大半年前, 經朋友力推之下
買了呢罈含天然成分既泥漿
佢含既成份同預期功效:
- 意大利泥漿—滋潤乾燥皮膚
- 礦物維他精華「活水」專利配方—舒緩及平衡皮膚水分
- 蘆薈啫喱、燕麥蛋白、芒果奶油—修補乾燥皮膚,增加水分和減退細紋
- 綠茶、橄欖、甘菊油—具舒緩功效,重現肌膚明亮光彩
- 維生素E、紅花、西柚油—保護皮膚免受環境傷害,使肌膚柔軟嫩滑
幾經努力豪用之下... 佢終於用到得番1/3左右...
以為可以光明正大, 理直氣壯買大家都讚的白泥來試之時...
尋日同亞姨傾計... 講開幾好用... 佢就拿出...
一 罈令我呆掉的 ﹣ 綠泥兄弟… 給我
原來佢之前買左set野… 不過佢唔打算用 罈泥… 所以轉贈俾我…
咁
姐係話
我購物的計劃失敗了…
嗚…
由於我勁懶惰既關係
通常都係忍無可忍之下
至會用e罈野 (因為要洗既mask丫麻佢係...)
我搽T-zone先, 再搽面珠...
Ba姐姐話搽1/4"咁厚就夠架喇~
初用的話
時間短dd會好些, 等適應左至加番長小小時間會無咁冒險law~
我就係用2-3mins先~ 幾次後至變成5mins的~ 唔好貪心呀不過!! 夠乾淨架喇~
要再乾淨d既, 咪一星期用2次law...
因為我試過... 10mins多小小... 泥就乾... 連我塊面都想乾咁呀... 仲紅紅地左一陣...
嚇得我丫~~~~ 唔敢呀以後都...
洗個陣會洗面珠先~ 因為佢皮薄d丫麻~ 唔想佢"清潔"咁耐麻~
陣味都ok清新架其實~
既然多左一罈... 等我用來招呼我既酒米粒粒背脊先~ 嘻嘻嘻...
for清潔用途~ 為番條數係抵既~
沒有留言:
張貼留言