貓奴 - ArMui - 愛生活: 旋轉木馬上的華麗夢

女孩子的心中, 總有過旋轉木馬夢; 我相信, 定必是個美夢~!!

長不大的我, 自小男仔頭性格, 但白日夢個陣, 都會偷偷地投進我o既旋轉木馬世界去 >///< 經常流連主題公園o既幻想世界, 只要望住旋轉木馬轉下轉下, 就覺得好幸福喇~!! 我深信, 只要抱住希望堅持, 一定能夠追到幸福同快樂架~!! 嘻嘻...

今個聖誕, ANNA SUI就正正以旋轉木馬作主題, 引領女孩伸手摘星星追美夢, 變身成為最華麗可愛o既女仔夢遊仙境~

ANNA SUI聖誕系列2010

單單望住就feel到幸福了吧... 好想好想抱曬佢地番屋企呢~!!

佢地仲係聖誕禮物好選擇添~!!

Make Up Collection 2010 - 魔法星願彩妝套裝 (限量品, 全2款, $430/set)

每套含啫喱眼彩, 水漾魔幻唇彩, 魔幻胭脂及星星化妝包各一

左上個set 01 神秘星星化妝包 (黑色)好好賣呢, 補貨今天才到呢~!!

我喜歡佢配的色系, 紫色(Sparkle Lavender)眼彩同粉紅色(Sparkle Pink)唇彩同胭脂... 勁有ANNA SUI感覺, 我鍾意喲~!!

我都試o左 02 浪漫星星化妝包當中的金色(Stardom Gold)眼彩呢, 小小分量就夠推, 仲好夠閃添~!! 我用紙巾勁抺佢, 都仲有好多閃閃!!

* 個唇彩至勁喲~!! 有"ANNA"字樣架~!!!!!!!! 點做到架~!? Amazing~!!

左:

Facial Soap & Dish Set (限量品, $215/set)

珍珠白色o既皂碟上, 襯番有Rock味公主feel o既致瑰潔顏香皂~ 靚到o丫~!!

唔用香皂潔面都唔緊要~!! 可以放佢响房間度, 咁周圍都會瀰漫住呢種公主香... 浪漫到o丫~!!! >///<

右:

Necklace Rouge (限量品, 全2款, $385/each)

01 - 迷戀粉紅

02 - 玩樂香橙

聖誕限量東東當中, 我至愛就係呢個唇彩嘞~!! 第一眼就俾佢吸引住喇~!! 每年聖誕都總會有品牌有類似款色的唇彩, 而ANNA SUI呢個真係好正~!! 因為靚之餘夠細心~!! 顧及到用個陣o既感受~!! 輕身設計, 真係戴住佢出街都唔怕頸斷同郁動時會fing來fing去dum心口呢~!!!!!!!!! 時間錦囊feel o既佢除o左寶石, 仲有層次o既閃閃星圖案添~! 夠夢幻吧... >3<

左:

Eye Color Collection IV (限量品, $335/each)

以白色手鏡作外殼o既眼影盤, 顏色實用得來夠浪漫呢~

Lip Color Collection IV (限量品, $335/each)

紫色手鏡外殼o既唇彩盤, 令人好想珍藏佢喲~!!!

右上:

Beauty Box (新品, $180/each)

貫徹華麗風, 再帶點活潑時尚~!! 放東東之餘又可裝飾埋枱面~ 用佢來放化妝棉棉花棒, 即時升格曬... 嘻嘻

中 & 右下:

Mirror Charm (Sogo 限量品, $240/each)

好有Rock Star o既味道呢~!! 易襯得來夠輕身~!! 唔會增加負重好緊要架~!!

Eye Color Crayon (新品, 全7色, $180/each)

呢隻珠光眼影勁有Rock Star風采呢~!! 加入o左美肌潤油, 咁就更加貼伏; 含透明平滑粉末, 柔滑得來唔會黏黏的~!! 靚顏色夠大路, 可以keep住用呢~!! >3<

佢一支可以做layers, 推開至珠光效果後, 再用佢勾出眼線, 咁就夠曬sharp啦~!!

ANNA SUI Concept Store 係照ANNA屋企裝修o既concept來裝置, 更會隨ANNA屋企o既變動而更新的~!! 俾大家一種番到ANNA屋企o既感覺~!! 而ANNA屋企剛完成裝修, 我很期待變身後o既Concept Store呢~!! 依家都靚成咁, 變o左身一定會更靚更吸引呢~!!