聽就聽得多, 為o左馳名o既乳鴿, 我終於來到呢間疑似上一代o既聚會聖地嘞~!!
入o左龍華酒店o既範圍, 好似去o左一個別苑咁呢~!! 好有風味喔!!
為免等位(其實係心急... 忍唔到晚飯時間), 5點幾吱san就帶我來喇... hehe
拿拿拿... 唔止我成日影架~!! 好多人都影相留念架~!!
吱san同好朋友都唔係咁鍾意我成日影相相呢... 上個月佢地仲話要扔o左我個相機, 唔俾我買新的… 嗚...
幾有feel呀可~!
下層有小遊戲區同雀鳥天堂架~!! (我亂改o既名 XD 硬係有鳥就叫天堂的... 呵呵)
不過雀雀o既籠... 有人打理就好了...
o支san就即刻話: 去啦~!! 你問下人地, 幫手抺籠可唔可以出乳鴿做糧囉...
我: ......
一坐低... 我俾個disco ball深深吸引住...
但
隔o左無幾耐, 有2個小朋友加入一齊望實同驚歎...
我呢個大人當然即番埋位坐好扮番個大人啦~ XD 呵呵
劉天賜先生鐘意食o既滷水鹽焗乳鴿皇($68/隻)... 真係好好味~!!
強烈建議唔好點佐料~!! 就咁食夠曬味~!!
切開4份o既鴿, 温度arm即食~ 唔切的話會熱d, 再正D喲~!!!
我當然忍唔住要encore一隻脆皮燒乳鴿($68/隻)免切, 來過下隠啦~!! 嘩哈哈...
都唔錯架~!! 但我鍾意食滷水的多d, 因為咸香滲曬入肉o既味太正呀真係~!!
* um... 但我雙手o既1,2 手指就因為撕熱辣辣乳鴿而6親... 第朝都仲痛痛地... 哈~!
沙田雞粥都唔錯喲~!!夠味之餘d雞肉有味又夠軟滑, 我鍾意喲~!!
* haha... 我食食下, 見到張上菜單露出“田雞粥”幾個字... 嚇鬼死我~!!!!!!! 好在睇真d, 原來係 - 沙田雞粥, 嘿嘿...
唔做咩好想食生炒咕lo肉, 啖啖半肥瘦豬肉, 加埋新鮮菠蘿同啱啱好味o既醬汁...
唔整番個"靚仔"點得先~!! Yo~!
飽到就顛o既我堅持要食呢個豆腐花(細:$38), 因為佢有桂花糖水呢~!! 引死我~!!
吱san本身叫我下次再食, 但堅係無甜品唔夠完美喲~!! 好想同大家分享成餐架o麻...
所以
我又發揮勁小小宇宙嘞...
嘿嘿嘿...
滿滿的一小桶... (小碗係吱san的... XD)
超滑得來唔會一掂就爛開曬 (唔鍾意食碎花呢我... XD), 好~! 合我意~!!
桂花糖水真係俾一般的清香~!! 我下次會再戰架~!!
入黑了...
(7點jar...) 開始多人等位了, 所以食飽o左o既我地就拿拿聲埋單, 等下一枱o既食客可以快D試到咁正o既美食呢~ :)
同大家一齊欣賞下夜影先 >3<
對棵樹都咁有心機, 真係夠心思呢~!!
好似响古裝片入面咁喲~!!
後記:
- 好鍾意龍華o既文化, 職員友善有禮, 令人好舒服呢~!!
佢地除o左裝飾有心思, 食物水準夠之外, 上菜o既安排真係要讚~!! 唔似一般餐廰咁一係唔上一係上曬; 龍華會一道接一道, 俾足夠o既時間客人品嘗每道菜式, 唔會趕頭趕命又唔會等到想訓, 恰到好處~!! 次序都諗好曬架~!! 勁喲~!!
- 點解我咁大膽叫呢篇做 " 一. 2人淺嘗篇" 呢~!? 因為我必定要再去~!! 食我上次食唔到o既鳥巢裝鴿蛋呢~!! 呵呵呵...
沒有留言:
張貼留言