巨聲媽媽(Harmony) - 估你唔到幾好睇

得到＜巨星媽媽＞優先場戲飛2張。。。當然要和吱san去看囉 ^v^~

初初以為係女高音之類既西片... 

到睇之前先知係韓片, 以為係無咩內容既戲... 

只係為左有“理由”叫吱san同我去下街咁姐。。。XD

點知咁好睇咁感動。。。真係令我對韓片加左分呢。。。

片中既女性都因為俾男性傷害o左而錯手做錯左事... 

而入獄... 

响獄中... 佢地無自暴自棄, 仲好積極咁互相扶持幫助... 跟住仲透過音樂去一齊療傷...

真係令我好感動... 

雖然我唔識韓文... 但佢地唱歌個陣... 盼望美好日子來臨既憧景... 深深打動左我... 

有幾下好難接受... 呢幾個咁好咁有才華既女仔... 俾自己至親所傷... 

除左死刑恢復個度我唔開心唔想見之外... 真係好開心大家都同親人惊解和好番...

我喊到顛曬... 對眼番到屋企沖完涼都未正常番...

嗯， 真係要多謝頭條網... 如果唔係... 我唔會睇左呢套值得睇既片~ ﹣3﹣