我的 美腿 纖腿 好伴侶

  長長美腿, 女生渴望擁有~  偏偏腿就好難keep得靚, 一個唔小心, 過度粗勞, 肌肉發達就大件事了...

  記得中學時期, 2條腿都仲見得下人, firm得來有點線條~ 可惜, 出黎做o野之後, 小o左運動, 血液循環變緩慢... 加完班, 番屋企累到沖個涼就訓, 响床凌空踏單車呢個多年習慣都無o左; 响樓梯邊凸半腳鍛鍊o既恆心又無埋; 仲成日著高跟行行企企添...

  水腫鬆 pou pou 腿, 令我好煩惱喔~!! 

  

  先進o既現今社會, 出現o左針對我呢個 case o既恩物呢~!! 俾我可以訓住促進血液循環, 去水腫~!! 我又可以訓住靚喇~!!! 嘻嘻... 訓覺時間都可以充分善用呢~! Yo~!

  爽健 Medi QttO 纖腿襪,  利用階段式壓力有助血液循環, 有效減輕腿部浮腫同疲累感, 讓雙腿睇起黎更修長迷人~  

  階段式壓力從足踝位置、小腿、大腿由下而上循序減壓, 有助血液回流到心臟。穿上纖腿襪, 給足裸關節施予適當o既外部壓力, 讓血液循環回復正常, 減少腿部水腫同消除腿部疲勞。

爽健 Medi QttO 夢之纖腿襪 $249

  夢之纖腿襪係睡眼專用架, 佢地响晚上work, 咁我地訓醒就見到去o左水o既靚腿啦~ >v< (佢仲有一個襪褲包埋hip位, 咁就可以修埋我粗到唔合比例o既大大脾嘞~!! 至於日間呢, 都有2款可以著得出街架~)

  長腿型纖腿襪 全足舒緩護理

- 專為睡眠纖腿設計, 利用睡眠時間進行纖腿, 一夜間有效減輕腿部水腫

- 足踝21hPa · 小腿16hPa · 膝上11hPa o既分階段壓力設計, 改善腳部循環, 幫助收緊肌膚, 為妳塑造完美腿部曲線

- 全脚体設計, 令全足得到舒緩

- 有效消除腳部疲勞, 每天起床雙腿回復輕盈

- 彈性設計能配合睡眠時足踝姿勢

- 薰衣草色促進安睡

- 無足尖設計有助休息時散熱

- 棉質素材令人穿得舒適無比

顏色真係好靚~!! 

功能用品一向欠缺o既, 佢無欠呀~!! 嘻嘻... 

壓力位清晰可見呢~! 令我更期待佢o既功效呢~

* 記得入o左洗衫袋至好放佢入洗衣機喲~!

著個陣唔好心急, 只要分開幾個step著佢, 輕輕鬆鬆就著好架喇~! 

- 我會先先"柔"好佢, 姐係用手指公勾住大脾位o既襪頭, 再用其他手指一下一下縮佢~

- 將襪套入腳尖o既部份

- 套穩就將襪拉過腳"爭", 調整好位置

- 跟手就拉直對襪過膝頭, 將內側o既摺紋拉直

- ok後, 就拉直埋剩底o既就得喇~ 

* 小心指甲唔好勾到佢喲~! 雖然佢夠厚, 都唔好勾到丫麻~ >v<

著o左上腳喇~ 

嘻嘻... 影完相當然即刻zZZ啦~!

  著住唔辛苦, 都無迫住o既感覺, 只係比平時o既leggings厚身d同緊d咁姐~ 係ok o既個感受~!

  第一次著住訓無特別唔舒服, 個日比較凍, 所以保暖感唔錯, 腳仔無冰鮮住, 所以訓得好好喔~! 

  未適應o既關係, 一起身, 我呢個lai床怪Mui竟然無lai床~!! 醒個刻即時彈起身, 拎相機影影影... (* 訓醒有小小麻呢對腳, 因為著o左好幾個鐘襪吧~! 放心吧, 感覺好快復原的~! >v<)

  

  跟住個2晚都訓得比較耐 (難得的早訓, 嘻嘻...), 未適應o既雙腳仲未完全適應, 响早上醒一醒但將會續繼lai床個一刻... 我下意識响被早除o左佢地再訓過~ 哈哈哈... 

  之後o既日子經已適應, 著到落地至除佢地呢~ 嘻嘻... 

  瘦腳呢, 就未試到, 都應該唔會短期同單一著襪可以做到呢; 但去水腫同消除疲勞就體驗到work嘞~!!!! 平時著高跟的日子, 晚上會很累, 腰痛小腿硬硬又痠; 著o左呢對襪, 訓醒無痛無痠軟呢~!! 開心到我o丫~ 高跟sis們有救喇~! >3<

打功夫怪Mui訓醒個陣, 右腳o既襪 sin o左小小落去呢~ >w<

右邊係腳眼對上o既位置, cm 無變o既係~!

左: 小腿至粗o既位, 訓醒減o左 0.5 cm

右: 膝上位置, 訓醒減o左 2 cm

左: 大腿第二粗o既位置, 訓醒減o左 2 cm

右: 希望多加鍛鍊, 可以擁有靚靚美腿啦~ >3<

  cm 每天中午過後就會回復, 我呢個著高跟o既水腫怪真係要keep住著, 希望持之以恆可以收到更好更持久o既效果呢~!! 嘻嘻... 

想穿著Medi QttO纖腿襪有更顯著的修腿效果? 可以做做體操啊~!

响訓著之前, 用5分鐘做個腿部按摩吧~!

記得將兩腿分開, 用雙手逐一按摩喲~

有時間/遇到樓梯, 仲可以做3分鐘我讀書時至愛o既靚腳操架~!

暗暗地做, 又唔會怪相~ 嘻嘻... 要靚腳就要努力囉~! -3-

  多謝theztyle同Scholl俾我呢個訓住靚腳o既體驗喲~! 我會努力keep靚對腳架喇~! 

  sis們, 我地一齊加油喔~!! 為美腳努力喲~!! GoGoGO~!