與 脫俗仙子 Jasminora 共舞

  仙子般 o既氣質女孩動人得很, 而仙子般 o既 茉莉花 清幽脫俗~ 化作香水, 除o左靚料要天然, 當然要出自能者品牌 至俾到人信心啦~!

上年參加過法國品牌 Guerlain 舉辦 o既工作坊, 對香水充滿愛 同 熱情o既香水師 讓我了解更多呢門大學問, ArMui 對 Guerlain
就念念不忘,  總想住重遇o既日子!

   Aqua
Allegoria 系列每年都會加入一個新成員 (有啲係限量架~!) 今年o既 Jasminora 靈感取自大自然 同 庭園o既非凡境界 , 混和 經典香氛古龍水 同 淡香氛 , 以 茉莉花神髓 加上 小蒼蘭調子, 譜出清新o既味道, 成就自 大自然o既香氣, 絕無外添o既生硬感~!

  Jasminora  用上來自 意大利 卡拉布里亞 o既茉莉花, 呢度o既茉莉花 清雅不烈, 感性純潔, 植物仙子氣息濃厚~! 再由 小蒼蘭 為首, 與兔子花 同 谷中百合悠然共融, 佛手柑 同 白松香 深化, 活潑美麗動人, 為香氛增添圓渾感; 
最終由 琥珀 同 白麝香 拼成調子, 完美留香~

ArMui 收到o既係 G uerlain Aqua Allegoria茉莉花香水迷你珍藏版7.5mL~

雖然唔係貨size, 精緻o既瓶子一絲不苟, 令人感動呢~!!

  Guerlain o既出品除o左質素高, 猶如藝術品o既瓶子都令我心動~!! 而呢個金色蜂巢裝飾o既瓶頂高雅吸引, 係出自 雕塑家 Robert Granai o既手筆, 靈感來自 1853 年為拿破侖三世夫人 創作o既香氛瓶 (鐫刻69隻蜜蜂, 精雕細琢o既手工比喻不息鑽研o既香氛師)。

  自然o既香氣為我添點氣質, 清清的很適合日常使用, 唔使擔心無盛裝, 著得唔夠女性化, 怕唔襯而唔敢噴香水嚕~!! 脫俗仙子感強, 自然打扮 經已夠照~! (haha, 有o左佢, 我又多個 唔使特別裝身, 超 casual wear 就夠o既理由喇 XD) 

  放分量上手腕脈搏位後, 記得唔好摩擦佢喲~!!!!! 由佢自然乾就 ok 喇~!! 熱力會令香水o既香味變質架~!!! (^v^ 香水師上年教o既, 我仲有緊緊記住架~!! hehe...)

  謝謝 ELLE 同 Guerlain~!! ArMui 終能沾點脫俗氣質了~!! \(^0^)/