2011年7月14日 星期四

當 唔理智o既感情 所託非人 時...

  前日至响 遇上心頭好 。理智唔知道 度期待o既新鞋仔...

  講好o左到手後會同大家分享下~ 結果呢~!? 鞋仔係靚, 但心情唔靚呢亦係源自佢... 
(Quality 唔掂, 反口之餘, 仲要累爆o既客人灰住浪費o左成晚...)

每對 converse x marimekko o既鞋仔都會跟埋個同 pattern o既鞋袋~

响努力掉走 d 線頭線尾, 穿番好鞋帶後... 
呢張相, 不至令我自己o既幻想落空吧... (哭!)





鞋盒中附上 marimekko 簡介~
(呢張"出世紙"我初時以為係垃圾~! 因為呀店員一開盒跌o左响地, 一直唔執番, 直至入袋前至拾起, 塞番入去囉~!! orz...)

本身期待收到鞋後, 慢慢研究下 marimekko, 不過經昨晚一役後, 唔會了~!!
(番到來, 一開盒經己有一大條線... 嘿嘿~ 咁顯眼, 蓋蓋子前 都唔順手執一執走... 真係好勁~!)
創立於1951年的芬蘭赫爾辛基織品布料設計品牌Marimek ​ko,最初僅以服飾及布料做為產品,沒想到大膽亮彩的印花設計大 ​受歡迎,旗下產品更包含了男女裝、包包、居家飾品等。大膽前衛的花色是 Marimekko 的知名註冊商標,其經典設計幾乎都由首席布料設計師 Maija Isola 操刀。才華洋溢的 Isola 曾被選為世界上最具影響力的設計師之一,她充分運用來自大自然、 ​民間藝術、現代藝術以及旅遊所獲得的靈感,透過不同主題、各種繪 ​畫技巧,成功賦予 Marimekko源源不絕的生命力,並創作超過 500 種以上的布料圖樣! 
為歡慶成立 60週年,繼年初與Converse合作推出聯名款式熱賣後,兩 ​個經典作單位本月延續打造囑目夏日聯乘鞋款,把招牌式波點Pon ​i print、超大花朵Unikko print、強烈對比的黑白Paprika print和色彩鮮明的Kaleidoskooppi print等經典印花元素和併接布藝躍上鞋身,不管是奪目的印花 ​圖案、內外色彩搭配、鞋帶選擇甚至是鞋舌上可愛的「CONVER ​SE ♥ Marimekko」小旗,從每個細節可看出設計師的用心,而每 ​一款式搭配了專屬印花鞋套,讓你穿著它上街絕對大受矚目!
(from converse facebook, fyi~)

講真, 手工就真係好麻麻下~!! 印花都係好一般~!! 因為見過幾對, 色差明顯易見~!!
鞋袋麻... 
可能 QC 覺得只係裝鞋罷了, 所以...
- 袋角求期反, 無用"蕊"仔反, 無整理成角型~!! (如果係 design o既 details 位之一的話, 我無o野講~!!)
- 車線位真係唔得掂~!!! 唔好話個回針位激差o丫~!! 條直線真係曲到無人信 law~!!
- 個繩尾打結就真係 retail 同事可以幫手跟跟至俾客囉... 



今朝打開一睇, 口奧~! 呀店員跟得真係咁"足"呀~!?
鞋帶亂咁來... 
唔想穿都講聲o丫~! 唔知醒信o左佢o既話, 趕住著咪大件事~!? 
嘿... 我自穿吧~!

個底邊貼係幾對中至少 defect 架喇叫做~! 希望佢凸出來真係會好似呀店員話唔會引至易甩一樣啦... 


咁傷心, 仲激到今日病埋, 都要堅持出文 (beauty blog 文就再... XD) 同大家分享呢~!?
皆因 太灰 太失望 了吧~!!

買 converse, ArMui 一向响 C.P.U. 呀 運動家 個度買o既~! 點解呢~!? 
因年前同吱 ma 去沙田專門店買鞋, 幾名店員聲稱 check 貨, 點知原來... 夾手夾腳响 cashier 拔價錢牌扮全新貨, 俾我同吱 ma 全程目擊揭發... 信心大減!!
今次因為一時大意, 俾錢個刻 醒唔起件事... 
結果呢~!?
令我信心全失!!!!!



話說
星期一晚, 睇中對鞋後, 我要 37, 店員俾我試後, 我見鬆過平日, 就問一問係咪偏大 size~!? 
店員才說因為 每店只番每 size 1對, 而 37 剛被賣出, 所以俾 38我試...
咁 arm 心水, 而且講個信字, 未試 arm o既我都照俾錢訂貨~ (無貨絕對唔應該 full paid 呀日後!! 要理智呀我~!!!! 嗚!!!)
咁 ytd 放工, 就趕去沙田拎啦~ (本身預拎後去買眼鏡同 同吱 san 食飯架!!)
點知拎時見到爆線, 個針步浮o左出來, 見到埋個針 lone~!!! 點知無另一對, 店員話要再訂... 
o下~!? 好難得至出一次街... 仲要再出~!? 唔係掛~!? 
由離島出出陪我o既吱 san 經己好累, 我又點忍心要佢再陪一次呢~ (佢又唔放心我自己拎o野...)
所以同 2名店員 double confirm o左只要持單就可以回 MK 分店退款~!! 而吱 san 同我又勁餓, 所以問店員下星期至拎番錢得唔得, 佢就話幫我問一再覆我~


吱 san 知我未了結件事都會唔開心, 所以同我一齊即去 MK 店, 點知中途接到電話, 話 MK 店答應同我跟進, 我再問跟進咩, 佢地就點都唔再講退款, 只係話跟進... 仲話幫我再問, 再覆我, 當然無再覆啦...

咁我同吱 san 就去到 MK 店, 個 staff 傲慢到不得了~!!!!!!!!!!!!!!! 話只係答應跟進而唔係退款~!! 我就話現場佢地答應o左囉, 只係電話再講呢 2個字!! 佢唔出聲, 只係淡淡然咁話無得退, 同埋係特登同 我訂多對番來... 唔係無貨比我, 只係要遲 d, 所以點都唔會退款...
完全無為客為公司誠信諗, 只係諗錢!!!!! 仲要每當有客就唔理我, 當我透明~!! 客走o左至同我講o野!!!!!!!!!! 

跟住就用埋 d 咩會員折扣卡呀 (佢仲要好笑咁問, 買鞋時有無開卡俾我, 佢送番張俾我咁話... 嘿, 我唔知有呢張卡囉, 原來係唔俾客知有, 留番呢種情形俾客o既~!!!), 無限期換貨呀咁來打發我...
我忍唔住同佢講, 我唔係為 R o野而來囉~!!!!!!!! (激死我~!!!! 想喊呀~!!!!)

佢 keep 住以唔理你, 等你無o野講而走 o既 吸大氣 苦笑樣... 我火起上來當然唔係會罷休啦~!!
跟住佢就好理所當然咁叫我 1個鐘後再番去, 佢俾 2對我選喎~

望住累到眼紅紅o既吱 san, 我想同佢食o左o野先... 所以惟有答應 1小時後回去 

當然, 受完氣o既我係食唔落啦... 
個 1個鐘真係好難過... (吱 san 仲要無o左呢幾個鐘來做o野, 晚上要通頂完成呢... 嗚)
番到去, 呀店員至施施然打俾拎鞋o既同事... 淡淡然話要多 15mins...
我同吱 san 都累到無反應...

鞋到後, 只係著我挑 1對, 無諗過要俾未試過o既我試下... 
敷衍成功後, 當然拿拿聲執番一直跌o左落地o既出世紙, 塞曬一袋俾番我啦... 

嘿嘿嘿... 
我根本唔知 marimekko, 入去睇中無貨都俾錢 全因為我信 converse... 結果呢~!?
時間 心機 心情 精神 健康 都... 有損... 

我錯了, 我要理智了~!!!
(激心 發燒 sick leave 中... 同大家'申'完, 唔使屈住屈住, 我要去睡了... 嗚...)

1 則留言:

  1. 申完舒服d 啦~
    [版主回覆07/14/2011 14:56:00] jojo~~~~ 謝謝你喲~~~  係丫係丫~~  '申'完, 好似無咁激心咁呢~~~ >3< 不過我真係要反醒下, 要變醒 d 至得~!! >w<

    回覆刪除