女孩子總本住「愛美 源自天性；保養 終生使命。」的宗旨過活~ 唔計咩特別護理(例如: 磨砂呀、敷mask呀、出去做facial呀…), 洗完面之後都仲有好幾樣野要搽(我仲要用埋底層精華... 真係勁多process呀…)~ 加加埋埋份量都唔少架, 有時真係怕塊面會負擔唔黎呢~! 成日都好恨有支一take過既可以陪伴我呢~ (吱san就好爽咁用緊吱一take過既tank呢… 我次次見佢咁方便真係流曬口水呀陰公!!)
早前, 我有幸參加左「百人見證‧一抹美麗」工作坊, 對Refoderm有更多了解呢~!
工作坊响都會海逸酒店既The Patio舉行, 場地好靚呢~! 雖然明知係通風系統所致, 但望住個布幕郁郁下咁感受涼風... 我總係覺得似天然風呢... 嘻嘻嘻...
當天展出了Refoderm 亞太區代言人鄺美雲小姐的珍品呢~
為食既我... 好欣賞大會為我們準備的小吃~ (um... 我愛吃甜的... 大會照顧周到, 侍應生給我們端來一份4粒... 我鼓不起勇氣叫encore呢... orz)
來自德國既Refoderm (「REFO」於德文意思為「藥坊」而「DERM」的意思為「皮膚」。) 品牌以自然療法為概念，以「先調理，後補給」，配合中、西草本療法，讓皮膚進行自我排毒程序，經調整後肌膚達至健康正常運作，從而解決不同的皮膚問題。
Refoderm家既Tonic以150種活性草本成分、豐富的維他命B5及多種植物精華製造，成分能深入肌膚底層，刺激皮膚的新細胞生長，讓皮膚進行自我排毒程序。一支精華液已具備多種護膚效能：由清潔毛孔、調整膚色、美白嫩膚、抗紋除皺到修飾輪廓，一個步驟完成繁複的護膚程序，能減少供給肌膚不必要的營養。
工作坊中, 老闆娘蔡太和代言人Cally為我們分享了使用Refoderm的護膚心得, 美容顧問更為我們示範配合7式法的美容技巧~ 我們親身試用, 體驗一下Cally盛讚的「抺水」~ (睇下我抺完後的cotton pad幾可怕 XD)
Skin Care Tonic Sensitive $880/100mL (上圖左三) 蘊含白樺樹精華、牛蒡精華、山金車精華及毛金雞納樹皮精華及天然活性化成分，有效強化肌膚天然保護膜及發揮修復功效，讓天然保濕因數直接導入皮膚底層，令肌膚瞬間回復柔軟平滑，適合任何皮膚人士使用。
Cally當日傷前來, 真係好有心好專業呢~! (Miki抽中左我好想中的親筆簽名書啊... 我好想要呢~!! 前日行過商務, 睇左當中幾個story, 真係幾好睇呢...)
大會給我們試用的kit set呢~ 一支30mL的Skin Care Tonic Sensitive + 6片Cotton Pad (Refoderm家的是血脂棉, 比一般的化妝棉組織較好, 唔會起棉絲「抺水」時感覺較佳~ ) + Moisturizing Gel (細心的Refoderm, 怕我們會未慣唔用cream, 所以給我們响仲怕會乾既初時用的~ ^3^) + 化妝袋 (呢個袋, 容量真係唔少呢~ 嘻嘻) + 15mins 美療體驗券~
這是Cotton Pad的對比喔~
Moisturizing Gel呢, 我就只用了一次而已, 佢係一般無加香料既膏味... 質地比較杰同要用d力同耐性去推開佢~ 我個人鍾意Moisturizing Gel薄d同聞落relax d既感覺呢~
「七式法」- 以七個簡易步驟，順應面部穴位，將化妝棉以「按」和「抹」形式把Tonic帶到肌膚底層，並同時暢通淋巴，刺激血液循環；去除皮膚內長期積聚的污染物和負能量，便能創造出令人驚訝的護膚奇蹟。
Step 1 十字開式
雙手同步於前額中間開始，由上至下向鼻尖塗抹，然後以較大的力度由眉心開始分別向各左右兩旁的眉毛，沿髮線向耳朵前方一直抹去。
再以較輕的力度轉往耳背後方向塗抹，然後以較大的力度由耳背沿頸部及肩膊推抹。
Step 2 前額抗皺
以較大的力度，由眉心開始從下至上抹至髮線位置，再向左右兩旁推抹。
Step 3 消除眼袋
以較柔的力度，於內眼角開始由內而外向上眼蓋位置塗抹。當抹至眼尾骨位置時，以較大的力度按壓推抹太陽穴。
再以較柔的力度，於內眼角由內而外向下眼肚位置塗抹，當抹至眼尾骨位置時，以較大的力度按壓推抹太陽穴。有效改善眼部浮腫。
Step 4 清潔毛孔
由鼻樑開始往下向鼻尖方向塗抹。再從鼻樑開始往鼻翼及鼻角兩旁塗抹。
Step 5 提升面頰
將面頰額分為3部份塗抹。以較大的力度，根據以下方向按壓推抹：
1. 由鼻樑兩旁向頰骨至耳朵前方
2. 由鼻樑兩旁向中面頰至耳朵前方
3. 由鼻樑兩旁向下面頰至耳朵前方
Step 6 緊緻輪廓
以較大的力度由左右兩旁的耳朵前方沿顎骨外圍向下巴按壓推抹。由左右兩旁的耳背位置沿頸部至鎖骨位置推抹。
Step 7 排除毒素
以適中的力度由胸骨沿頸部氣管兩旁向上塗抹至下巴位置，避免磨擦喉嚨位置
** 化妝棉在完成整個過程後，會呈現不同的顏色，揭示肌膚問題所在。
黃色 - 毛孔阻塞及油份偏高
啡黃色 - 皮膚積存污垢
灰藍色 - 壓力及循環阻塞
啡紅色 -肌肉疲勞或疼痛
一連幾天, 潔面後, 由原來的底層精華-->爽膚水-->眼霜--> 精華-->面霜(日頭用連防曬的), 變為只用Tonic Sensitive (我配合了七式法來使用這支Tonic呢~ 圖右上使用一般cotton pad, 也能完成, 只用較多棉絲和要就住度力而己~)
圖右下, 我用了3.5天(早晚各一次, 即共7次), 把這tonic用光了~ 嘻嘻
* 每次使用約4mL的tonic便夠抺全面的了, 由於近日ArMui俾惡蟲叮... 用咩都係勁痕... 諗起Cally講過佢用埋tonic滴眼~ 所以我便一試佢做萬能水~ (我抺完面再抺下可憐既豬腳...)
用後感：用左tonic一step過之後, 保濕係足夠的, 都見到皮膚光澤左~ 不過就開始甩甩地皮(可接受既小皮, 老闆娘講過咁既情形係因為開始做緊野~ 咁姐係it's work!)~ 我開始慣佢既草本味道(第一次用個陣... 有d似跌打酒呢個下 XD)~ 好方便使用, 吱san見我諗都唔諗就抺+敷腳咁有信心(為左呢幾堆點都好唔番既野... 我喊到顛咁滯), 佢都叫我幫佢抺下佢既濕疹(我當然倒張新的棉過佢啦~呵呵呵...佢係我老細丫麻~)添~
附上一張豬腳4天進化相(搽的第一天我真係腫到行路都痛呀陰公... 所以諗起tonic就把心一橫決心一試呢~! 好在我用啱左 XD) tonic救腳既大思大得, 點都要支持一下佢丫~! 不過呢期唔可以用錢住呢... 因為屋企要全屋裝修呢... 等我呀tonic... 找清左使呀裝修大佬... 我會來接你架(你咁高“貴”XD, 要再save下$$至得喔)...
真係好多謝theztyle同Refoderm俾我呢次「一抹美麗」既機會喔 -3-!!
沒有留言:
張貼留言