自覺~ 太好了~!!
OXY 5 (25g)
• 含5%的Benzoyl
Peroxide, 治療一般性暗瘡, 迅速見效。
• 消除引致暗瘡細菌, 幫助吸乾多餘油份, 預防毛孔閉塞。
• 用法簡單，藥膏不易呈現
使用方法
用時必須搖勻。先用清水洗淨患處抹乾。點於暗瘡上，再時平均塗抹臉部、頸部及身體其他部位的暗瘡患處。(最初每日用一次，再逐漸遞增至日二次或照醫生吩咐使用。 )
適合膚質
任何皮膚 / 油及暗瘡性皮膚
由於ArMui力谷暗瘡失敗… 所以就借了吱san2粒暗瘡來試試威力 XD
第一天,
負責OXY 5測試既小暗瘡紅紅地, 睇唔出佢有癑~ 搽上白色的小小水感的白色OXY
5, 吱san話無乸既感受~ 第二朝經已收細左d同無咁脹了~!! 第二晚再搽, 第三朝有明顯改善呢~!
要記得响用之前shake下佢呢~! 因為我初時以為佢係膏來… 無shake既必要… 點知一吱佢出來係水水地既野… 白色還自色;
透明還透明咁… XD 所以記得要shake番佢做膏至好用~!! 呵呵!!
味道方面,
一般搽暗瘡既分量, 係唔會聞到咩特別味既~ (我
ling住支OXY 5狂索… 至聞到小小似淡味雙氧水既味姐~)
吱san好滿意呢枝OXY 5呢~ 因為尋日朝早佢無lala問昏睡中既我：「喂, 我試o個吱野响邊呀!?」(先生, 吱野係我架喎~
你做咩企圖據為己有呀!?)… 我求其答佢(我真係唔記得係咩…), 跟住見到個傻佬自己搽來搽去… (接住… 畫面完全中斷… 因為有人再次昏睡
XD) 夜晚, 我問佢做咩要用, 佢就好hill張咁話：「有2粒新仔『標』出黎,
要搽左至出去見人!」… 真係服左佢
XD 真係無諗過佢會咁自律呢~ 嘻嘻… 好開心佢鍾意呢隻product同認同有用呢~!! (間接都對我肯定丫叫~! 平日佢成日話我亂試野…) 至好既係, 佢日頭用個粒暗瘡, 晚上就“熟左”, 可以吱出一粒白色的東東… 當堂平曬丫粒暗瘡~!!
Hohoho!!
OXY Cover (25g)
• 特強配方, 含10%的Benzoyl Peroxide, 專治情況較為嚴重暗瘡, 迅速見效。
• 消除引致暗瘡細菌, 幫助吸乾多餘油份, 預防毛孔閉塞。
• 可將暗瘡遮掩，即使與化妝品同時使用，亦不留痕跡。
使用方法
先用清水洗淨患處抹乾。(最初每日用一次，再逐漸遞增至日二次或照醫生吩咐使用。)
•若可能皮膚敏感，應在正式使用前試用2天
每日塗少許於患處，待皮膚沒有產生不適或
過乾現象，方可繼續使用。
Cover係暗瘡遮瑕膏, 佢吱出來係比較杰既深肉色(頻色比較深呢… 因為連我同吱san用都睇得出深左,
我相信皮膚白既sis唔係太arm呀個色)~ 搽上去粒凸起既含癑暗瘡度… um… 幾難推開呢… 同埋, 我點都無法推得均勻呢… 係無紅色一粒咁明顯既,
但係… 都係唔係咁好睇呢仲仍然係… 無我期望中咁遮瑕呢~ 同埋推開佢個陣會feel到有d粒粒野, 不過打圈推勻後就會無左架喇~ J
味道方面,
一般搽暗瘡既分量, 只係會聞到小小既膏味~ (千其唔好好似我咁…想聞出係咩味話俾大家知而ling住枝cover大大力狂索... 真係有小小頭暈呀聞到~
太笨了吧)
呢吱Cover比OXY 5多5%Benzoyl Peroxide, 的確係有效咁把暗瘡抽得更乾~!! 要注意既係,
皮膚較嫩/乾既sis用OXY
5會好d~ 用Cover時就要分量小d,
輕手d搽薄嘞~!
佢比OXY 5貴約$10~
以用家角度來講, 會回購洗面膏同OXY 5給吱san~ 至於for間唔中出唔勁暗瘡既女孩子來講, 一支OXY 5旁身就夠嘞~! 因為用左佢再用遮瑕膏既視覺效果好過用Cover呢~
真係好多謝theztyle同OXY俾今次既機會我同吱san滅住瘡咁回味兒時往事呢~ 嘻嘻!!
沒有留言:
張貼留言