天然和有機, 我們也比以往注重了吧~! 很多品牌也打正這旗號來推出新產品,
目的大多只是為了爭取巿場和提升形象而已… 未能令我盡信~ 但當我在數月前接到Melvita這品牌的小冊子後
(本只是去換試用品, 結果那本不小的“小冊子”比起試用品更為吸引我…)
, 我對這個品牌的印象真的十分正面和深刻呢~ 大多數品牌的“小冊子”也著眼介紹產品和優惠, 而Melvita的則著眼於品牌故事, 對有機和環保的承諾&認證。其中品牌名字既由來, 保証5會用既化學成份同埋「 蜂鳥的一滴水」既故事真係令我對呢個品牌更加欣賞同有信心呢~!!
創辦人Bernard本身係生物學家及養蜂專家响1983年創立o左MELVITA(“MEL” 是拉丁文蜂蜜的意思而“VITA” 是生命力的意思),因為蜂蜜來自花卉，是植物與動物共同努力創造的結果; 而 “Nature
at Heart”係品牌的座右銘，表達佢地對環境同人類o既關注~ 單單從改名同座右銘就可以見到呢個 對有機熱誠o既 品牌優質o既特色同埋好有商業道德啦~ 所以能夠感動到我呢~ 嘻嘻!
(貼心的Ba小姐用2個紙袋裝住防穿呢... 謝謝妳喔~! 我當然無浪費佢地, 我用左佢地來裝送俾BB既禮物呢~ 至於個封口貼紙, 我貼左响記事簿封面呢~ 提住自己要同Melvita保護環境呢~!)
Melvita是天然有機產品風潮的先驅品牌，亦是首批在2002年為產品取得ECOCERT 有機認證的公司之一。
佢地有以下既經營守則, 可見佢地係幾對自己既要求同理想係幾遠大呢~
- 產品符合ECOCERT，環保及有機護膚品的標準及 Cosmebio 標籤的要求 (要符合呢2個約章既準則真係幾難架…)
-
堅持優先選用有機耕種或環保採收方式得來的原料，因為我們反對任何化學污染或破壞大自然的行為
-
數十年來，一直反對進行毫無意義及殘忍的動物測試
-
確保所用的包裝物料全部都可循環再造
-
積極支持可持續發展的經營方式，致力保護大自然的美、生物多樣性及生態平衡
-
全力與本土及世界其他貧困地區的農戶，建立良心、人道及公平
-
以愉悅享受、卓越功效及芳香吸引為研發產品的基本要求
大多化學物對我們和地球生態也有不良影响, 而Melvita 的護膚及美容產品則完全不含石蠟或矽氧烷, PEG 或 PPG, 乙氧基化合物, 苯甲酸酯或苯氧乙醇,甲醛或氯化物及人造香精或人造色素和絕對不會使用:
- 鋁鹽：多用於香體膏中，有止汗作用，由於此成份會阻塞汗線，有致癌的可能。
- 月桂基醯乙二醇胺：界面活性劑，其中的亞硝胺是致癌物質。
- 羥基本甲酸脂：有防腐作用，可於西藥及護膚品中找到此成份，具殺菌作用，一項英國的研究發現此成份有機會導致乳癌，因此忠告消費者避免使用。
- 石蜡, 凡士林 (軟石蜡) ：提煉自石油的化學成份，被廣泛用於一般化妝品及護膚品。
- 聚乙二醇：於有毒氣體中提煉的化學成份，多用作乳化劑或溶劑。
- 苯氧乙醇：用作防腐，與羥基本甲酸脂共同使用。
- 鄰苯二由酸鹽：溶劑及變性酒精，美國政府以此成份來打擊假酒的問題 MELVITA 只使用非變性酒精或有機酒精。
- 丙二醇：人造溶劑, 用作防腐，過度使用會引起敏感，使用超過 5% 會導致細胞中毒，普遍用作護膚品的溶劑，所有提煉自丙二醇的化學成份都可能對健康構成威脅。
- 矽膠：防水，提煉自石油化學產品，不能被生物分解，由於質地幼滑，是一般護膚品最常用的成份之一。
睇左Melvita既理念同承諾唔用咁多化學野feel到佢對品質既追求未!? 等我講下用左佢既產品有咩感受先~
(貼心的Ba小姐介紹同試左蜜霜既texture俾我睇之後, 就用左bubble紙來包住支花水, 防止佢受傷呢~! 謝謝妳喔~!!)
今次試用既係Melvita既暢銷產品呢~ 而佢地係皇牌玫瑰系列呢~!! 吱san佢從未試過送花俾我,
但今次佢就陪左我去抱呢2個玫瑰小朋友番來嘞~ 嘻嘻…
有機玫瑰花水 HK$240.00/ 200mL
呢隻天然有機產品,
勁到其中99.24% 係天然成份同埋99.20%係有機成份!! 經法國
ECOCERT 有機認證機構認可ga~ 佢透過蒸餾法萃取自有機大馬士革玫瑰花之花瓣，有機玫瑰花水適合幼嫩肌膚使用, 有效控制油脂分泌，可預防皺紋的出現。
(為了拍照可以睇到吱一下後水珠均勻分佈, 我故意靠近點吱~ 平日用於面上, 離遠一點吱, 會更幼細的~)
官網教用化妝綿於早、晚塗於臉上作爽膚之用，無需過水, 因為佢具有深層滋潤作用，氣味芬芳，亦可舒緩日曬後的不適~ 而我就跟Ba姐姐教既方法(當toner噴來用
,同埋補妝前噴一噴)用, 因為我好享受用佢個正斗噴咀直噴上面既感覺喲~ 嘻嘻!! 被d玫瑰細霧包輕輕包圍住塊面,
感覺好鬼高貴喔~!! 呵呵呵!! 佢輕身, 易吸收得來又夠保濕… 佢無化學野得來個味又純, 放心勁聞!! 嘿嘿… 佢好正, 又唔貴,回購度係100%呀~ 超推介呀~!! Summer出街補妝正呀~! (但要用個小樽裝喎! 因為佢本身係用玻璃樽架,
成支帶會腰折架~! XD)
玫瑰蜜霜 HK$360.00/ 50mL
佢都係經法國
ECOCERT 有機認證機構認可既天然有機產品 (佢含99.68% 天然成份同埋57.37% 有機成份)。質地幼嫩易被吸收，適合幼嫩肌膚使用， 有效為幼嫩肌膚增添亮澤。玫瑰蜜霜盡情發揮各品種玫瑰既好處呢~! 佢蘊含多種玫瑰的活躍成份：具修護作用的摩洛哥玫瑰、具舒緩作用的伊朗玫瑰花水、具更新作用的智利玫瑰果油及具活化作用的玫瑰種子乳液，其中大馬士革玫瑰更為此產品添上獨特的香氣。
(佢既出口係真空設計, 可以保持乾淨呢~ 有入無出, 好新鮮呢~!!)
(霜狀但好易被吸收曬, 光澤感up!)
我早上同晚上搽完精華後就用佢呢(日間記住要加防曬喔~!)~
成晚開住冷氣訓都唔會乾丫~ 真係唔錯 XD 而且我連我婆婆都好喜歡佢呢~ 一路話好香一路一齊搽…
哈哈…
天氣凍d, 我一定會過Melvita度買護手霜同護足霜俾婆婆同媽媽呢~ 因為我信Melvita既承諾,
希望用佢地能夠滋潤最乾燥皮膚既天然products來保護一直保護我既婆婆同媽媽~
嘻嘻…
多謝BE同埋真心為維護大然自同我地既Melvita俾呢個機會我認知同體驗有機天然既好處!!
我同我教出來既小朋友都會同你地齊努力保護地球架~!! 一齊加油~!!
啜卜~!
沒有留言:
張貼留言